مساعدة في تشطيب شقة

**Red_1024** · 11-03-2013 09:06 PM

السلام عليكم
انا اشتريت والحمد لله شقة جديدة في الدور الثامن باحد العمارات في مدينة نصر
الشقة متشطبة بس مش تشطيب كويس يعني ونظرا لاني عريس ةهتجوز قريب فانا محتاج اغير السيراميك للمطبخ والحمام واعمل كرانيش جبس في السقف
دلوقتي فية طقم حمام قديم راكب فاعمل اية
اية اول حاجة اعملها
هل اكسر الاول وبعدين اجيب نجار للابواب والشبابيك ولا سباك يفك الاحواض والحمام
وبعدين الشقة في الدور الثامن هل لازم اجيب ونش لتنزيل الكسر وتطليع الاسمنت والجبس ولا ممكن عمال
اجيب منين حد يكسر من غير ما يبهدل السباكة والكهرباء لاني مش ناوي اغيرهم
يا ريت مساعدة من اهل الخبرة

**Ahmed_selmy** · 12-03-2013 12:16 PM

مبرووووك على الشقه وربنا يتملك الزواج على خير.
بص يا سيدى
اولا: حتحتاج تكسر الشقه , تجيب العمال من عند مسجد السلام او فى العاشر امام بنزينة موبيل او من قدام المنهل, لازم تكون واقف معاهم وهما بيكسروا لو عايز تحافظ على الكهرباء والسباكه , مع انى افضل انك تظبطهم بالمره كدا كدا انت مكسر تعمل شغل على نضيف احسن, لو حتخلى القاعدة والحوض هات سباك الاول يفكهملك.

ثانيا : غالبا حتحتاج تعمل سباكه , وخصوصا و المواسير حديد الافضل تغيارها بلاستيك بروبلين.

ثالثا : شغل الكهرباء , لو حتمد خراطيم فى الارض او تزود فيش فى الاوض والكلام اللى بالك منوا.

رابعا : الكرانيش وشغل الجبس.

خامسا : السيراميك, ويفضل من اجل التوفير انك تجيب الاسمنت والرمل والسيراميك مع بعض علشان تاجر الونش مرة واحده , وتنزل فيه الراتش بتاع الشقه.

سادسا : النجارة والنقاش

- مش حتحتاج تعمل حاجه فى الابواب او الشبابيك غير فى الاخر , وكدا كدا العمال بتخلع الابواب وتتركن على جمب.
- فى راى الشخصى حاول تعمل الاساسيات صح , بعنى لو السباكه فى قلق غيرها ونفس الشى للكهرباء, بعنى ممكن لو حتركب تكييف حتى فى المتسقبل تعمل حسابه , و لو فى سخان و حتحط فيش للتليفون والدش, دى يالنسبالى اهم جدا لان اى مشكله فيهم حتخلينى اهد الشقه كلها تانى وخصوصا السباكه, بالنسبه للكهربا انا مبحبش اى سلك يبقى ماشى بره الحيطه بيبوظ شكلها.
- حاول تفاصل مع العمال لانهم بيستهبلوا فى الاسعار ولو معجبكش السعر سيبوا وامشى حتلاقى مليون واحد.
- اتفق مع العامل قبل ما تتحرك اى وتروح على الشقه , لانهم اما بيشوفوا زبون بيتلموا عليه وتلاقى واحد قالك مش حنختلف ومش عارف ايه وفى الاخر يقعد يقاوح معاك فى السعر, بالاضافه حدد انت عايز ايه بالظبط لان فى منهم ناس متخصصين فى حاجات يعنى عليز تكسر فى الحيطه يبقى نحات , عايز تبنى يبقى بنا, لان فى منهم بيبقوا بهايم ويعكلك الدنيا وخلاص.

معلش هو موضوع مقرف بس الواحد بينبسط فى الاخر خالص , وربنا يوفقك وانا معاك فى اى استفسار .

**mohamed_selim** · 12-03-2013 12:36 PM

عن تجربه .. متسيبش حاجه قديمه ... لو هتشتغل فور كل حاجه و ظبط على نضافه ....
لو سبت حاجه هتلاقيها بعد شويه بتعمل مشاكل و هتحتاج تفور كده كده و هتلاقى الاسعار اغلى بكتير ...
كان عندى نفس القصه و غيرت كل حاجه ما عدا الكهربا و سيراميك المدخل و دلوقتى لازم اعمل حاجات فى الكهربا و هغير السيراميك و شكلى هفور الدنيا كلها تانى !

**Abo Yasso** · 12-03-2013 01:35 PM

المشاركة الأصلية كتبت بواسطة Ahmed_selmy

مبرووووك على الشقه وربنا يتملك الزواج على خير.
بص يا سيدى
اولا: حتحتاج تكسر الشقه , تجيب العمال من عند مسجد السلام او فى العاشر امام بنزينة موبيل او من قدام المنهل, لازم تكون واقف معاهم وهما بيكسروا لو عايز تحافظ على الكهرباء والسباكه , مع انى افضل انك تظبطهم بالمره كدا كدا انت مكسر تعمل شغل على نضيف احسن, لو حتخلى القاعدة والحوض هات سباك الاول يفكهملك.

ثانيا : غالبا حتحتاج تعمل سباكه , وخصوصا و المواسير حديد الافضل تغيارها بلاستيك بروبلين.

ثالثا : شغل الكهرباء , لو حتمد خراطيم فى الارض او تزود فيش فى الاوض والكلام اللى بالك منوا.

رابعا : الكرانيش وشغل الجبس.

خامسا : السيراميك, ويفضل من اجل التوفير انك تجيب الاسمنت والرمل والسيراميك مع بعض علشان تاجر الونش مرة واحده , وتنزل فيه الراتش بتاع الشقه.

سادسا : النجارة والنقاش

- مش حتحتاج تعمل حاجه فى الابواب او الشبابيك غير فى الاخر , وكدا كدا العمال بتخلع الابواب وتتركن على جمب.
- فى راى الشخصى حاول تعمل الاساسيات صح , بعنى لو السباكه فى قلق غيرها ونفس الشى للكهرباء, بعنى ممكن لو حتركب تكييف حتى فى المتسقبل تعمل حسابه , و لو فى سخان و حتحط فيش للتليفون والدش, دى يالنسبالى اهم جدا لان اى مشكله فيهم حتخلينى اهد الشقه كلها تانى وخصوصا السباكه, بالنسبه للكهربا انا مبحبش اى سلك يبقى ماشى بره الحيطه بيبوظ شكلها.
- حاول تفاصل مع العمال لانهم بيستهبلوا فى الاسعار ولو معجبكش السعر سيبوا وامشى حتلاقى مليون واحد.
- اتفق مع العامل قبل ما تتحرك اى وتروح على الشقه , لانهم اما بيشوفوا زبون بيتلموا عليه وتلاقى واحد قالك مش حنختلف ومش عارف ايه وفى الاخر يقعد يقاوح معاك فى السعر, بالاضافه حدد انت عايز ايه بالظبط لان فى منهم ناس متخصصين فى حاجات يعنى عليز تكسر فى الحيطه يبقى نحات , عايز تبنى يبقى بنا, لان فى منهم بيبقوا بهايم ويعكلك الدنيا وخلاص.

معلش هو موضوع مقرف بس الواحد بينبسط فى الاخر خالص , وربنا يوفقك وانا معاك فى اى استفسار .

الله ينور يا مملكه

ربنا معاك بس هتبقى مبسوط فى شاء الله فى الاخر

**Red_1024** · 12-03-2013 02:20 PM

طبعا معني معني كلامك اني لازم اجيب ونش
طيب بالنسبة لموضوع التكسير
الحمام 2*3
الريسبشن 4*4+4*6
المطبخ 4.5*3
يتكلف كام موضوع التكسير والتنزيل
وياخد وقت قد اية

**Red_1024** · 17-03-2013 02:50 PM

الحمام والمطبخ انا مش عاوز اغير غير السيراميك بس فيهم فهل لازم يتم تكسير السيراميك لحد الطوب الاحمر ولا اية قصدي اني مش عاوز اغير سباكة ولا كهرباء فيهم
ياريت حد يفيدني

**Abo Yasso** · 18-03-2013 10:09 AM

المشاركة الأصلية كتبت بواسطة red_1024

الحمام والمطبخ انا مش عاوز اغير غير السيراميك بس فيهم فهل لازم يتم تكسير السيراميك لحد الطوب الاحمر ولا اية قصدي اني مش عاوز اغير سباكة ولا كهرباء فيهم
ياريت حد يفيدني

الحمام والمطبخ اصلا بدون محاره
بمعنى : بمجرد انك تنزل السيراميك اللى على الحائط هتلاقى الاسمنت الىى ماسك السيراميك مع الطوب الاحمر
بس نصيحه طالما انت مكسر بص بصه كده على المواسير بالمره وهات سباك واتنين يبص عليهم
ربنا معاك وابقى طمنى عليك عملت ايه؟