هل تستخدم بطاقتك الائتمانية على الانترنت

**egyptawy2010** · 13-03-2013 10:01 AM

المشاركة الأصلية كتبت بواسطة ahmed_adham

لو الفيزا هتعدي على مكنه مش هتطلب أي باسورد. الانترنت بس اللي بيطلب ال 3 أرقام اللي بيبقو على ضهر البطاقه. اشتري من مواقع موثوق فيها ومتقلقش مفيش موقع هياخد أكتر من اللي انت موافق عليه ولو حصل تقدر تشتكي في البنك بتاعك وهوه هيطلب من بنك التاجر انه يجيب منه فاوتره باللي انت اشتريته ويطابق المبلغ ومش هتدفع اكتر من اللي انت شوفته على الموقع. بيبقى فيه رسوم لحل المنازعات على مشتريات الفيزا بس بتبقى رسوم بسيطه بيتحملها الطرف الخسران في معظم الحالات.

ان اقصد ان يستخدم الموقع ال 3 ارقام دول فى اى عملية اخرى لا اعرف عنها شيىء

ومعنى كده انى ممكن اى حد يعمل اى حاجة لو معاه ال 3 ارقام دول

**h_shahin** · 14-03-2013 03:02 AM

المشاركة الأصلية كتبت بواسطة egyptawy2010

ان اقصد ان يستخدم الموقع ال 3 ارقام دول فى اى عملية اخرى لا اعرف عنها شيىء

ومعنى كده انى ممكن اى حد يعمل اى حاجة لو معاه ال 3 ارقام دول

فيه خدمة ان البنك يبعتلك رسالة علي الموبايل مع كل عملية شراء باستخدام الكارت
ممكن عن طريقها تعرف اذا حد استخدم كارتك في التو و اللحظة و ساعتها ممكن تبلغ البنك يوقفوا الكارت فورا
الخدمة دي في البنك الاهلي مش عارف بقي ظروفها ايه في باقي البنوك

Sent from my MZ601 using Forum Runner

**tutankhamoun** · 14-03-2013 08:12 AM

أولا تستخدم مواقع موثوق فيها و غالبا (المواقع دي بتحولك لموقع البنك لأتمام عملية الشراء )
ثانيا تتأكد تمام التأكد أن الكمبيوتر بتاعك متأمن و مش متهاك أو مخترق بأي طريقة و يكون خالي من الفيروسات)

أنا طبعا بأستخدم لينوكس و بأستخدم طرق تأمين عالية على نظام لينوكس بالاضافة اني مش بستخدم عمال على بطال ...... بادفع به فواتير بس .

مستخدمي ويندوز لازم يكون عندهم حرص زيادة علشان النظام مش آمن شوية و كمان موضوع الفيروسات ....
يبقى خطوتين

1 - مواقع موثوق فيها
2- جهازك الشخصي يكون نظيف
3 - أنصح بمتصفح فايرفوكس فهو آمن لدرجة كبيرة و أعتقد برضه كروم آمن أيضا .

**wahba87** · 14-03-2013 08:38 AM

المشاركة الأصلية كتبت بواسطة m_elkhishin

أنا معظم مشترياتي باستخدام الفيزا عن طريق paypal.
بس للاسف ساعات باضطر استخدمها مباشرة في المواقع اللي مبتقبلش paypal ولازم اكون متأكد من الموقع.

افتكر بايبال مكنش بيقبل كروت مصرية , انت كارتك مش مصرى ولا هم بقوا يقبلوا مصريين ؟

**أحمد كمال** · 14-03-2013 09:21 AM

المشاركة الأصلية كتبت بواسطة wahba87

افتكر بايبال مكنش بيقبل كروت مصرية , انت كارتك مش مصرى ولا هم بقوا يقبلوا مصريين ؟

كان الاول الموضوع ليه علاقة بالعنوان و الاي بي

يعني لو كنت مصري مقيم في السعودية مثلا كان ينفع

دلوقتي ما بقوش بيقبلوا مصريين اساسا :(

**gebreel** · 14-03-2013 09:40 AM

اهم حاجة موقع مضمون
تتاكد وقت الدفع من الaddress bar انو https
لو عاوز تطمن اكثر دخل اي رقم غلط في رقم الكارت و شوف لو قبل يبقى موقع شبه اللي انت عاوز تدخل عليه و عاوز ياخد بياناتك لو رفض يبقى فعلا بيروح لفيزا يتأكد

**أحمد كمال** · 14-03-2013 07:23 PM

المشاركة الأصلية كتبت بواسطة m_elkhishin

انا مقيم في السعودية، والكارد من بنك سعودي.

للاسف دلوقتي ماعادش ينفع تفتح اكونت باي بال حتى بالطريقة دي :( (بس اللي فتح زي حضرتك من زمان خلاص)

**أحمد كمال** · 15-03-2013 02:52 AM

المشاركة الأصلية كتبت بواسطة m_elkhishin

تخيل، اكونت باي بال بتاعي ده غريب شوية
انا فتحته من كذا سنه وانا في مصر قبل ما اسافر بفترة
وسجلت الدولة هولندا لان مكانش في مصر في القايمة
واول كارد اضفته كان prepaid card تبع البنك العربي الافريقي، ومعرفش ازاي قبلوه
ولما سافرت السعودية ضيفت الكارد السعودي واتقبل عادي جدا. بس الكلام ده من اربع سنين تقريبا.

الحمد لله نفدنا. بس المشكلة اني احتمال ارجع مصر قريب.

المشكلة دلوقتي انا في بلد بيقبل الاشتراك بس بقى بعد اول شاشة بتاعة البلد فيه شاشة تانية بيسال جنسيتك ايه و مفيش مصر !! :(

-

-

الموضوع: هل تستخدم بطاقتك الائتمانية على الانترنت

LinkBack

أدوات الموضوع

عرض

-

-

-

-

-

-

-

المواضيع المتشابهه

بطاقتك ياباشا

تحذير مهم ... متسيبش بطاقتك لحد

بطاقتك يابني

بطاقتك الإنتخابية يامصري

الكلمات الدلالية لهذا الموضوع

المفضلات

المفضلات

ضوابط المشاركة