عرض للطباعة
بسم الله الرحمن الرحيم
افيدوني يا جماعه في مقارنه بين ال 3 عربيات دول مستعملين
التلاته تقريبا في رينج من 80 - 90
اهم حاجه تهمني ف العربيه (عزل الصوت - الثبات - اعادة البيع - اسعار قطع الغيار - الكفاءة كمجمل )
و ارجو لو في اختيارات تانيه في نفس الرينج تدلوني
شكرا
حاول تشوف الفورد فوكس برده , سعرها بينزل جامد في المستعمل بتوصل لمنتصف السبعينات و افضل ركوبة فيهم
شكرا علي مشاركتك بس علاقتي ب الامريكاني تقتصر علي الجيب فقط
ده غير ان شكل الفوكاس مبيعجبنيش
طبعا الافضلية للــ a5
العزل فوق الممتاز
الثبات رائع
وقوة التحمل طبعا الالمانى لا يعلى علية
اعادة البيع فوق الممتازة وعربية ليها سوقها بجدارة
قطع الغيار طبعا سعرها عالى
انا شخصيا افضل هذة السيارة
الانسر سهلة البيع ومتوفرة قطع الغيار الثبات معقولة جدا العزل ليس جيد زيها زى كل اليابانى طبعا العزل الافضل دائما الالمانى
ماذدا تقيلة فى البيع ثبات جبار تسارع مش اد كدة عزل بالنسبة لصوت المكنة مسموع زى لانسر
لك الاختيار يا باشا بس العربية لو مش هتفكر تبيعها يبقى اسكودا
A5
مجرد راي ..
كلهم شبه بعض ف اللى انت طالبه يعنى كلهم عزلهم ممتاز و كلهم ثابتين وكلهم قطع غيار غالية (اظن المازدا ارخصهم) و كلهم كفاءة عالية و كلهم اعادة بيع بطيئة (اظن المازدا اسرع واحدة فيهم تتباع)اقتباس:
المشاركة الأصلية كتبت بواسطة Cabrio
ع فكرة انا برضة بدور ع حاجة مستعملة لحد 100 و شوفت كمية عربيات مستعملة لحد الان تكفينى سنتين قدام
بص انا كنت هجيب a5 الصراحة عربية فوق ممتازة , طبعا مش محتاج اقولك مميزاتها لان كلنا عارفينها لكن صرفت نظر عشان موضوع فالف الفتيس اللى بيبوظ و سعره استيراد تقريبا 10 الاف جنية و متصدقش اللى يقولك دى حالات فردية العيب دا منتشر
المازدا برضة حلوة و اوبشن جامد بس قريبة اوى م الارض و لو انت سواقتك جوة المدينة مش ع طريق سفر هتتعب جامد , لكن عامة هى عربية حلوة ف الجرى ع الطرق السريعة
الشارك عربية حلوة لكن الموتور ال 1500 ضعيف مش متناسب مع شكل العربية الهجومى يعنى لو انت شاب و بتحب تجرى هتزهقك (سمعت ان نزل منها 1600 بس الصراحة معنديش معلومات ) المشكلة ف قطع غيارها , كان فى واحد هنا عامل موضوع ان الفانوس سعره 8 الاف جنية و اللمبة بألف جنية
انا شايف ان المازدا كويسة ووسط بين الاتنين بس مش هتخدم معاك جوة البلد
ممكن تضيف للمقارنة جين 2 - النترا HD - اوبترا- و طبعا لانسر بومة
بالنسبة للبومة هيدخل ناس تقولك دى بقالها 70 سنة و دى شكلها قديم و..... و.....
لكن الحقيقة التى لا تقبل النقاش ان البومة مناسبة جدا لمصر و اعتمادية جدا جدا و مش محتاج اشرح ازاى
و ف الاخر استخدامك اللى هيحدد انت عايز عربية اعتمادية و السلام ولا عربية تنبسط بيها سنتين و تغير
العيب ده في الفانتازيا كمان ولا ال a5 بس ؟اقتباس:
المشاركة الأصلية كتبت بواسطة monamize4
ف ال a5 بس , لانى سمعت ان حاليا فيه ناس بتعالج المشكلة دى بانهم يركبوا الفالف بتاع الفنتازيا ف ال a5اقتباس:
المشاركة الأصلية كتبت بواسطة Mezox
هو طبعا الاوكتافيا تتفوق فى متطلباتك من عزل وثبات واعاده بيع وكمان قطع الغيار الاصليه فى نفس مستوى الانسر واقل من المازدا, بس انا بخاف من العربيات الاوروبى المستعمله لانها اقل اعتماديه من اليابانى من ناحيه قله الاعطال وخصوصا فى مشاكل الحراره و التكييف و الفتيس الاوتوماتيك
العزل فى المازدا افضل قليلا من الانسر وان ظل اقل من الاكتافيا
الثبات المازدا والشارك تقريبا زى بعض بفضل الشاسيه المدعم والعفشه المالتيلينك, وان ظل اقل برضه من الاكتافيا
سعر اعاده البيع بتاع المازدا الاقل وقطع الغيار الاصليه غاليه فعلا, وتقريبا بسمع ان مالهاش وكيل دلوقتى والاكتافيا الافضل فى اعاده البيع
التسارع الشارك افضلهم على الرغم ان الموتور 1500 لكن عزمه وعدد الاحصنه اعلى من المازدا والاكتافيا
فى الاعتماده وقله الاعطال الانسر الافضل دائما والاكتافيا الاقل
بس على فكرة يا باشا اللانسر 1500cc موتور مايفك قوته 130 حصاناقتباس:
المشاركة الأصلية كتبت بواسطة monamize4
شكرا يا جماعه علي مشاركتكم كلكم
بس انا سمعت ان الاوكتافيا عزل الصوت فيها ضعيف !!! و كمان الباب بتاعها خفيف ! و يا تري مشكلة الفالفات دي ف كل الموديلات ولا سنه معينه بس ؟
و بالنسبه للشارك ... سمعت برضو ان صوت الموتور عالي - طيب بالنسبة للشارك الخليجي اللي هي 2000 سي سي ؟؟؟؟ ايه تقييمها ؟
معلش يا جماعه لو ينفع ادخل البيجو 307 cc الكابورليه معاهم في المقارنه :/ افيدوني فيها
بس يا ريت يا جماعه اللي يتكلم في موضوع عزل الصوت يكون عن تجربه لل 3 عربيات
لأن موضوع العزل بالذات مهم جدا بالنسبالي
شكرا
ايه يا جماعه مفيش اي معلومات ؟؟ :/
الاكتافيا عزل الصوت فيها ممتاز افضل من اللانسر والمازدا بفرق ملحوظاقتباس:
المشاركة الأصلية كتبت بواسطة cabrio
والباب بتعها باب مدرعه مش باب عربيه, صاجا عموما محمل وتقيل قوى لدرجه تتعب يدك مع الوقت, دى الاكتافيا اقوى صاج فى فئتها على الاطلاق
المشاكل اللى شفتها مع الناس اللى اعفها اللى معاها ال a5 ان كمبروسر التكييف بيبوظ ويفضل تغيره بواحد كورى عشان الاصلى مش تمام, الكبالن بتبوظ على ال100000 او ساعات اقل شويه, الفتيس لو ماتغيرش الزيت على 60000 بالضبط والنوع الاصلى هتتدخل فى مشاكل لاحصر لها
الشارك صوت موتورها عالى فعلا ولو انه اقل من الاكتافيا لكن زى ما قلتلك عزل الصوت فى السكودا افضل,
مافيش شارك خليجى 2000 بتنزل مصر, كلها 1500 عشان الجمارك
البيجو عزل الصوت فيها رائع بس زى ما قلتلك فى مشاركه قبل كده انا بخاف من العربيات الاوروبى المستعمله عشان اعتماديتها مش عاليه زى اليابانى, فممكن تلبس فى عربيه تكرهك فى عشتك
شكرا يا باشا بس هو في علي فكره شارك 2000 سي سي و بيسموها شارك كويتي و دي بتبقي نازله ب زينون و كام اوبشن زياده كده - بس في منها ف مصر كتير يعني
عامة الاختيار ان شاء الله ما بينها و بين الاوكتافيا و ان كانت الافضليه للاوكتافيا
بس ولاد الحلال بيحاولو يدخلو الجولف 5 في الموضوع ف مش عارف رأيكو ايه ؟ :d
-شارك أو مازدا 3