الموضوع: ايه مخاطر استخدام بنزين 80

الاستاذ تيفه ايوه فيها فيشة اوكتين انا معايا نوبيرا 2 1600 سي سي 2001 كوري والفيشه مكانها اقعد علي الكرسي اللي جمب السواق حتلاقيها عند رجللك اليمن شيل الفبره حتلاقي الككمبيوتر والضفيره والفيشه خارجه من الضفيره ومش حتلاقي راكب فيها حاجه .
انا جبت 3 بنات باور صبلاي بتوع كمبيوتر وقفلتهم علي بعض وركبتهم فيها وعملت ايدل ليرن وحتفرق معاك لو بتستعمل 80 . حتلاقي العربيه شبه مظبوطه معاك مع ال 80 ومستريحه .

يا جماعة قبل كدا قال خبراء المنتدى ان الفيشة موجودة ف اللانوس بس

طيب محتاجين صور ليها وازاي نظبها على بنزين 80 وازاي تتظبط على بنزين 92


لانها هتفرق كتير لو موجودة

المشاركة الأصلية كتبت بواسطة mhopa2440

أنا آسف جدا بس كلامك دا خطأ 100% ومينفعش حضرتك تقول معلومة خطأ من غير اي مصدر او توضح السبب

انا عربيتي نوبيرا 2001 اشترها من سنة ونصف تقريبا وماشية معايا بنزين 80 وبس ونادر قوي لو حطيت حاجة غير كدا
المشاكل اللي واجهتها ...... والله العظيم ولا مشكلة واحدة بس حصلت معايا حتى الفلتر غيرته اول ما اشتريت العربية وبنظفه انا ف البيت كل شهرين ثلاثة

البنزين 80 مشكلته الوحيده ف ان السحب يقل بعض الشئ ولو انت متعود عليه هيبقى عادي جدا معاك اما موضوع ان فيه شؤائب كل البنزين في شوائب شوف حضرتك عربية النترا بتغير فلتر بنزين بعد أربع شهور ماشية بنزين 92 بس (يبقى زي الزفت والله)

معلومة صغيرة جدا لو حضرتيك بتفول مرة ف الاسبوع يعني 40 لتر
السنة 52 أسبوع قول 50

يعني 50أسبوع × 40 لتر = 2000 لتر بنزين ف السنة

سعر بنزين 80 هيكون 2000 جنية لو بنزين 92 هيكون 4000 جنية ف السنة

الفرق دا هيكون سعر الموتور استيراد جديد او ثمن عمرة كاملة للموتور تقريبا

يعني ف السنة والواحدة انت بتوفر ثمن موتور مع بنزين 80 في سيارات الدايو

بصراحة بعد الكلام الجميل دا مافيش أى كلام تانى
بس بزود اننا العربية بقالها معايا 4 سنيين عاملة حوالى 78 و معايا عاملة حوالى 40 ألف و مبحطش غير 80 و شغالة و الحمد لله
بس زى ما قال المشكلة بس فى السحب مش أكتر هوا إلى بيفرق بس كل فترة ظبط الفلاتر و غيرها و كمان ماتنساش كل 20 الف تحط منظف دورة الوقود

على فكره البنزين الــ 80 الى موجوده دلوقتى بقى اقل جوده عن 6 شهور فاتو مثلا واعتقد انه 70 اوكتان هههههه

كل البنزينات دلوقتى بنزينها زفت وياريتك تلاقى 80 اصلا
الى بيمون 92 ده هو 80 ولكن بدون طابور وبسعر ال92 ولكن مش 92

المشاركة الأصلية كتبت بواسطة khaled lanos

بلاش بنزين 80 يا علاء هيشلك في السواقة..لكن لو مش بتحرق على الغيارات وبتسايسها واحدة واحدة حطو..بس متنساش انو بيأثر على حاجات كتير غير السحب زي الرشاشات والفلتر..الخ.

وممكن تعمل حاجة تانية بردو قريبي بيعملها وهي تعبي نص التانك 80 ونص 90 أو 92..معاه لانوس تاكسي.

انت مش واخد بالك من السبب ولا ايه يا عم خالد

السبب ان الرشاشات عندى بايظه اساسا فعايز اوفر تمنهم من تمن البنزين مش اكتر عشان اشتريهم و الفلتر الله اعلم من سنه كام بس بالتاكيد عايز يتغير يعنى

المشاركة الأصلية كتبت بواسطة mado83

كل البنزينات دلوقتى بنزينها زفت وياريتك تلاقى 80 اصلا
الى بيمون 92 ده هو 80 ولكن بدون طابور وبسعر ال92 ولكن مش 92

فعلا البنزين 92 دلوقتى منيل بنيله و بيخلى العربيه تسقف و تكركر و حاجة نيله بس اهو نفسيا 92

البنزين ال 80 فى بنزينتين جنب البيت بيبقى موجود فيهم هو اه بيبقى طابور طويل موقف الشارع لما بيبقى موجود و فى بنزينه منهم لسه مغيره التانكات و الطرمبات كمان