ايه مخاطر استخدام بنزين 80

**Khaled Lanos** · 13-03-2013 05:08 PM

المشاركة الأصلية كتبت بواسطة AlGazar2

انت مش واخد بالك من السبب ولا ايه يا عم خالد

السبب ان الرشاشات عندى بايظه اساسا فعايز اوفر تمنهم من تمن البنزين مش اكتر عشان اشتريهم و الفلتر الله اعلم من سنه كام بس بالتاكيد عايز يتغير يعنى

تمام وعشان كدا بقولك عبي نص التانك 80 ونصو التاني 90 عشان توفر فلوس في كل تفويلة وتجيب الرشاشات اللي انت عايزها

**tefa22m** · 13-03-2013 06:25 PM

المشاركة الأصلية كتبت بواسطة محمد العقابي

الاستاذ تيفه ايوه فيها فيشة اوكتين انا معايا نوبيرا 2 1600 سي سي 2001 كوري والفيشه مكانها اقعد علي الكرسي اللي جمب السواق حتلاقيها عند رجللك اليمن شيل الفبره حتلاقي الككمبيوتر والضفيره والفيشه خارجه من الضفيره ومش حتلاقي راكب فيها حاجه .
انا جبت 3 بنات باور صبلاي بتوع كمبيوتر وقفلتهم علي بعض وركبتهم فيها وعملت ايدل ليرن وحتفرق معاك لو بتستعمل 80 . حتلاقي العربيه شبه مظبوطه معاك مع ال 80 ومستريحه .

اللى انا اعرفه ان النوبيرا 2 فيها حساس وظيفته تقديم و تاخير الشراره على حسب البنزين
و ديه اول مره اعرف منك المعلومه ديه
فلو تكرمت ممكن صور لشكل الفيشه و مكانها و طريقه تظبيتها عشان كلنا نستفيد

**AlGazar2** · 13-03-2013 10:04 PM

المشاركة الأصلية كتبت بواسطة madyyuri

علي يدي ههههههه

بص من خلال معرفتي الطويلة بيك وباسلوب :e_braces[1]: سواقتك أحب اقولك ان ال 80 مش هينفع معاك

بس لو هتستحمله شهرين تلاتة لحد ما توفر تمن الرشاشت مفيش مشكلة ومفيش أي تأثير أو ضرر

هههههههه
ما انا عارفه ال 80 بغباءه بغتاته ده
بس هو شهر واحد فى التفويله 50 جنيه ابقى كده جمعت 200 تمن بتوع البى ام
بس طبعا العربيه بعد ما غيرت الشكمان مرضيتش تسيبنى من غير صوت العفشه و القواعد تقريبا بتعلمنى الادب

حد يعرف تمنهم كام جديد اصلى لانى سألت عليهم و اتفزعت من الاسعار بصراحه جديد كورى و استيراد

**AlGazar2** · 13-03-2013 10:09 PM

المشاركة الأصلية كتبت بواسطة khaled lanos

تمام وعشان كدا بقولك عبي نص التانك 80 ونصو التاني 90 عشان توفر فلوس في كل تفويلة وتجيب الرشاشات اللي انت عايزها :e_braces[1]:

مبحبش التخليط ده مهو يا 80 على ابوه يا 92

اصلا ال 90 مش موجود و لو موجود هيبقى مخلط ب 80 فليه ادفع زياده لما ممكن ادفع اقل

بس بصراحه بعد ما شوفت بنزين ال 80 هنا فانا بقول ال 92 حتى لو الرشاشات بايظه و بتستهلك بنزين كتير

**Khaled Lanos** · 14-03-2013 12:51 AM

المشاركة الأصلية كتبت بواسطة algazar2

مبحبش التخليط ده مهو يا 80 على ابوه يا 92

اصلا ال 90 مش موجود و لو موجود هيبقى مخلط ب 80 فليه ادفع زياده لما ممكن ادفع اقل

بس بصراحه بعد ما شوفت بنزين ال 80 هنا فانا بقول ال 92 حتى لو الرشاشات بايظه و بتستهلك بنزين كتير

عموما ان قولت لك اللي عندي والقرار طبعا ليك بس انا قريبي زي ماقولت لك معاه لانوس تاكسي وبيعمل الحركة دي بقالو 3 سنين ونص وسالتهولك النهارده مخصوص قالي مفيش اي مشاكل..والــ 90 لما بيبقى مش موجود بيعبي نص التانك أو 3 أرباعه 80 والباقي 92 بدل مايعبي التانك كلو 92..طبعا انت عارف التكسيات بيفرق معاهم فلوس التفويلة وكدا..

بالنسبة للرشاشات بـ 200 جنيه استيراد.
وربنا يوفقك وتلاقي الرشاشات اللي انت عايزها.

**AlGazar2** · 14-03-2013 08:27 PM

المشاركة الأصلية كتبت بواسطة madyyuri

علي يدي ههههههه

بص من خلال معرفتي الطويلة بيك وباسلوب :e_braces[1]: سواقتك أحب اقولك ان ال 80 مش هينفع معاك

بس لو هتستحمله شهرين تلاتة لحد ما توفر تمن الرشاشت مفيش مشكلة ومفيش أي تأثير أو ضرر

مش العداد اشتغل تانى يوم عادى جدا ولا كان فى حاجة حصلت و من غير ما اجى جنبه

تقريبا كان بيحتفل بال 150 الف