السلام عليكم و رحمه الله
كنت رحت عند واحد متخصص كربراتير عشان يظبطهولي المهم فكه و قالي فيه مسمار ولا ايه بايظ و كده انتا عايز تجيب نص كربراتير هل فيه بيباع نص كربراتير ولا بيتباع علي بعضه و ياتري سعره كام شكرا مقدما
عرض للطباعة
السلام عليكم و رحمه الله
كنت رحت عند واحد متخصص كربراتير عشان يظبطهولي المهم فكه و قالي فيه مسمار ولا ايه بايظ و كده انتا عايز تجيب نص كربراتير هل فيه بيباع نص كربراتير ولا بيتباع علي بعضه و ياتري سعره كام شكرا مقدما
متابع
أولا :- أعتقد أن فيه حاجة اسمها طقم صيانة الكربيراتير ودة بيبقي جوانات ومسامير أعتقد ذلك
جايز الصنايعي يقصد دة
أو ممكن يقصد البكات
أقترح عليك قراءة هذا الموضوع عن كربريراتير الفليشيا
http://www.nilemotors.net/Nile/328852-a.html
ومنتظرين رأي باقي الاعضاء
استاذ محمد انا عاوز اعرف ايه المشكلة اللى خلت حضرتك تروح للدكتور؟؟؟؟ دا اولا
لو الجزء المكسور بداخل الغرفة ودى بوبة الكراربتير اللى بتفتح علشان تسمح بمرور البنزين يبقى افضل ليك تشترى كاربرتير استيراد كامل ....
اعتقد ان المشكلة فى البوابات اللى واضحة فى الصورة دى مش عارف ايه خلى البية يلعب فيها دى مابتتفكش اصلا ولا هيا كانت عامله معاك مشكلة مشكلتها ممكن تحجر بشوية wd40ترجع تتحرك تمام مش محتاج فكها والمحافرة فيها المهم لو كلامى صح يبقى زى ما قلت لحضرتك اشترى واحد استيراد وغير بالمرة قادة الكاربرتير هات قاعدة حديد ب65 وانشاء الله تنسى الكاربرتير دا خالص........
http://www2.0zz0.com/2013/03/12/15/782085034.png
تسلم يا استاذ صبحي انا فعلت نزلت اشتريت واحد استيراد و ركبته تمام بس بلاحظ ان العربيه بتقطع في الطلعه
صحيح و انا عند الراجل الي بتعامل معاه لقيته راصص 10 مواتير 1600 فيليشيا سالته قلي كامله بكل حاجتها عامله 4.5 و قالي قطع الغيار متوفره عندي علطول
مقولتليش رايك في المواتير الي عنده يا عم صبحي
مبروك الكربراتير الجديد وممكن شوية ويتظبط لوحده بس اتأكد إنه مظبوط (هوا وبنزين) ونظيف، ورداخ البنزين فيه كويس.
مواتير 1600 جبارة في الفيليشيا بس كل الخوف من قطع الغيار، اعتقد مش موجودة
بخصوص التنتيش عاوزك تتابع استهلاك البنزين زى الأول ولا زاد ولا نقص؟؟؟
وعاوز اعرف الصبح اول لما بتدور العربية عداد الأر بى ام بيبقى على كام؟؟؟
جاوبلى السؤالين دولا وانا حاقلك ....
اما بالنسبة للمواتير ال 1600 فعلا دى مواتير جبارة بس لو عاوز تسقطها لازم تغيير ضفيرة الكهرباء بالكامل واعتقد ان قطع غيارها مش متوفرة وكل اللى موجود استيراد واسعارها غالى....
اكيد كمان ال 1600 انجكشن يعتى اقل فئة بنزين ال92 واحنا شعب ............. يعنى ربنا يصلح الحال....
حيكلف تسقيط الموتور بضفيرة الكهرباء وكمان حتغيير تانك البنزين يعى الموضوع حيدخل فى ال10000 جنيه تقريبا يعنى لو عربيتك على حالتها تعمل مثلا ال30 الف بالعافية طيب حط عليهم 10 آلاف تبقى وصلت لل40 الف لو فكرت تبيع تفتكر حتجيب السعر دا؟؟؟؟؟؟
الموتور 1600 ليه قطع غيار جديدة ومش غالية زى ما الناس متخيلة لانى انا لفيت كتير على موضوع الموتور 1600 بس اللى خلانى وقفت شوية فيه موضوع رفع الدعم والقصة دى فعلشان كده معملتش حاجة فيه والموتور تمنه كامل بالضفيرة بالكمبيوتر بتاعه بالامبوليزر يعمل 4000 جنيه ونضيف عليهم زيوت وتانك بنزين ومصنعية تسقيط 1500 يبقي انت كده حولت لعربية 1600 باور وتكييف وموتور ملائم للاجواء الحارة بتاعتنا
انا لقيت الار بي ام الصبح علي 5 ياتري كده مظبوط ولا ايه
العربيه بتنتش
ده ممكن يكون فى بوجيه قاطع
ازاى يا باشا الار بى ام على 5 يعنى 5 الاف لفة فى الدقيقة ده كده كتير قوى .... هو المفروض مع تدوير العربية الصبح يكون على 1 او اكتر شويه بعد كده ينزل على 850 لفه فى الدقيقة والعربية واقفة
تمام كدا الأر بى ام على 5 الصبح عند الدوارة وبعد التسخين والسير بها مشوار ووقف يبقى على 1000/900
كدا يبقى السلانسية عنك مظبوط
طيب لو لسه بتنتش ياريت تشوف الاسبرتير وتكشف غلى البوجيهات والوصلات
يعنى ممكن يكون بوجيه فاصل يعنى على رئى الدكاترة متلته يبقى حضرتك تكشف على البوجيهات واحد واحد والعربية دايرة تفك الوصله من ناحية البوجيه لو صوت العربيه اتغيير يبقى البوجيه تمام لو العربيه صوتها وحركة الموتور لم تتغير من هنا اعرف ان البوجيه دا فاصل وزى عدمه ولزم التغيير....
طيب كل اللى انا قلته كشفت وطلع تمام يبقى ما فيش قدامك الا حاجتين بك الهوا ودا فى الجنب من ناحية الاكسرتير اشبه بمسمار عادة تشوفه وانتا نايم على الرفرغ اليمين للسيارة ....
لو الكل كليله تمام يبقى حاقولك على الحل الأخير انك ترفع الكهرباء بتاعة العربية شويه ازاى مش عارف ازاى طيب حاقولك روح للدرس الرابع عشر من سلسلة علم نفسك واتعلم ومتنسناش من صالح دعاك لنا بظهر الغيب....*
http://www.nilemotors.net/Nile/339710-a.html
يخسارة علامك ياصبحى ياعم ميكانيكى ليه احنا هنا بنساعد بعض علشان نعمل الحجات الهايفة دى بنفسنا تفتكر الميكنيكى حيقف عن الموضوع دا يعنى مش حيحاول يفتح شغل ليه فى العربية مفتاح البوجيهات ضرورى فى كل سيارة بوجبهات استبن ضرورية زيها زى فردة الكاوتش الاستبن اى عطل تتعرض ليه فى الطريق تفك وتربط بنفسك انا كدا بصراحة زعلت ولو سالت عن حاجة تانية على طول حقولك روح للميكانيكى او الكهربائى او غيره سلام ياصحبى........