تجربة تفريغ نص بولو كلاسيك فى ابيزا 98

**Karim Ibiza** · 15-03-2013 08:06 PM

المشاركة الأصلية كتبت بواسطة ehab_mansour

جميل يا كريم و ياريت متابعه للموتور و تقرير بعد كل شوية صيانات و كام الف كيلومتر و فترة استخدام عشان تكمل
وربنا يكرمك و يجازيك خيرا علي اهتمامك و نقلك لتجربة كنا محتاجينها بشده هنا في المنتدي

الله يخليك يا ايهاب
ان شاء الله هعمل جزء رابع بعد عمل الصيانات اللازمة مع تقييم للأداء

**Karim Ibiza** · 15-03-2013 08:08 PM

المشاركة الأصلية كتبت بواسطة syd

هااااااااااااايل يا كريم
الموضوع تحفة تحفة تحفة بجد

تسلم ايدك يا كريم
وربنا يباركلك في عربيتك ويديك خيرها ويكفيك شر العين

بجد اقوي موضوع في القسم من سنين فاتت

تحياتي

والله المستعان
،
،

تسلم ايد اللى نسق الموضوع وخلاه بالشكل الأخير ده مع انك مشغول جدا اليومين دوول بسبب وصول اصغر عضو فى قسم السيات (محمود محمد سيد)

الله يكرمك

**Karim Ibiza** · 15-03-2013 08:10 PM

المشاركة الأصلية كتبت بواسطة hossamalsadik

موضوع فعلاً ممتاز وتنسيق للموضوع عالى جداا
وجزاك الله خير عنه

فعلا تنسيق عالى جدا
الله يكرمك

**Karim Ibiza** · 15-03-2013 08:12 PM

المشاركة الأصلية كتبت بواسطة pharohtemo

ايه ده يا عم كريم !!! ده أنت بالك طويل قوى :))) حقيقى مجهود جبار و عرض شيق و وافى :)
ربنا يبارك لك فيها و يهديك خيرها و يكفيك شرها ... على فكرة الموتور بتاعك شبه الموتور الـ 1600 اللى كان فى عربيتى :) و كانت مسقطة نص بس من ابيزا (كنت شاريها مسقطة طبعأ لأن عمرى ما أعرف أعمل نص اللى عملته)

http://www14.0zz0.com/2013/02/25/07/718501665.jpg

http://www14.0zz0.com/2013/02/25/07/773753426.jpg

الله يخليك وشكرا لمرورك

الموتور اللى انت حاطط صورته غير اللى انا مسقطه
موتورك 75 حصان
موتورى 101 حصان :)

**SYD** · 15-03-2013 08:17 PM

الشكر كل الشكر لله اولا
ثم الشكر ليك -
انا عملت copy و paste

تحياتي ليك مرة تانية
وفي انتظار الجزء الرابع

والله المستعان
،
،

**Karim Ibiza** · 16-03-2013 01:00 AM

المشاركة الأصلية كتبت بواسطة pharohtemo

يا باشا كان موتورى بقى علشان أنا لسه بايع :( و فعلا عرفت أنه كان 75 حصان بس مصدقتش !!! لأنى كذا مرة أشد مع عربيات حلوة و كنت بطلع منها غير كده اللى ساق العربية كان بيستغرب من الأداء ...
ربنا يبارك للى اخدها و ربنا يكرمنى بحاجة كويسة
مرة تانية مبروك و ربنا يحفظها لحضرتك :)

ان شاء الله ربنا يكرمك بحاجة كويسة بس بردو تكون سيات :)

**Karim Ibiza** · 17-03-2013 09:27 AM

المشاركة الأصلية كتبت بواسطة misoalex

ايه كل ده ياعم ايه التعب ده كله هههههههههههههه المشكله انى عامل زيك بالظبط ولما دخلت الموضوع معرفتش اسيبه غير لما قرأته كلللله وحسيت بكل كلمه انت بتقولها وافتكرت مواقف كتير حصلتلى زيها مع عربيه من عربياتى كنت بعدلها او بشدها
يوووووه مش عارف الواحد بيعمل فى نفسه كده ليه انا عارف شده الاعصاب وحرق الدم وعدم التركيز فى شغلك وحياتك وانت تفكيرك كله ياترا ايه حيحصل
عموما الف مبروك وربنا يباركلك فيها ويديك خيرها ويكفيك شرها

بس مخزن الحاج يسرى عبد العال منور الصور ههههههههههههههه
كلام المكانيكى بتاعك فى الغالب صح فى موضوع الشيل والهبد اللى بيحصل فى الانصاص انا كنت عاوز حجات من عند الحاج يسرى ولما روحت ملقتش غير نص واحد هو اللى فيه الحجات اللى انا عاوزها والنص ده من قبليها بفتره كنت شايفه حاطط فوقيه نصين تانين
طبعا لما رحت تانى كان النص اللى تحت اللى حاخد منه الحجات بقى متعجن فمخدتش منه حاجه وقاللى فيه شغل جديد جاى كمان اسبوع بس اتأخر عشان احداث بورسعيد فبصراحه مقدرتش استنى واتصرفت من بره جديد على استيراد بقى وخلاص
عموما كويس انها تمت على خير والحمد لله مكانش عندك مشاكل غير حجات بسيطه
بس عاوز اعرف انت سقطت فين والمكانيكى ده هريسه ولا واحد تانى ؟؟

فعلا الموضوع مكانش سهل خالص وطول الوقت على اعصابك لأنك بتدفع فلوس كتييييير
مشكلة الحاج يسرى ان البضاعة عنده بتتهان بسبب سوءالتخزين والنقل + انه بدأ يبقى سعره قريب من سعر السوق قوى بس فرق الفلوس مش كل حاجة, لأنك لما تشترى من تاجر عادى بتاخد الحاجة على التجربة وبتنقى اللى انت عايزه ولو حاجة مش عاجباك بتبدلها, لكن عمك الحاج يسرى بيبيعلك كأنه بيبيع لتاجر يعنى لما انا جبت اشترى منه النص قاللى (النص ده لو طلع بره المخزن انا مشوفتوش وتشيله على بعضه ومتجيش تقوللى فيه حاجة ناقصة) طبعا كلمة زى دى كفيلة انها تخليك مبتنامش طوول فترة التسقيط, المهم الحمد لله انها عدت على خير بس لسه شوية تظبيطات بسيطة بس المهم ان الصعب عدى
انا الميكانيكى بتاعى فى ابيس فى الشارع اللى بعد مدرسة اسكندرية للغات على الطريق السريع والورشة اسمها Beboo Garage والراجل اسمه نبيل وهو شاب فى العشرينات وخريج أكاديمية والناس اللى شغالة معاه نفس السن وبرده أكاديمية وبيشتغل فى كل العربيات وخصوصا التيربو, هريسة طبعا كويس جدا وأنا كنت مسقط عنده الموتور اللى قبل ده زى الفل بس للأسف لما جبت النص مكانش فاضى وانا كنت مستعجل

-

-

الموضوع: تجربة تفريغ نص بولو كلاسيك فى ابيزا 98

LinkBack

أدوات الموضوع

عرض

-

-

-

-

-

-

-

المواضيع المتشابهه

تجربة تفريغ نص بولو كلاسيك فى ابيزا 98 (الجزء الثالث)

تجربة تفريغ نص بولو كلاسيك فى ابيزا 98 (الجزء الثانى)

تجربة تفريغ نص بولو كلاسيك فى ابيزا 98 (الجزء الأول)

تجربة للموتور الخفيف في بولو 98

تجربة مع بونتو كلاسيك 2011

الكلمات الدلالية لهذا الموضوع

المفضلات

المفضلات

ضوابط المشاركة