تقبلى تاخدى شبكه لم تستخدم من قبل؟

**walidzakzok** · 12-03-2013 02:47 PM

المشاركة الأصلية كتبت بواسطة mr_vampire

متهيالي سهل تتباع ويجيب بفلوسها شكل تاني. لان الذهب محتفظ بسعره.

الدهب بيخسر مصنعية ودي ممكن لوحدها تعدي الالف مستريح

**Ahmed_Adham** · 12-03-2013 11:17 PM

واحد صاحبي فركش الخطوبه قبل الدخله باسبوعين واللي اتجوزها دلوقتي دخلت على عفش الاولى وشبكتها عادي وقبلو بدون أي اعتراض ولو تلميح من بعيد.

**wolf2** · 30-03-2013 02:28 PM

برضه نفس الموضوع حصل مع واحد اعرفه - بعد ما فركش الجوازه اتجوز تانى على نفس العفش و الذوق و تقريبا مش متأكد الدهب برضه و الموضوع عادى جدا و الناس متفاهمه جدا بلاش التشدد الفارغ الخالى من المعنى الزواج اعلى و ارقى من كل ده و فى ناس كلنا عارفين مش لاقيه تمن الدبل عشان تعف نفسها الرضا افضل و المهم التوفيق و بلاش بدايات معقده و وضع عراقيل تافهه

**Mostafa.Mahran** · 30-03-2013 02:35 PM

حسب العروسة و اهلها

البنت عاوزة تتجوز و تعيش و حامدة ربنا على كل حاجة او عاوزة تتمنظر و تتعمل قدام صاحباتها و قرايبها

**ahmed4000** · 17-04-2013 02:49 PM

لو رفضت متلومهاش ...يعنى تخيل انت روحت تتجوز واحدة وقالتلك انا كنت مخطوبة ودى كانت بدلة خطيبى حترضى؟
لو الفرق الف جنيه اتحملها احسن وريح دماغك....مانت لسه ياما حتكع مجتش على دى :)

**shady_hamdy** · 17-04-2013 03:03 PM

دة مشكلة السوليتر علشان كدا البعد عنة احسن الذهب على الاقل ممكن تبلدة و الفرق تدفعة لكن السوليتر بيخسر كل يوم و لو الفص فية خربوس يبقا ترمية احسن انا خسرت حولى 25% فى خاتم بعد شهرين