Toyota Corolla Furia Concept - Walkaround - 2013 Detroit Auto Show - YouTube
عرض للطباعة
تحس انها ألنترا ملعوب فيها ، سبحان الله ، كوريا تفوقت بكل المقاييس ، النبي صلى الله عليه وسلم قال ( عهد الله على نفسه ما رفع شيء في هذه الدنيا إلا وضعه) تويوتا كانت رقم واحد في العالم والنهاردة بتقلد كوريا اللي مكملتش 40 سنة في العالم) ، بس ده ميمنعش انها حلوة جداً ، شكراً لصاحب الموضوع
تويوتا مبتعرفش تقلد اي شركة للاسف اتعلمت تتقلد فقط
ودي حقيقة مش تحيز وفيديو جميل فعلا ..
شفتها على ام بي سي اكشن امبارح
يا جماعة انتوا ازاي بتقارنوا عربية كوري بعربية ياباني
الهونداي والكيا معمولة علشان الي ممعهوش تمن الياباني ويادوبك معاه قرشين وعاوز عربية حلوة وتستحمل بس بلاستيك فياخود عربية كوري .
والي ممعهوش تمن العربية الكوري ويادوبك فلوسوا على القد. فبياخود عربية صيني ... وهنا بقه وجه اعتراضي على الصيني لمن يبقى تمنوا في مصر بتمن عربية كوري لا ساعتها افضل الكوري عن الصيني
واذا وصل سعر الكوري لسعر الياباني. لا ساعتها بختار الياباني
واذا وصل سعر الياباني لسعر. الالماني. برضوا هختار ياباني هههه
لذلك مينفعش نقارن الياباني بالكوري نهائي حتى لو كان شكل الكوري افضل ... طب ما انتا اهو مرات بتلاقي. وحدة جميلة وبيضة وشيك وامورة. لكن تيجي تتجوزها. من هنا تبص تلاقيها متكملش معاك يومين تقلك انا زهقت عاوزة اتفسح تروح تفسحها هوبا متكملش معاك سنتين وتقلك انا زهقت وعاوزة اطلق ليه لانها مش واخدة على الشقى والتعب. زي تويوتا بسم الله مشاء الله ست بيت وست. شارع
بس الحقيقة لو تلاحظ ان تويوتا بتقلد المارسيدس والبي ام في تصميمتها بطابعها الشخصي الخاص بيها وعاوزة تتفوق عليهم بعكس الكوري الي بيقلد الياباني. ويحاول يتفوق فقط في الشكل
الصينين بقه اغبية بيروحو يجيبوا الشكل الالماني تيبكل مفهوش تغيررررر بس يقوم مغيرلك الشبكة ويعملك حاجة حقيرة كد ويقلك يالله يابلاش بملاليم حتى عربيات تويوتا. تيبكل مفهاش تغيرررر. بس بيغيروا الشعار وشوية لمسات بسيطة كده ويقلك عملنا عربية ومحدش يقدر يرفع عليهم قضية لان الصين بتتحدى العالم وبتقلد والقضاء الدولي يقلك تقليد وهيا تقول لأ مش تقليد وحد ليه شوق في حاجة ههههه. وخداها عفية الصين
بس الموضوع عامل زي سامسونج اس ثري الكوري والتقليد بتاعوا الصيني. ده ب ٤٠٠٠ والتاني ب ٢٩٩ جنية فمينفعش اجي اقارن كوري بياباني. نهائي وتحياتي :)
تمام فعلا العربية جميلة بس دى الكونسبت بتاعها والشكل الحقيقى بتاع الكورولا 2014 ظهر ومش شبه دى بالعكس الكورولا الجديدة شبه الكامرى وفى راى شكلها وحش مش الى هو برضوا
ياسيدي ربنا يدينا ويديك ونركب الياباني ونبقى من صفوة المجتمع ، بس عايز اقولك حاجة يا باشا ، مش كل من معاه يركب ياباني واللي معهوش بيركب كوري ، في ناس اشتريت السبورتاج ب250 الف جنيه ، واشتروا الix 35 ب350 الف جنيه مش مسألة معاه وبيشتري ومعهوش وتعبان وصدمان ومش قادر يشتري ، هي وجهات نظر واختيارات وكل واحد بيشتري اللي هو شايفه مناسب لأختياراته ومتطلباته وفي النهايه دي عربيات لا راحت ولا جت ، متبقاش معيار للناس ان معاهم واغنياء او معمهوش وتعبانين وفقرانيين ، وربنا يجعلنا جميعاً من الأغنياء اللي معاهم وقادرين يشتروا البورش محدش يكره ، وتحياتي ليك يا جميل.
محدش يقدر ينكر قوة تويوتا طبعاً ، تويوتا عربية محترمة ، بس في الفترة الأخيرة بدأت تعك شوية وتلاحظ ان حصلها مشكلة في كذا دولة في كذا موديل ، كل شركة وليها كبوة، مثال على كدة فورد من اعرق شركات السيارات في العالم ولكن من 30 سنة فقدت الريادة ، وبي أم دبليو لو سألت الناس لما ركبت الموديلات بعد 2004 بدأت تشتكي من الفتيس ، ومرسيدس في الفترة الأخيرة لما نزلت الفتيس الدوال كلتش الناس مبقتش مبسوطة منه ، مش معني كده ان الكوري ده فظيع ومفهوش غلطة ، لأ طبعاً فيه غلطات ، بس في الفترة الأخيرة هما فعلاً بيجتهدوا جداً وبيحاولوا يطوروا من نفسهم وده شيء يحسب ليهم ، وبجد لصالحنا كلنا ان احنا نلاقي صناعة بتطور من نفسها عشان نستفيد كمستهلك ، مع العلم ان الوكلاء للكورى مازالت بستهبل في الأسعار وقطع الغيار ، لأن تكلفة الكوري مختلفة تماماً عن الياباني والألماني كأجر عامل ومصاريف تشغيل في داخل البلد ، يعني العامل الألماني بياخد في الساعة 30 يورو والياباني بياخد 20 دولار في الساعة لكن الكوري بياخد حوالي 5 دولار في الساعة ، ده طبعاً بيفرق في تكلفة العربية لكن الوكيل هنا بيستهبل استهبال السنين وبيبيع العربية بتكلفة الألماني والياباني، طبعاً تويوتا ممتازة وناجحة ومحدش يقدر يزايد علة قوتها ونجاحها بس هي محتاجة تحافظ على النجاح ده ، انا كان معايا هوندا أٍس أي وتعتبر من اجمل العربيات اللي ركبتها في حياتي ، سواء سحب وتجميع وقوة لكن لما ركبت جيتز حسيت ان التجميع قوي برضه بس طبعاً بتتفقد للنعومة والثتبات ولقوة بتاعت هوندا ، اللي هو مفيش وجه مقارنة أصلاً ، بس ده ميمنعش ان كوريا بدأت تجتهد وتطور من نفسها ، تقبل تحياتي يا جميل ، معليش رغاي وطولت عليكم بس حبيت اوضح وجهة نظر مش انتقاد للعملاق الياباني ابداً وفي النهاية كله عربيات وربنا يسترها علينا كلنا ونلاقي وكيل يراعي ربنا فينا ويبيع بما يرضي الله ويصون العربة زي الناس في اوروبا وأمريكا.
التويوتا تويوتا برضه
الله يحيك يا حبيب قلبي
بس الموضوع مش كما فسرته حضرتك ... ياريت تقرى مشاركتي تاني مره هتلاحظ اني قلت العربيات الكوري معموووووولة ( اي مصنوووعة )؟ او سبب صناعتها ولم اتحدث عمن يقتنيها في مصر ولم اقل تعبانيين او فقرانين بل استعجبت من بعض الناس الي بيشتروا عربية. صيني بتمن عربية كوري واستعجبت ايضاً الي بيشتري عربية كوري بتمن عربية ياباني :)
العربيات الكوري في العالم كلووو معمولة. زي ما تقول كده فرز تاني وليست فرز اول كالياباني. والدليل شوف حضرتك الخامات المستخدمة في كيا و هونداي او شوفرلية الكورية هتلاقيها شوية بلاستيكات مشي حالك
بخلاف العربيات الياباني او الامريكي او الالماني عمالقت صناع السيارات في العالم زي ماذكرت حضرتك في المشاركة التانية الي بأيدك فيها مليون في المية ... وتحياتي لك يا عزيزي :)
والله يا باشا هي وجهات نظر ، على فكرة انا معايا في الشغل كورولا 2012 والنترا 2013 ، والله مافيش اي فرق ، لا في الجودة ولا القوة ولا السحب ، بل أن الأنترا كصاج أمتن وكموتور أقوي بشهادة الناس اللي بتركب الأتنين ، والولد اللي بيسوق العربييتن سفاح جري ودريفتنج.
وهو فعلاً فاهم في العربيات كويس أوي ومجنون بيهم فعلاً ، وبصراحة انا ركبت دي وركبت دي ـ بجد حسيت بالوسع والرحابة والنعومة والجودة في الألنترا أكتر من التويوتا ، بس طبعاً منقدرش حكم على الأتنين دلوقتي نقدر نحكم عليهم بعد سنة وخاصة ان الأتنين تقريباً نفس الفئة ونفس السعر تقريباً التويوتا اشتريناها في شهر ديسمبر السنة اللي فاتت والالأنترا كانت بعدها ب15 يوم.
بس حتى الأن الأتنين زي بعض في استهلاك البنزين المعروف بيها الياباني في اقتصادية الأستهلاك ، يبقى الصاج الأمتن لصالح النترا والشكل والتقفيل لصالح النترا ، بس بعد سنة نقدر نحكم على العربية هلى لسه ماسكة نفسها ولا كحت ووشها بدأ يكرمش ، انا بس يا باشا عايز اقول لحضرتك ان الموضوع ده نسبي ، الكيا سفيا موجودة من سنة 90 في الشارع لحد النهاردة لسة ماشية وماسكة نفسها انا مع جاري سيفيا موديل 91 عمل بيها دلوقتي 700 الف كيلو ومعمرش الموتور خالص ، بس هي عايزة عمرة من شهر بس ، ده دليل على أن الكوري برضه مش سيء ويمكن الأعتماد عليه ، الكلام ده من 22 سنة. شوف بقي 2013 أكيد التكنولوجي أتطور والكلام أتغير للأحسن طبعاً ، والله مش تحيز لعربية على حساب عربية ولا بلد على حساب بلد لأن انا ركبت الكوري والياباني ووالدي كان عنده مرسيدس ، يعني تقريباً جربت التلاتة ، بس احنا بنحاول منهضمش حق حد ولا نضيع مجهود حد فعلاً بيجتهد / وتقبل تحياتي يا بوس