* الراجل من حقه يتجوز واحدة تانية(فَانكِحُوا مَا طَابَ لَكُمْ مِنَ النِّسَاءِ مَثْنَى وَثُلاثَ وَرُبَاعَ )سورة النساء
* الراجل بيسعى في رزقه لرعاية عيلته ولكفالة أسرته ( كلكم راع وكلكم مسئول عن رعيته )
* الراجل لازم يكون عادل بين زوجاته (فَإِنْخِفْتُمْ أَلاَّ تَعْدِلُوا فَوَاحِدَةً) سورة النساء
* الراجل هو اللي لازم يصرف على زوجته ولو كانت غنية ( الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِمْ )
* الراجل لو فكر يتجوز على مراته مش معنى كده أنه خاين
* الراجل لازم يكون آد كلمته
* الراجل لازم يكون قادر على إتخاذ قراراته
* الراجل مش من عادته اللف والدوران
وطبعاً البنود اللي فاتت مقصود فيها تكرار كلمة ( الراجل )
وهو أهم شئ في الموضوع ( يعنى أيه راجل ؟)
وإذا كان وهو زوج لواحدة فقط مش قادر يكون راجل – هيعمل ايه وهو زوج أتنين ؟
دا مش قادر يتخذ قرار جوازه هو ( مش حد تاني )
مش قادر يصرف على منزل واحد وزوجة واحدة وعلشان كدة مضطر يتغرب ( هيعمل أيه علشان يصرف على البيتين – هيتغرب في بلد تالتة ؟!)
وياترى رجولته هتزيد بعد ما يتجوز واحدة تصرف عليه وعلى بيته التاني ( دا هيصغر في نظر نفسه قبل نظر زوجتيه الأولى والثانية )
الراجل دا علشان يكون راجل بجد يشوف هو عايز أيه بجد وقادر على أيه بجد ، ويتخذ قرار لنفسه ويتخذ الإجراءات بنفسه
ولازم يكون آد مواجهة آثار هذا القرار
وبعد قراره هيكون رد فعل زوجته لأنها برضوا هي أدرى بنفسها والضرر اللي هيلحق بها
يعنى هل هتقبل بنصف رجل بيقوم على مصالحها ومصالح أولادها ويوفر لها المسكن والمعيشة ويحصنها من الشهوات ( هي أدرى بنفسها ؟!) – أو هما ( الزوجتين الأولى والثانية ) أدرى بنفسهم ؟!
ونصحتي ليكي يا أ/ sama أخرجي من الموضوع بعد توجيهه
وربنا يصلح الحال