طيب معنى الكلام ده اني ممكن اسوق على نمط (es) ده علطول و يبقى كأني عل ال (d) بظبط في الاوتوماتيك العادي؟
طيب معنى الكلام ده اني ممكن اسوق على نمط (es) ده علطول و يبقى كأني عل ال (d) بظبط في الاوتوماتيك العادي؟
هو بس الفرق انه في المود اللي سعاتك بتقول عليه ده..رياضي..
يعني بيحمل علي الموتور شوية بسيطة..
و استهلاك البنزين بيبقي اعلي شوية.,.,
بس انا مش عارف بقي هو ايه نظامه عشان مجربتوش..
ممكن يكون بيحمل و مش بينقل غير علي عدد لفات كتير.. و كده يبقي مش كويس انك تمشي عليه كتير.
لكن لو بينقل عادي علي عدد لفات متوسط.. يبقي كويس.. لو تحب امشي عليه براحتك..
اللي اعرفه انه بيفرق كمان في نسب خلط البنزين و كده مش لفات الموتور بس..
ع فكره es مع انه نظام للقيادةالسبورت ولكن مش بتحس فيه نفس قوة الاحساس بالنقله فى e العاديه
ع فكره تقريبا انا مش بقود على e لان على هذا النظام بحس اكتر بالنقلات اضافه الى قلة السحب اضافة الى ان العربيه بتنقل الرابع على 40 وده مش ظريف قوى بس ينفع فى الزحمه فقط
يعني بتقود مانيوال؟
طب سؤال هو الشيفتات اللي ورا الدركسيون دي ممكن تستخدها و انت على ال(e)؟
و ايه الفرق بين ال (+) و ال (-)؟ و ليه كل واحدة فيها 2 (+) و التانية فيها 2 (-)؟ (واحدة فوق و واحدة تحت)
أنا لسه جايب الجنوب أفريقى Advancedمن 3 أسابيع و عملت بيها 1200كيلو و سقتها فى كل ظروف السواقه. أحب أقول إنها ممتازه جدا و يمكن أكتر حاجه بحبها فيها هى الفتيس الMMT.
بالفتيس ده إنت ممكن تسوق ب 3 طرق مختلفه أو بأى تشكيله ما بينهم.
ممكن تسوق ب e و ده النظام الإقتصادى. بالنظام ده اإستهلاك بتاع البنزين بيكون أقل بنسبه ملحوظه بس بيكون أداء العربيه أداء هادى. لأن النقلات بتتغير بدرى على لفات موتور قليله مش بتلاقى العربيه بتتجاوب بسرعه مع الدوسه عالبنزين. النظام ده مناسب لو ماشى فى الزحمه و مفيش إمكانيه للجرى أو لو كنت مسافر و ملتزم بالسرعات. الحلو إن ممكن فى النظام ده تعمل كيك داون من دواسة البنزين أو تستعمل ال(-)إللى ورا الدركسيون عشان تنزل نقله إو نقلتين عشان العزم المطلوب للمناوره.
نظام es برضه زي ال e بس بيخلى العربيه تنقل على لفات موتور أعلى. ده بيخلى العزم و التسارع قوى جدا بس طبعا الإستهلاك بيكون أعلى. فى النظام ده برضه تقدر تستعمل ال (+) و ال(-) إللى ورا الدركسيون. بس حساسيه دواسة البنزين بتكون أعلى ف تقريبا مش بتحتاج ال (+) و ال(-) إللى ورا الدركسيون.
النظام المانيوال ده برضه تحفه لما تكون عايز تلعب بالعربيه. و ده بيديك تحكم كامل سواء بال (+) و ال(-) إللى ورا الدركسيون أو ال (+) و ال(-) إللى فى الفتيس.
و اللى فوق الممتاز فى العربيه دى هو الموتور. أنا ممكن أقول بثقه إنه أقوى موتور 1600 بدون تيربو. أنا سقت ال Civic الجديده أوتوماتيك و جربتها و صاحبى صاحب ال Civic جرب عربيتى و بعدين جربنا الإتنين سوا. إحنا الإتنين لاحظنا الفرق لصالح الCorolla.
أتمنى إنى أكون قد افدت.
الف مبروك يا (ADIBRZ) و ربنا يباركلك فيها والله طمنتني بعد كل الدوشة اللي حصلت بس معلش عندي سؤالين:
- صحيح بتحس بنتشة على نظام ال (e) و هي بتنقل؟
- كمان ال (m-mt) ده هيتغير في (2009)؟ - و عادي الواحد ما يستناش 2009 يعني اتكل على الله و اجيب (2008) مش هاتفرق؟
قلت قبل كدا ان الكورولا الجديده اسرع من السيفيك محدش صدقنى
على فكره بيقولوا ال mmt هينزل برضه والاوتوماتيك العادى هينزل وكل واحد يختار
على فكره لو تقصد ده بكلامى انا مقولتش كده خالص
انا مجربتش اشد مع السيفيك
بس شديت كتير مع الكرولا الجديده
وتسارعها حلو بالنسبة لموتور 1600
كانت بتشد معاياا لغايه 180 كم/س كويس يعنى بفرق عنها فرق مش كبير
السيفيك بصراحه لسه ماا قبلتش واحد غاوى شد
اكتر ناس بتشد على الطريق (لانسر - لانوس - كرولا) بالترتيب