الموضوع: شكرا م/هانى Speed Service

المشاركة الأصلية كتبت بواسطة ayman-ahmed

السلام عليكم ورحمة الله وبركاته

اخباركوا ايه يا شباب.اتمنى الجميع يكون بخير بامر الله.

الموضوع ببساطة:

الازاز الامامى للنيو اكسنت كان واخد3-4 نقر صغيرة و3 منهم متعالجين عند دكتور خالد.ولازاز كان مجرح(فوطة زفرة وفوط سيئة فى المحطات) والنهاردة كملت وطاخ وشرخ كبير ونجمة من الجنب اليمين فوق.

كلمت المهندس هانى قاللى تعلالى وهبعتلك لواحد جنبى عنده ازاز نوعية جيدة(شبه جودة الاصلى).وقد كان طلعت عليه علطول وراح معايا لواحد معرفة وفاصل معاه ونزل من 380 ل350.

اللى عرفته من المحل انه ازاز استثمارى_تريبلكس وباين عليه نفس استيكر هيونداى اللى كان فى العربية الفابريقة.

تم التركيب وفك القديم وباحترافية من غير بهدلة للتابلوه او الصالون نهائيا ودفعت الاكرامية واتكلت على الله .

الملاحظات :

الازاز الجديد مخضر شوية ومش عارف كدة هيبقى افضل مع الشمس والسخونة ولا ايه الاخبار بلليل.

اللزق يفضل تركه وعدم خلعه لحد بكرة بلليل.

نوع السليكون المستخدم : مش متاكد من نوعه ولكن شكل العلبة نضيف ولون السليكون اسود.


-الف شكر مهندس هانى على ذوقك وتعبك وعلى القهوة الجميلة واشوفك قريب بامرالله فى صيانة ال80 ومشكور على الصيانتين اللى فاتوا واعذرنى اننى مكتبتش تقرير ولكن بامر الله هكتبلك تقرير مصور على الصيانة الكبيرة.

وقانا الله واياكم شر سواقين النقل-التريلات اللى مبيغطوش نقلتهم وماشيين يعوروا فى الناس ولا هما هنا. :_alshmokh22[1]:

تسلم يا كبير و متشكرين علي الموززززززززززز ههههه