الوضعية الصحيحة لفلتر الهواء ( وجهة نظر )

السلام عليكم

انا عملت الموضوع دا فى قسم رينو بس قلت أجيبه هنا برضه :)
عندنا نظام دخول الهواء للعربية بيبقى عن طريق ماسورة راكبه فى الأكسدام الأمامى وليها فتحه بحيث ان الهواء المقابل للعربية يدخل بسرعة عشان يعدى على الفلتر والموتور يقدر يسحب هواء اللى هو عايزه على السرعات العالية ويحرق تمام وفى نفس الوقت الهواء اللى داخل معزول عن حرارة الموتور اللى فى الصيف بالذات بتبقى جامدة جدا وبتسخن الهواء اللى فى حوض الموتور كله

فى موضوع الوحش الكبير أيمن مومو غير الفلتر الستوك بفلتر سبور
http://www.nilemotors.net/Nile/320657-a.html
أنا شايف ان وضعية تركيب الفلتر دى مش صحيحة أو مش هتدى أعلى أداء رياضى بسبب تشتيت الهواء اللى هيدخل من الفتحة اللى فى الاكسدام لأنه مش بيعتمد عليها أصلا
http://imageshack.us/a/img812/3627/01112008029.jpg

تانى حاجة عشان سخونة الموتور وتأثيرها على سخونة الهواء المحيط اللى بيسحبه الفلتر

أنا شفت الفلتر دا بصراحة هو دا التعديل اللى عجبنى ركب الفلتر بتاعه ولكن بطريقة صحيحة زى الستوك ولا هو كدا ستوك ؟


عاجبنى جدا الفلتر هنا يا جماعة شكله يجنن http://imageshack.us/a/img707/8756/77306515.jpg

وكمان معمول صح زى الستوك يعنى تدفق هواء أعلى ود رجة حرارة مضبوطة

كلام تمام , ودى الغلطة اللى بيعملها كل اللى بيركبوا فلاتر سبور ويحطوها جنب الموتور وهما فاكرين انهم بكدا بيحسنوا اداء الموتور
المفروض الهوا اللى داخل يكون بارد عشان يتبقى كثافته اعلى فبـيدى اداء اعلى

كلامك مضبوط ميه الميه هو فعلا فلتره كويس وتركيبه صح مش غلط بس مكانه هو اللي غلط دا الطبيعي بتاعه فعلا جنب الشبكه ا و وراها بالكتير قوي لكنه هنا دافن الفلتر في الموتور