بخصوص الجيم والتغذية و زيادة الوزن و ما يتعلق بهم :)

**A7MED_PHARMA** · 14-03-2013 01:56 AM

قصة طوووووووووويلة

**elhelwany188** · 14-03-2013 10:23 AM

المشاركة الأصلية كتبت بواسطة mohaakotb

النعمه اني رفيع ولا ؟
النعمة فعلا انك رفيع
لو علي الكرش انا في بوادر كرش اصلا وده مقلقني جدا
الحق نفسك علشان متندمش بعد كده
موضوع ان كده كده جسمي هيزيد مع الشغل تمام بس انا نفسي اكسب وقت من دلوقتي واظبط جسمي وبالمناسبة انا مش فارق معايا عضلات اصلا انا عايز ازود وزني بس اللي هو كل جسمي مش الاقي الزيادة كلها كرش
مش شرط الجيم يعنى عضلات الجيم المفروض يظبط جسمك ويحرق الدهون وتبقى الزيادة عضلات وليس دهون
و موضوع دكتور ريجيم ده هيقولي ايه بالظبط ؟
علشان يقولك ايه اللى ينفعك معاك علشان الزيادة وايه اللى مش ينفع

**Khaled Online** · 14-03-2013 11:29 AM

المشاركة الأصلية كتبت بواسطة elhelwany188

السلام عليكم ورحمة الله وبركاته ...
اولا : انت فى نعمة مش حاسس بيها دلوقتى ...
ثانيا : حاول تستمر فى الجيم لان مش شرط تزود وزنك الاهم انك تظبط جسمك علشان مشكلة الكرررررررررررش ...
ثالثا : متقلقش كده كده جسمك هيزيد اول متشتغل وتجيلك شغلانه قعاد على مكتب او بعد الزواج ان شاء الله ....
رابعا : انصحك انك تروح لدكتور ريجيم كويس هايجيب معاك من الاخر ...
خامسا : اهم حاجة خلى زيادة وزنك طبيعية وبلاش المكملات ...

+1

**bHa2** · 14-03-2013 11:46 AM

روح لدكتور تغذيه محترم
والعب رياضه و مش شرط حديد ع فكره ممكن تلعب سباحه مثلاً مع شويه Jogging ف اي تراك جنبك او مساحه مفتوحه هتخلي جسمك حلو وواخد الـ V shape اللذيذ
كده هتخلي جسمك مظبوط ع طول لأنك مشيت بشكل طبيعي و مستخدمتش المُكملات العجيبه اللي بنسمع عنها :)

**mohaakotb** · 14-03-2013 02:04 PM

ماهو انا يا جماعه نويت خلاص مش هجيب مكمل دلوقتي اشوف نفسي الاول ونظام التغذية مع الجيم اشوف هيعملو ايه

بعدين نيجي بقي للاكل .. دلوقتي لو كلت في اليوم علبة تونة و شربت لتر لبن يبقي كده انا 50 جرام بروتين غير بقي الغدا ده بيطلعلي منه 50 جرام يبقي فاضلي 40 جرام دول بقي تحابيش ممكن كام موزه علي سندوتشين تلاته اربعة علي عصير

ف ايى رأيكو في الكلام ده

**abdulkhaleq** · 14-03-2013 02:28 PM

كلام كتير قوي وانا مش عارف انت تحب نبدأ سوى منين
شوف ياسيدي
1- مفيش حلم بيتحقق وانت قاعد في البيت, لا بزيادة وزن ولا بنقصان
2- ايوه انت رفيع جدا على طولك
3- اوعى تزود وزنك بدون تمرين لأن ده هيبقى دهون
4- المكملات (مافيهاش اي حاجه والضرر بتاعها اقل من ضرر البيبسي بكتيييييييييييييير) طالما انت بتتمرن
5- على وزنك ده انت فعلا محتاج السيرياس ماس وهي مش 1000 جنيه ولا يحزنون, شيكاره واحده كفايه للشهر كله وتمنها 400 جنيه وشويه
6- مش فاهم ازاي طول اليوم بره البيت وانت بتقول انك لسه ما اشتغلتش ؟!!!!
7- مافيش حاجه اسمها سكة المكملات مش هتقف والكلام ده, انت ممكن تاخد مكمل كل فتره بس المهم ماتقطعش التمرين الكويس
8- ياريت تعمل تحليل دم عشان نسبة الهيموجلوبين وتحليل براز (مجرد زيادة تأكيد)
9- أكل الشارع ياريت يتمنع نهائي
10- المنظومه متكامله, المكملات لوحدها مش هتعمل حاجه (تغذيه, تمرين, راحه, مكملات)

**abdulkhaleq** · 14-03-2013 02:29 PM

كلام كتير قوي وانا مش عارف انت تحب نبدأ سوى منين
شوف ياسيدي
1- مفيش حلم بيتحقق وانت قاعد في البيت, لا بزيادة وزن ولا بنقصان
2- ايوه انت رفيع جدا على طولك
3- اوعى تزود وزنك بدون تمرين لأن ده هيبقى دهون
4- المكملات (مافيهاش اي حاجه والضرر بتاعها اقل من ضرر البيبسي بكتيييييييييييييير) طالما انت بتتمرن
5- على وزنك ده انت فعلا محتاج السيرياس ماس وهي مش 1000 جنيه ولا يحزنون, شيكاره واحده كفايه للشهر كله وتمنها 400 جنيه وشويه
6- مش فاهم ازاي طول اليوم بره البيت وانت بتقول انك لسه ما اشتغلتش ؟!!!!
7- مافيش حاجه اسمها سكة المكملات مش هتقف والكلام ده, انت ممكن تاخد مكمل كل فتره بس المهم ماتقطعش التمرين الكويس
8- ياريت تعمل تحليل دم عشان نسبة الهيموجلوبين وتحليل براز (مجرد زيادة تأكيد)
9- أكل الشارع ياريت يتمنع نهائي
10- المنظومه متكامله, المكملات لوحدها مش هتعمل حاجه (تغذيه, تمرين, راحه, مكملات)

**buddha** · 14-03-2013 03:15 PM

معلومة على الماشى يا وحش
البروتين الكتير فى حالة تصفية العضل ومرحلة التنشيف يعنى انتا نحيف هت>داد نحافة بس العضلة هتظهر

انتا محتاج نسبة كارب عالى وفات
الاوميجا 3 بردة بتاعة التونة والسلامن للتنشيف وليس للتضخيم مثلها مثل البروتين المركز

فى حاجة اسمها فترة البلك ويليها التنشيف
يعنى بالك جامد يبقى نسبة كارب ونسبة دهون كتيرة
مرحلة التنشيف بتكون نسبة البروتين اعلى من اى وقت

تمارين الظهر والرجل باوزان كبيرة بيزود نسبة التستيرون وهى هامة فى المراحل اجمعها سواء بالك او تنشيف

بتحتاج نسبة فيتامين سى واى وزنك طوال فترة التمرين بتساعد فى تقليل نسبة الهدم وبالتالى الاحتفاظ بالمكتسب العضلى فترة اطول

تهتم جدا بشرب الماء عشان حسمك بيفقد كتير فى التمرين عن طريق العرق
تهتم جدا بالفواكهة عشان تاخد الاملاح والفيتامينات منها

بخصوص التمرين لايزيد مهما كان عن 60 دقيقة عشان بعد 60 دقيقة بيرتفع معدل الهدم يعنى تخسر المكاسب العضلية من تانى

التمرين يوم ويوم
النوم مهم جدا والسهر ضار جدا
البوتاسيوم والماغنسيوم والصوديوم اهم عناصر انت محتجها عشان الخلايا بتتكون من ال3 عناصر دول

الصوديوم والبوتاسيوم بيعملو على تنشيط الجهاز العصبى وسرعة استجابة الخلية
تناول كوب قهوة قبل التمرين كوب واحد فقط عشان يديلك باور كويس فى التمرين وميحصلش كسل
اكنها منشط

بالتوفيق ولو احتجت اى معلومة انا فى انتظارك(كابتن فتنس سابق)

**mohaakotb** · 14-03-2013 04:26 PM

المشاركة الأصلية كتبت بواسطة abdulkhaleq

كلام كتير قوي وانا مش عارف انت تحب نبدأ سوى منين
شوف ياسيدي
1- مفيش حلم بيتحقق وانت قاعد في البيت, لا بزيادة وزن ولا بنقصان
2- ايوه انت رفيع جدا على طولك
3- اوعى تزود وزنك بدون تمرين لأن ده هيبقى دهون
4- المكملات (مافيهاش اي حاجه والضرر بتاعها اقل من ضرر البيبسي بكتيييييييييييييير) طالما انت بتتمرن
5- على وزنك ده انت فعلا محتاج السيرياس ماس وهي مش 1000 جنيه ولا يحزنون, شيكاره واحده كفايه للشهر كله وتمنها 400 جنيه وشويه
6- مش فاهم ازاي طول اليوم بره البيت وانت بتقول انك لسه ما اشتغلتش ؟!!!!
7- مافيش حاجه اسمها سكة المكملات مش هتقف والكلام ده, انت ممكن تاخد مكمل كل فتره بس المهم ماتقطعش التمرين الكويس
8- ياريت تعمل تحليل دم عشان نسبة الهيموجلوبين وتحليل براز (مجرد زيادة تأكيد)
9- أكل الشارع ياريت يتمنع نهائي
10- المنظومه متكامله, المكملات لوحدها مش هتعمل حاجه (تغذيه, تمرين, راحه, مكملات)

لأ إن شاء الله هنزل الجيم و هلعب يوم و يوم .. موضوع المكملات مش قصدي مش هاخده بس قولت اخليني شهرين تلاته كده اجرب وبعدين اشوف حوار المكملات
موضوع اني بره البيت فعلا انا مبحبش قعدة البيت ف باما بخلص مشاوير ياما كورسات ياما خارج كده يعني :)
انا نزلت عملت تحليل بول و براز عشان ناس قالتلي ممكن يكون عندك ديدان وبتاع
موضوع اكل الشارع ده بقي ازاي امنعه نهائي انا مضطر في اغلب الاوقات مش بمزاجي :)

-

الموضوع: بخصوص الجيم والتغذية و زيادة الوزن و ما يتعلق بهم :)

LinkBack

أدوات الموضوع

عرض

-

-

-

-

المواضيع المتشابهه

حد هنا لية فى الجيم ولعب الجيم وبينزل جيم ؟؟؟

استفسار بخصوص توصيل الجيم هام جدا الرجاء الدخول

بخصوص الجيم والرياضة يا شباب ياريت نصيحتكم

أغذية تقاوم زيادة الوزن وتراكم الدهون منقول

استفسار بخصوص زيادة الاسعار؟

الكلمات الدلالية لهذا الموضوع

المفضلات

المفضلات

ضوابط المشاركة