الموضوع: العربية عاملة ١٠٠٠ ك ابتديت اسمع ونة مع تشغيل التكيف

عادي متقلقش هي مروحة التكييف والكمبرسور صوتهم عالي شويه بس دا عادي وشويه كدا هيهدي شوية أن شاء الله

انا لو الفتحات بتاعة التكييف مقفلة او جز منها مقفول هتلاقى الصوت على جرب تفتحهم كلهم الصوت هيهدى

ياجماعة في صوت ونة مكنتش بسمعها اول مجبت العربية مرتبطة بالتكيف بتتسمع اوي لما بكون واقف وبزود بنزين زي ميكون بلية خشنة حد عنده خلفية دي ايه - ممكن تكون ايه

المشاركة الأصلية كتبت بواسطة yousefsemsem

ديه لو زي ماانت بتقول يبقي بليه الكمبروسر عاوزة تتغير انا غيرتها مره وبتتغير من غير مايفضي الشحن

بس ازاي بلية لكومبريسور خشنة او عاوزة تتغير في عربية زيرو

المشاركة الأصلية كتبت بواسطة zeca

بس ازاي بلية لكومبريسور خشنة او عاوزة تتغير في عربية زيرو

وارد وممكن في أي عربية - عيب صناعة - وبالأخص بروتون، ممكن تغير قطع والعربية لسه زيرو.

بس على أي حال، اصبر عليها شوية، العربية يدوبك عاملة 1000 كم.

اعتقد يعني ألف كيلو تاني أو ألفين بالكتير، وإن شاء الله الصوت هيختفي تمامًا.

لو روحت لعصام وصفا مثلاً دلوقتي، بالصوت ده، هيقولك محتاج تغير بلية شداد وطلمبة ميه مثلاً، وروح أبو رواش عشان تغيره في التوكيل، وتروح التوكيل مش هتلاقي الحاجات دي موجودة، وتحجزها، وهيبعتوا يطلبوها من ماليزيا، وتتابع معاه خلال شهر أو شهر ونصف. وممكن الحاجة دي تيجي في غضون شهرين ثلاثة أو حتى أربعة أشهر!

فالخلاصة، الصوت هيختفي اصبر عليه، وما تحطوش في دماغك، العربية لسه بتلين، ولو استمر ابقى في صيانة الـ 5000 كم، ابقى قولهم عليه، وربنا ييسر لك الحال.

المشاركة الأصلية كتبت بواسطة motarjim

وارد وممكن في أي عربية - عيب صناعة - وبالأخص بروتون، ممكن تغير قطع والعربية لسه زيرو.

بس على أي حال، اصبر عليها شوية، العربية يدوبك عاملة 1000 كم.

اعتقد يعني ألف كيلو تاني أو ألفين بالكتير، وإن شاء الله الصوت هيختفي تمامًا.

لو روحت لعصام وصفا مثلاً دلوقتي، بالصوت ده، هيقولك محتاج تغير بلية شداد وطلمبة ميه مثلاً، وروح أبو رواش عشان تغيره في التوكيل، وتروح التوكيل مش هتلاقي الحاجات دي موجودة، وتحجزها، وهيبعتوا يطلبوها من ماليزيا، وتتابع معاه خلال شهر أو شهر ونصف. وممكن الحاجة دي تيجي في غضون شهرين ثلاثة أو حتى أربعة أشهر!

فالخلاصة، الصوت هيختفي اصبر عليه، وما تحطوش في دماغك، العربية لسه بتلين، ولو استمر ابقى في صيانة الـ 5000 كم، ابقى قولهم عليه، وربنا ييسر لك الحال.

شكرا علي الرد
ويارب زي مابتقوول يختفي لوحدة خصوصا ان التكيف شغال بكافاءة عالية ماشاء الله ولا قوة إلا بالله بس هيا القصة الصوت الي طلع فجأة دا كان صوتة عالي في الاول وخلاص اما دلوقتي ونة خشنة بتزيد مع لفات للموتور ومجرد ما الكمبريسور يفصل تروح
عموما شكرا علي ااهتمام