خدمة ضروري من اطباء واعضاء المنتدي ايه افضل معمل تحاليل بالقاهرة ضروري

ارجو من اخواني الاعضاء وخصوصا الاطباءمساعدتي في افضل معمل تحاليل
عاوز اتأكد من تحاليل بنتي
هي عندها 7 سنوات و7 شهور
عملتلها تحليل حمي روماتيزمية(asot) وسرعة ترسيب (esr)
طلعت الروماتزمية 1000 والعادي المفروض لا تتجاوز 200
وسرعة الترسيب تلعت 15 والعادي المفروض حتي 20
وليا صيدلي صديق قالي المفروض ان سرعة الترسيب تكون عالية بما ان تحليل الروماتزمية طلع عالي كده
واعدتها تاني وطلعت نفس النسب (عملتها في معامل عادية)
فاشار عليا صديقي اعيدها تاني في معمل كبير ليه اسم عشان مش مقتنع بالنسب ديه
ملحوظة الدكتور كتب للبنت كورتيزون شرب مع بنسلين حقن بعد ما شاف التحليل الاولاني
بس صديقي اشار عليا نتأكد الاول عشان الحقن ديه تقيلة علي البنت
ياريت الي عنده فايدة في الموضوع ده ينصحني عشان انا حيران جدا ومش عارف اعمل ايه

معامل المختبر و الف سلامه و انشاء الله خير

اقتباس:

---

المشاركة الأصلية كتبت بواسطة hany63

معامل المختبر و الف سلامه و إن شاء الله خير

---

الف شكر استاذ هاني علي سرعة ردك وربنا يسلمك من كل سوء
في انتظار اراء باقي الاعضاء

معمل المختبر هي افضل معامل في مصر ان شاء الله خير والف سلامة
Al Mokhtabar Medical Laboratories | The largest private medical testing company in the Middle East with CAP accreditation offering more than 1,200 clinical analysis

بتعامل مع البرج و بعديه الفا .. بس بستريح للبرج اكتر و نتايجه مظبوطه و الحمد لله

البرج والفا والمختبر

الف شكر ليكم جميعا
علي تعاونكم
ان شاء الله هروح المختبر عشان جنبي في مساكن شيراتون

السلام عليكم
اولا الف سلامة علي بنت حضرتك
انا في سنة 6 طب و كنت عايز اسأل حضرتك كام سؤال
ال asot بيستخدم للتشخيص الحمي الروماتيومية نفسها (يدل علي حدوث اصابة بكتريا متسببة في الحمي الروماتزمية)
لكنه ليس العامل الوحيد للتشخيص يعني لازم و جود اعراض اخري جاتبه

الesr دا من التحاليل الي بتقول هل في نشاط للحمي و لا لاء في الوقت الحالي

الاهم دا
هل بيجلها كتير التهاب اللوز او احتقان الزور
و هل دا حصل من وقت اسبوعين او تلاتة قبل التحاليل ديه
الاعراض الي بتشتكي منها زي مثلا وجع او التهاب مفاصل
الدكتور كشف علي القلب او عمل رسم قلب او كدا

يعني هو مشخصها قبل كدا و لا ايه بالظبط

اقتباس:

---

المشاركة الأصلية كتبت بواسطة ehab

السلام عليكم
وعليكم السلام ورحمة الله وبركاته
اولا الف سلامة علي بنت حضرتك
الله يسلم حضرتك
انا في سنة 6 طب و كنت عايز اسأل حضرتك كام سؤال
ال asot بيستخدم للتشخيص الحمي الروماتيومية نفسها (يدل علي حدوث اصابة بكتريا متسببة في الحمي الروماتزمية)
لكنه ليس العامل الوحيد للتشخيص يعني لازم و جود اعراض اخري جاتبه

الesr دا من التحاليل الي بتقول هل في نشاط للحمي و لا لاء في الوقت الحالي

الاهم دا
هل بيجلها كتير التهاب اللوز او احتقان الزور
فعلا جالها اكتر من مرة ولا زالت تتعالج من التهاب اللوز

و هل دا حصل من وقت اسبوعين او تلاتة قبل التحاليل ديه
فعلا ده صحيح من اسبوعين تقريبا

الاعراض الي بتشتكي منها زي مثلا وجع او التهاب مفاصل
كانت بتشتكي من رجلها وظهرها بتقول انا رجلي وارمة ولا استطيع المشي عليها
بس ما فيش اي ورم والا حاجة هو احساس عندها
وحاليا بتقول ان بطنها وجعاها خصوصا عند الصحيان من النوم صباحا وبيخف الالم مع الوقت
وذلك بيتكرر كل يوم تقريبا
الدكتور كشف علي القلب او عمل رسم قلب او كدا
لا خالص انا روحت اساسا لدكتور انف واذن علي اساس اعملها عملية اللوز لما تكررت شكوت البنت من اللوز بمعدل 5 مرات في اخر 3 شهور وتخف وترجع تاني

يعني هو مشخصها قبل كدا و لا ايه بالظبط

---

هو تشخيصه التهاب في اللوز شديد اول مرة
في الاستشارة تشخيصة ان الالتهاب قل بس مازال موجود
والف شكر علي اهتمامك بالموضوع

asot معناه ان جالها التهاب و دي الاجسام المضادة نتيجة حدوث الالتهاب (يعني رد فعل الجسم للالتهاب) و دي بتظهر بعد فترة من حدوث الالتهاب

لو التهاب اللوزتين بتيجي اكتر من 3-4 مرات في السنة ----شيلها احسن و ده كبعا بعد استشارة طبيب انف و اذن كويس

اعتقد انها مش محتاجة حقن بنسلين بس اسأل دكتور اطفال شاااااااااطر

و الف سلامة

المختبر

اقتباس:

---

المشاركة الأصلية كتبت بواسطة د.اشرف هنداوى

asot معناه ان جالها التهاب و دي الاجسام المضادة نتيجة حدوث الالتهاب (يعني رد فعل الجسم للالتهاب) و دي بتظهر بعد فترة من حدوث الالتهاب

لو التهاب اللوزتين بتيجي اكتر من 3-4 مرات في السنة ----شيلها احسن و ده كبعا بعد استشارة طبيب انف و اذن كويس

اعتقد انها مش محتاجة حقن بنسلين بس اسأل دكتور اطفال شاااااااااطر

و الف سلامة

---

اولا الف شكر علي اهتمام حضرتك
ثانيا انا فعلا سالت دكتور اطفال واكد كلام حضرتك بان الـasot عرض وليس مرض
واني مش محتاج اعملها العملية غير بعد متأكد انها بتيجي 6 مرات مصحوبة بصديد او12 مرة بدون صديد في السنة
وقالي بلاش البنسلين
وان شاء الله هروحله بعد ما البنت تخلص العلاج بتاع اللوز

اقتباس:

---

المشاركة الأصلية كتبت بواسطة meero_boy2000

المختبر

---

شكرا لرد حضرتك وتعبك معايا

شافاها الله وعافاها..
ممكن اسألك ايه الاعراض اللي ظهرت على البنت ؟
يعني اشتكت من ايه علشان تكشف عليها؟
انا عايز اعرف اعراض الحمى الروماتيزمية

عيد فحص ال ASO titer بعد اسبوع / اسبوعين للمثارنة وهل هو بيرتفع ولا بينخفض .

اعطيها بنسلين طويل المفعول حقة واحدة فقط عضل 600 الف وحدة بعد اختبار حساسية في مستشفى - او مضاد حيوي مثل الاموكسيللين 250 ملج كل 8 ساعات لمدة 10 ايام ..

تشخيص الحمى الروماتيزمية - لاقدر الله واللهم احفظنا جميعا - هو تشخيص اكلينيكي لا يعتمد على المعمل ولا يوجد تحليل معين يؤكد التشخيص

شرح مبسط عن المرض اقتبسته

اقتباس:

---

الحمى الروماتيزمية أحد الأمراض التى استطاع العالم المتحضر القضاء عليها وإن بقيت السبب الأول والوحيد فى إصابة صمامات القلب بالتشوه فى البلاد النامية ومنها مصر. ضيق الصمام إلى المدى الذى لا يسمح بمرور الدم فيه أو التسبب فيما يسمى بارتجاع الدم خلال الصمام حالتان مرضيتان يعرفهما جيدا أطباء القلب فى مصر وغالبا ما يستدعى الأمر استبدال الصمام التالف بآخر صناعى معدنى لا يعدم من مشكلات أولها ضرورة استخدام مسيلات الدم مدى الحياة وضرورة متابعة الكشوف الدورية. وإن كان هذا يلقى أيضا العديد من الصعاب خاصة فى حالة ما أصرت السيدة على الحمل والولادة. إنها بالفعل قصة طويلة تلازم الإنسان إذ تستقر فى قلبه إذا لم ينتبه لبدايتها فنهايتها السعيدة يجب أن تأتى مع بداية الإصابة بالبكتيريا المسببة لها والتى تعرف بالبكتيريا المكورة العقدية إذ تأخذ اسمها من وصفها «streptococcus» حيث تبدو كرات صغيرة متناهية الدقة تتجمع فى شكل عنقود.

أسباب الحمى الروماتيزمية

لا أحد حتى الآن يعرف السبب الحقيقى وراء الإصابة بالحمى الروماتيزمية إذ إن العلم يصنفها فى خانة أمراض خلل جهاز المناعة. والمعروف حتى الآن هو ملاحظات حقيقية ترتبط بحدوث الحمى الروماتيزمية وتشير إلى احتمالات تطورها، تبدأ القصة بهجوم متكرر من البكتيريا العنقودية على أنسجة الجهاز التنفسى العلوى فيحتقن الزور وقد يصاحبه ارتفاع فى درجة الحرارة وقد ينتهى الأمر عند هذا الحد لكن فى أحيان كثيرة بدلا من أن يشحذ الجهاز المناعى قواه لمواجهة غزو البكتيريا فإنه يستدير لمهاجمة أنسجة الجسم فيما يشبه بالفعل إصابة الإنسان بالنيران التى يطلقها الأصدقاء. يهاجم الالتهاب المفاصل التى تتورم وتصبح مؤلمة بمجرد لمسها، وقد يهاجم كل أنسجة القلب، الأمر الذى قد يسفر عن إصابة عضلة القلب بالهبوط أو إصابة الصمامات بتشوهات تسفر عن ضيق أو اتساع مرضى فيها يخل بوظائفها.

أعراض الحمى الروماتيزمية

تختلف أعراض الحمى الروماتيزمية وفقا لردة فعل الجسم فى مواجهة خلل الجهاز المناعى الذى يربكه فتتفاوت بين:

? ارتفاع درجة الحرارة.

? طفح جلدى يرتفع قليلا عن سطح الجلد ويتوزع على الصدر والظهر والبطن.

? ألم وتورم أحد المفاصل «غالبا الركبة أو الكوع» الكبيرة أو الصغيرة فى أحوال نادرة.

التهاب المفصل يتسبب فى ارتفاع درجة حرارته واحمراره وقد تظهر عليه عقد صغيرة.

? قد يتطور الأمر لبعض مشكلات القلب والدورة الدموية مثل صعوبة التنفس، الإعياء.

? قد تظهر بعض الأعراض التى تطال الجهاز العصبى مثل حركات مفاجئة لا يمكن التحكم فيها للذراع أو الساق وربما عضلات الوجه وهو ما يعرف بالكوريا «Chorea» الأمر الذى قد يتسبب فى عدم التركيز أو مشاعر النزق والزهق دون سبب واضح.

قد تلاحظ كل تلك الأعراض مجتمعة وقد تأتى فرادى بعد فترة تتراوح بين أسبوع إلى ستة أسابيع بعد الإصابة باحتقان الزور وإن كان مما يزيد الأمر ارباكا أن غياب احتقان الزور وارد أيضا، الأمر الذى يزيد من صعوبة التشخيص وقد يتسبب فى تشخيص خاطئ يبعد كثيرا عن الحمى الروماتيزمية التى يجب علاجها تحديدا فى تلك الفترة باستخدام المضادات الحيوية التى قد تقى الإنسان مجمل خطرها.

مجرد الشك فى احتمال الإصابة بالحمى الروماتيزمية يتطلب إجراء التحليلات المعملية اللازمة فى الحال.

تشخيص الحمى الروماتيزمية

? يبدأ تشخيص الحمى الروماتيزمية بتسجيل كل الملاحظات الإكلينيكية بدقة ومنها مدة احتقان الزور، ألم المفاصل، الطفح الجلدى وتوزيعه على الجسم، الزوائد أو العقد التى تبدو بارزة على الجلد مقابلة للعظام والمفصل المصاب تبدو أهم العلامات التى تؤكد حدوث الحمى الروماتيزمية بالفعل.

? التحاليل المعملية للدم فيما يسمى بملف النشاط الروماتيزمى «Rheumatic Profile» والذى يضم سرعة ترسيب الدم ويرصد معدلات انزيمات ترتفع مع النشاط الروماتيزمى مثل ASOT C Reactive Protein.

عينة من الزور «مسحة» تستخدم لإجراء مزرعة بكتيرية يمكن قراءة نتيجتها خلال أربع وعشرين ساعة للتأكد من وجود البكتيريا العنقودية أمر له أهمية فى تحديد نوع المضاد الحيوى القادر على إبادة البكتيريا مما قد يحمى الإنسان من كل الأخطار اللاحقة.

علاج الحمى الروماتيزمية

?يتوقف علاج الحمى الروماتيزمية على أوان اكتشافها أو تشخيص ما يمكن أن تسفر عنه من مشكلات.

?المضادات الحيوية الملائمة إذا ما أتت نتيجة مزرعة الزور إيجابية.

?علاج النشاط الروماتيزمى: علاج للأعراض مثل ارتفاع الحرارة والتهاب المفاصل وعادة ما يستخدم الاسبرين فى جرعات كبيرة محسوبة وفقا لعمر الطفل المصاب ووزنه وقد يضاف إليه الكورتيزون خاصة إذا طال الالتهاب أغشية القلب.

?المهدئات الملائمة إذا ما تعرض الجهاز العصبى لتأثير النشاط الروماتيزمى وغالبا ما يحتاج مصاب الحمى الروماتيزمية متى تأكد التشخيص إلى البنسلين والبنسلين طويل المفعول لمدة طويلة للغاية مع مداومة إجراء اختبار حساسية البنسلين مع كل حقنة قد يستمر الأمر إلى أن يصل العمر إلى ما بعد الثلاثين.

?تجرى جراحات لاستبدال الصمامات التالفة بأخرى معدنية أو من أنسجة لحيوانات من البقر والخنزير، أيضا صمامات من أنسجة حية لمتبرع وفقا لنوع الإصابة وقد يتم توسيع الصمامات الضيقة باستخدام القسطرة البالونية فلكل حالة خصوصية وملابسات تتم مناقشتها بين طبيب القلب وجراحه.

---

شكرا يا دزمحمود علي المعلومات المعروضة بطريقة مبسطة

الف شكر لاهتمام حضرتك يا دكتور محمود
انا ان شاء الله قررت انها بعد ما تنتهي من المضاد الحيوي واسمه( هاي بيوتك ان 600m /5 Ml)
بالاضافة لدواء اسمه ايفاستين (ايباستين 5مجم/5مل)
اروح لدكتور اطفال واشوفه هيقول ايه
والا حضرتك ليك راي تاني
ملحوظة :- احنا اعطيناها اسبوسيد لما البنت قالت ان رجلها وجعاها
ومن الامس ظهر حبوب صغيرة تشبه قرص النموس وقمنا بدهانهابـ BRINGO LOTION
وبدأت في الدمور والاختفاء (اصبحت لونها بني فاتح علي خفيف)

ايباستين مضاد للهيتامين - مضاد حساسية - لايسبب النعاس

والمضاد الحيوي كويس ..

فعلا اعرضها على دكتور اطفال كويس والله هو الشافي المعافي ويطمن قلبك