تجربه غريبه مع موظف غريب فى الشهر العقارى

**kimotop** · 13-03-2013 12:10 PM

يا جماعة لازم نشكر مبارك انه ورثنا العالم دي و خلى المصالح الحكومية مهلهلة

**hossam_elwani** · 13-03-2013 01:17 PM

المشاركة الأصلية كتبت بواسطة mesaharaty

سيدى الفاضل هناك طقوس معينة للتعامل فى المصالح الحكومية ... وخصوصا الشهر العقارى .
1- لازم ترسم إبتسامة عريضة على وشك لا تفارقك وتكون كلمة حاضر يافندم دايما سابقة على لسانك .
2- قبل ما تروح الشهر العقارى بيوم بتكون محضر فكة معاك من فئة الخمسة والعشرة جنيه .
3- لما يسعدك زمانك بقى وتدخل على الموظف تكون مجهز الورقة اللى مكتوب عليها صفر + واحد وتغمزه بيها مع إبتسامة إستعطاف حتى لو ورقك كله سليم ومافيهوش الهوا (هذا الإجراء بيكون له فاعلية السحر عند إستقبال الموظف لك) .
4- لا تكثر من الجدال مع الموظف ولو لقيته حيقلب غير الطريقة على طول واعمل فيها كوميديان بلذاذة .

تحياتى

متزعلش منى بس هو ده الاسلوب الرخيص الى كلنا عايزين نخلص منه

**amrelsaqqa** · 13-03-2013 01:27 PM

على فكرة ممكن يكون معاه حق اقوللك ليه

لو نيسان تيدا مثلا ، مستورد ، ليها رسوم معينة
لو نيسان صنى ، ليها رسوم تسجيل اقل عشان تجميع محلى
ويبقوا العربيتين نيسان 1600 نفس السنة ودى ليها وضع ودي ليها وضع تانى

بس برضه متفق معاك في حتة الغباء والبيرقراطية والتعامل البلدي بتاعهم

**S O P H O S** · 13-03-2013 01:42 PM

ده بقي شئ عادي
انا عمري ما بروح شهر عقاري معرفش فيه حد
ولما بتبقي تعرف حد صدقني مش هتقوم من مكانك ..

**Dr.A.Nabil** · 13-03-2013 01:47 PM

عادي جدا
لو قعدت تحط الناس دي في دماغك مش هانخلص
وما اكثرهم في البلد

**HOSSAM99** · 13-03-2013 01:50 PM

كان الله في العون يا أستاذ حسام ...
بالنسبه لإقتراح الرشوة فهو إقتراح فاشل و الدنيا بتتقفل بعدها عن تجربه الرشوة بتجلب النحس الصراحه

المشاركة الأصلية كتبت بواسطة amrelsaqqa

على فكرة ممكن يكون معاه حق اقوللك ليه

لو نيسان تيدا مثلا ، مستورد ، ليها رسوم معينة
لو نيسان صنى ، ليها رسوم تسجيل اقل عشان تجميع محلى
ويبقوا العربيتين نيسان 1600 نفس السنة ودى ليها وضع ودي ليها وضع تانى

بس برضه متفق معاك في حتة الغباء والبيرقراطية والتعامل البلدي بتاعهم

لا يا فاندم هو ملوش علاقه بطراز العربيه هو ليه الرخصة الساريه أو شهادة البيانات ... لو معاك عربيه إنتاج محلي بتجيب شهادة بيانات إنها إنتاج محلي
عمر الموظف ما هايعرف العربيه من أسمها محلية الصنع و لا مستورده

كل اللي يهمه سعة لتريه و موديل السنه و بنزين و لا ديزيل

الله يمسي بالخير مكتب توثيق نادي الصيد (حاجة ستيك كدة شغل فنادق بالنسبه لباقي مكاتب التوثيق)

**misry** · 13-03-2013 01:50 PM

المشكلة الكبيرة هي اختلاف التصرفات باختلاف الاماكن والمصالح ...

يعني مثلا رحت شركة الكهرباء علشان ادفع الفاتورة لفيت لحد ما اتهد حيلي وفي الآخر الموظف مش موجود وتعالى بكره ...!!!

رحت شركة الغاز عملت كل حاجة وانا واقف عند نفس الموظفة في اقل من 5 دقايق ...

بلد عجيبة بصراحة ...

**hossam_elwani** · 13-03-2013 02:31 PM

المشاركة الأصلية كتبت بواسطة amrelsaqqa

على فكرة ممكن يكون معاه حق اقوللك ليه

لو نيسان تيدا مثلا ، مستورد ، ليها رسوم معينة
لو نيسان صنى ، ليها رسوم تسجيل اقل عشان تجميع محلى
ويبقوا العربيتين نيسان 1600 نفس السنة ودى ليها وضع ودي ليها وضع تانى

بس برضه متفق معاك في حتة الغباء والبيرقراطية والتعامل البلدي بتاعهم

لو بعد موديل 2000 اقولك ممكن

ده دفع واحد قدامى عربيه برايد موديل 2000 موتور 1000 سى سى 500 جنيه رسوم تسجيل

لكن عربيتى موديل 83 وتعتبر اهلاك بلفظ قول موظف الشهر العقارى الى فى اكسيا الى سجلت عنده

وبعدين انا بقالى 15 سنه ببيع واشترى برخص مش مكتوب فيها نوع العربيه بالتحديد يعن هو اختراعه الخاص !!!!!!!!!

**kar!m** · 13-03-2013 02:40 PM

محدش فاهم حاجه أصلا.

**aboomar22** · 13-03-2013 09:27 PM

المشاركة الأصلية كتبت بواسطة ahmed_adham

مين قال ان الشهر العقاري تبع وزاره العدل؟ كل المصالح الحكوميه تابعه لوزارة التموين يا حسام بيه... فكرتني لما كنت بنقل ملف عربيتي من المنوفيه لاكتوبر بيقولي فين التوكيل؟ قلتله توكيل ايه العربيه بتاعتي وأنا اللي مرخصها أول مره السنه اللي فاتت وشهاده البيانات اللي في ايدك بإسمي أنا وبطاقتي معاك. قالى امال بتنقلها ليه هنا؟ قلتله أنا حر أنقلها في أي حته. قالي طب اعمل تأمين اجباري. قلتله العربيه متأمن عليها السنه اللي فاتت 3 سنين وضريبه 3 سنين زي ما مكتوب في شهاده البيانات اللي معاك. فات منهم سنه وباقي اتنين ولا المالك اتغير ولا العربيه اتغيرت يبقى أدفع تاني ليه؟ قالي جيب وثيقه التأمين الاصليه. قلتله في الملف في مرور المنوفيه وهتجيلك لما الملف ييجي. قالي يبقى تعمل تأمين جديد. المهم دخلت للظابط وموصلتش لحل معاهم. يا أجيب تأمين جديد او أجيب الوثيقه الاصليه من المرور القديم وطبعا المرور القديم مش هيديني أي حاجه في ايدي وهيحول الملف باللي فيه على المرور الجديد.

خلاصه اللي حصل ان أنا عملت تأمين جديد وحتى مدونيش رخصه. خدت تصريح 3 شهور وخلص من اسبوعين ورحت ملقتش الملف لسه وصل (مش عارف ليه 3 شهور مش كفايه ان ملف يتنقل مسافه 100 كيلو) ففمت مستموت قدام الموظف عشان يعملي تصريح بمده كبيره شويه قام مديني 6 شهور مع ايقاف التنفيذ ههههههههه....

ههههههههههه فكرتنى ياباشا بفلم كراكون فى الشارع لما عادل امام راح المجمع وبيقول للموظف انا بقالى 3 ايام فى الايواء المؤقت ---انا كان معايا عربية 127 وكان الملف منقول تقريبا من بنها للقاهرة قعدت معايا 7 سنوات وبعتها والملف مكنش جه بالسلامة ---بس الكلام ده كان من يجى 12 سنة

الموضوع: تجربه غريبه مع موظف غريب فى الشهر العقارى

LinkBack

أدوات الموضوع

عرض

-

-

-

-

المواضيع المتشابهه

كارثة فى الشهر العقارى اعمل اية

تسجيل فى الشهر العقارى

تسجيل كيا فى الشهر العقارى

تسجيل ارض فى الشهر العقارى

الشهر العقارى

الكلمات الدلالية لهذا الموضوع

المفضلات

المفضلات

ضوابط المشاركة