تجربه غريبه مع موظف غريب فى الشهر العقارى
كنت ببيع عربيتى النيسان النهارده فى الشهر العقارى فى اسكندريه فى مكتب توثيق سموحه
المهم اشتريت عقد بيع ومليته واشرت عليه من الموظفه المختصه والخطوتين دول اخدو ساعه ونص ههههههههههه !!!!!!!!!!!!! متسألش ليه انت فى مصر
المهم جيت عند خطوة تقدير الرسوم والموظف بص فى الرخصه
وقالى : العربيه مش مكتوب فيها هيا نيسان ايه
قلت له : وايه يعنى هو انت ليك ايه غير موديل السنه والسعه اللتريه للمحرك ؟؟!!
قالى : لا يابيه انا عايز اعرف هيا نيسان ايه روح طلعلى شهادة بيانات مكتوب فيها هيا نيسان ايه
قولت له : هيا نيسان صنى والرخصه مابيكتبش فيها هيا نيسان ايه وده نظام مرور البحيره فى كل العربيات الى بترخص عنده مابيكتبش نوع العربيه بالتحديد فى الرخصه (العربيه مرور البحيره)
وبعدين انا لسه مطلع شهادة بيانات من يومين لنفس العربيه وبرضه مابيكتبوش فيها هيا كمان نوع العربيه بالتحديد وكان معايا صوره منها ورتهاله ووريته العقود الى قبل كده الى برضه مكنش فيها نوع العربيه بالتحديد
وقلت له انا يقالى 15 سنه ببيع واشترى عربيات محصلش ان فيه موظف شهر عقارى وقفلى على الحته دى زيك هو انتو مش كلكم تبع وزارة العدل ولا ايه مش المفروض كلكم ماشيين بنظام واحد ؟؟ !!!!!!!!!!!
قالى مليش دعوه مش حعملك العقد
قولت له قانونًا ملكش فيه انك تعرف النوع بالتحديد انت الى ليك السعه اللتريه وسنة الصنع فقط لاغير والله العظيم انت شغال فى طابونه مش شهر عقارى
قالى اتكلم بأدب وكلام من الهرتله الى بتتقال لما مايعرفش يرد بالحجه السليمه
سبته ودخلت للمديره نفسها قالتلى مليش دعوه لازم تجيب شهادة بيانات
والواضح جدااااا انها شخصيه هزيله وملهاش شخصيه فى المكتب
المكتب ياجماعه فيها عاهاااات بجد الموثقين ميتيين مره الى يشوفهم يحس انهم عندم 70 سنه موظفه منهم عندها حركات عصبيه زى شلل وموظف عنده زى زهايمر والتالت اطرش حاجه كده حسستنى انى وسط عاهات وفى دار مسننين مع احترامى لكل كبير سن بس ده مش مكانهم الصح لانهم ماسكيين وظيفه مهمه جداااااا ومصالح ناس الغلطه فيها بفوره
المهم اخدت نفسى ورحت شهر عقارى نادى اكاسيا خدمه 3 نجوم خلصت كل حاجه فى نص ساعه وفى منتهى الراحه والاحترام ولا سألنى على نوع العربيه ولا كلام من الكلام الفارغ ده
بس مقابل 40 جنيه زياده رسوم دخول الشهر العقارى لغير الاعضاء هههههههههه نادى بشوات
كان نفسى ارجع للموظف وارميله العقد فى وشه عشان يعرف يشوف شغله صح
طيب فيها ايه ما يخدو الى هما عايزينه بس يخلو الخدمه زى مستوى النادى ده وعجبى
تحياتى