كنت عايز أعرف المدة المثالية لتسخين إلنترا 2010 وخاصة الصبح علشان ساعات أطلع من غير ما أسخن أحس أن العربية ثقيلة جدا
عرض للطباعة
كنت عايز أعرف المدة المثالية لتسخين إلنترا 2010 وخاصة الصبح علشان ساعات أطلع من غير ما أسخن أحس أن العربية ثقيلة جدا
و لا حاجة .. التسخين غير مطلوب في السيارات الحديثة
كل اللي مطلوب كالتالي :
1- شغل المحرك و أنتظر 30 ثانية
2- أبدأ التحرك بالعربية علي السرعة الدنيا ideal بدون رفع لعدد لفات المحرك أو قرص
3- تنتظر حتي يبدأ مؤشر درجة الحرارة في الأرتفاع قليلا أو لمبة بيان الحرارة الزرقاء تنطفئ
4- بعدها تتحرك بالعربية عادي جدا
مفيش لمبة زرقا بتنور اصلا !
في بعض الموديلات بيكون مؤشر حرارة المياه :
- أما مؤشر (عداد حرارة)
- أو لمبة بيان فقط (زي بعض موديلات الياباني - هيونداي جيتز)
في حالة لمبة البيان بيكون فيه لونين :
- أزرق : ده لو العربية لسه باردة
- أحمر : لو درجة حرارة مياه التبريد أرتفعت عن الحد الاقصي
التسخين علي الواقف لمدة 5 دقائق مش هايفيد بالعكس هايضر الموتور
ليه ؟
- كده أستهلاك بنزين علي الفاضي
- حريق علي سرعة منخفضة جدا (عدد لفات منخفض للمحرك) و عدم دخول هواء كافي للأحتراق نظرا لتوقف العربية مما يسبب كربون علي وش المكبس و قواعد البلوف و نرجع بعد كده نقول العربية مخنوقة ليه
و علي فكرة فيه تحذير في الكتالوج من السير بالعربية علي السلانسيه فترة أكثر من 5 دقائق علي ما أذكر فما بالك و العربية واقفة اساسا
يا جدعان الموضوع ده قتل بحثاً و كانت النتيجه انك بتتحرك بالعربيه اول ما لمبه الـ check تطفي او ثانيتين تلاته،،، بس بتمشي هادي من غير حرق لحد ما الحراره تعلي و عيش براحتك و الصراحه انا بعتمد في الموضوع ده علي اني عارف صوت عربيتي كده عالي ولا واطي و سخنت ولا لسه بارده و ينفع اقرص دلوقتي ولا استني شويه حتي او مؤشر الحراره قدامي وصل بين النقطتين في الفيرنا بقول بردو لسه كينفعش اقرص دلوقت عشان لسه العربيه بارده
التحرك بعد 30 ثانيه من التشغيل
واسلوبه القياده يكون هادىء يعنى ماتحرقش الغيار
القياده الهادئه الار بى ام مايوصل ل3000
وبعد مامؤشر الحراره يعلى معاك القياده بتكون عاديه وبراحتك
اكثر من نصف دقيقه او دقيقه استهلاك بنزين وخلاص
هتدور العربيه و تبص على مؤشر الاربي ام في بداية التشغيل بيكون على ١٢٠٠ لفه تقريبا
اول ما يوصل ل ١٠٠٠ لفه و هنا المده بتتفاوت حسب درجة حرارة الجو من ٢٠ ل ٤٠ ثانيه اطلع بالعربيه و ماتزودش عن ٢٠٠٠ لفه حتى وانت طالع مطلع جراج و لما حرارة الموتور توصل لمعدلها الطبيعي امشي عادي و افتح التكييف لو عايز و لو حسيت انها مخنوقه و ده هيحصل عشان ابتديت بسواقه هاديه و الكومبيوتر عمل save و حطك على النمط الاقتصادي
اضغط على دواسة البنزين اكتر من نص المسافه فجاءه مش بالتدريج بكامل القدم يعني الدوسه تكون ببطن القدم لمدة ٣ ثواني و شيل رجلك و كرر نفس الحركه عشان تغير نمط القياده من اقتصادي لرياضي هتلقى ان العربيه بتجري من اقل لمسه من غير حرق نهائي