الموضوع: غسل الميت وتكفينه والصلاة عليه

المشاركة الأصلية كتبت بواسطة jam

انا بساعد فى غسل أقاربى المتوفيين وبدفنهم
والدى كان بيعودنى من صغرى إنى أكون موجود فى المواقف دى والحمد لله بقيت عندى خبرة لا بأس بها
وآخر غسل ودفن إنسان كان إبنى رحمة الله عليه الأسبوع اللى فات
أرجوكم إدعوله بالرحمة والمغفرة وإنه يكون شفيعاً لى ولوالدته يوم القيامة

رحمة الله علي ابنك وربنا يجعله شفيع لك ولزوجتك يوم القيامه ان شاء الله

وخالص تعازينا ليك وللأسره الكريمه وربنا يصبركم علي فراقه

انا اول مره اشوف فيها ميت كان في 2001 وكان جدي وحضرتك جزء من الغسل واخرها كان من شهرين كان واحد قريبي شاب مات فجاه ورحت وحضرت الغسل والتكفييين وكان الكل بيقولي غسل انت بس كنت محرج جدا لاني معرفش بصراحه وحزنت جدا والله من كم الاخطاء والتجاوزات اللي حصلت بسببب جهل الناس عشان بتعريه قبل الغسل وتحميه وبيعروه ومش بيستروه كويس

الموضوع ده اثر عليا جدا وفضلت اكثر من شهرين ريحة الحنوط والغسل في ايدي وفاكر منظر سامي الله يرحمه وهو نايم علي خشبة الغسل لاحول له ولاقوة

اما عن بشاشة وجه الميت فالله اعلم هي علامه من علامات الصلاح

انا فاكر جدي الله يرحمه كان وشه بيضحك كان جد فعلا بيزغزغه والله ومكنتش مصدق اللي شايفه

الله يرحمه مات علي سجادة الصلاة يوم الجمعه وقريبي للي مات من شهرين ده برده كان يوم جمعه ومصلي الفجر واذن في صلاة الجمعه واتغدي وتعب شويه راحو للدكتور مات