الموضوع: متي يسقط الرجل من اعين المرأه والمجتمع

الشخص المتخفى خلف شاشة الكمبيوتر مختلسا صوره او شخصية إمرأه

أعتقد دى صوره جديده من صور سقوط الرجل من عينه أولا و عين المجتمع

المشاركة الأصلية كتبت بواسطة y a r i s

موضوع جميل ياست الكل
بس ايه معنى الرويبضة. والمتحاقر ده انجليزي ده يامرسي ههههههه :)

@@@@@@@@@@@

انا اعتقد بخلاف جميع ماذكر ان الرجل لايسقط من عين المرأة الا بعد ان يسقط من قلبها
فبمجرد مالواحد يسقط من. قلب المرأة خلاص. هتسقط بعد كده من كل حته
وبالذات لمن تخونها اما البخل عمر ما يخلي الرجل يسقط من عين المرأة نهائي
وياما ناس تاركه للصلاة ولكن لا يسقطون من عين زوجاتهم ... وياما واحد لسانوا متبري منوا ومع ذلك تبص تلاقيه في عين امرأة وبتحبو وبتموت فيه ... حتى ضعيف الشخصية ياما وحده جوزها ضعيف الشخصية بس بتحبو وبتموت فيه وعمروا مايسقط من عنيها ابداً ..... فاضل بس نعرف معنى كلمة الرويبضة دي :) وتحياتي. موضوع جميل

مبدئياً، الست مش بتكره حاجة في حياتها أكتر من البخيل.. و صدقني عن تجارب ناس أعرفهم.. ممكن تستحمل لو عصبي، ممكن تستحمل لو تارك الصلاة زي ما بتقول، ممكن حتى بعض السيدات يسامحوا في الخيانة لو كانت نزوة، انما تيجي ناحية الفلوس، الست بتتقلب، و الفكرة ان مش بس عشانها، عشان غالباً البخل بيبقى عليها و على أولادها و بالتالي بتضطر تلجأ لأهلها عشان يساعدوها، و حوارااااااااااااات ياما..



و بالنسبة للموضوع اساساً، متفقة معاكي في كل النقط دي، و للأسف مش كل الرجال فاهمين معنى المسؤولية و الرجولة صح، و حتى مش فاهمين معنى القوامة صح..

و انا من الحاجات اللي توقع أي حد من عيني " ذكر كان أو رجل على رأي القذافي" هو انه يردد زي البغبغان " النساء ناقصات عقل و دين".. أو انه يقلل من المرأة بأي شكل من الأشكال..

و من الحاجات بردو انه ميبقاش عنده نخوة، و ده للأسف بقى كتييييييييييييييير أوي في الشعب المصري.. يعني كنت ماشية مع صاحبتي و حتة عيل مكملش 16 سنة عاكس بكلام مش ولا بد، فوقفنا نهزقه.. الناس بقت تتفرج و واحد بسسسس هو اللي نزل من عربيته و ضربه.. بصراحة حسيت ان ده الراجل الوحيد و الباقيين... بلاش أحسن.

و من الحاجات بردو اللي تسقط الرجل انه ميشيلش مراته و يستحملها وقت تعبها.. و الأمثلة كتير على دي..

من الأخر، أي حد جاهل معندوش دين ولا إنسانية و بيعامل الست وحش بأي طريقة كانت يبقى عايز يتولع فيه بشوية سولار من السوق السودة..