ايه رايكم في كاسيت symphony usb او اي ماركه تانيه

السلام عليكم

عديت النهارده في المنيل على محل بيبيع كاسيتات وسألته عن حاجه سعرها معقول وكويسه فقالي على symphony sy-u540sd
هو قالى ضمانه من الوكيل سنه وهو نفس وكيل كيينوود وكلاريون وماركه محترمه والخرج بتاعها 45 وات وبتشغل usb aux وراديو ومعاه ريموت
وكل ده ب250جنيه

سألته عن السيتي ساوند قالى انه ضمان محلات وانت وحظك في اللي هيجيلك

فانا مش عارف هل الماركه ده كويسه فالكاسيتات ولا نص كم , ولا فيه ماركه احسن من ده
وصوتها كويس وعمليه جداااا؟

وقالى فيه اللي بعد كده الlg وده يعمل 550جنيه بس انا شايف ان سعره عالى

انا كان عندي كاسيت سي دي سوني 52 بس باظ بسبب البواب الحمدلله , هل الماركه ده او اي حاجه ترشوحها هيكون في فرق في جوده الصوت تستاهل فرق المبلغ؟

بصراحه انا دورت في المنتدى على اقل حاجه في النضيف بتشغل فلاشه ولقيت sony dsx-a30

بس بصراحه امكانياته ضعيفه جدا بالنسبه لسعره 450 جنيه

ولا انتوا رأيكم ايه خصوصا انى عندى طقم اكسبلود 320 وات بيضاوى؟

انا محتار ومش عارف

بص حضرتك أنا كان معايا كاسيت سونى CDX-GT500U وكان زي الفل ولكن بعته مع العربية القديمة .. العربية اللى معايا حاليا حطيت فيها كاسيت Adrian AD-M9 والخرج بتاعه 18w على أربع سماعات وكان بـ 180 جنيه وبقاله معايا حاليا 4 شهور وعملت تقرير عنه أول لما جبته هنا ف المنتدى http://www.nilemotors.net/Nile/326778-adrian-ad-m9.html
بصراحة الكاسيت بعد تجربة 4 شهور أقدر أقول عليه ممتاز وحلال فيه الفلوس .. أنا مشغل عليه 4 سماعات - أتنين ف الأبواب واتنين سوني بيضاوي 400 وات ع الرف .. بالتأكيد قوته أضعف من السونى بس مش الضعف المحبط اللى يخليك مش مستمتع بالكاسيت .. أنا بعتبره حل مناسب وعملي ورخيص تمشي بيه حالك زي العبد لله لحد ما أتمكن من شراء كاسيت سوني جديد .. الكاسيت اللى معايا بعد ما عملت تقرير عنه أعضاء كتير ف المنتدى أشتروه وشكروا فيه جداااااا ومبسوطين منه اوووووي وخصوصا إنه بيشغل فلاشة وكارت وبيقلب فولدرات وكمان تقدر تركب معاه أمبلفاير وتزود بازوكا أو صب ...
عاوز أضيف نقطة صغيرة وهي إن الخرج الحقيقي بتاع أى كاسيت هتلاقيه مكتوب جنب الـ RMS بتاعه .. يعني الكاسيت بتاعي الأدريان هتلاقي مكتوب عليه 25w وهو الحقيقي بتاعه 18w ... عشان كده أنا متأكد إن الكاسيت السيمفوني ده من رابع المستحيلات يكون 45w اساسا ..

ممممم

اول حاجه شكرا لرد حضرتك

معقول يكون اللي مكتوب عالكاسيت اي كلام , هو مكتوب عليه 45 وات , انا حاولت فعلا اشوف الموديل او الشركه اساسا عالنت ومش لاقي اي حاجه عنها ...

انا قريت عن ادريان في الموضوع بتاع حضرتك وشايف انه كويس ..وهسأل عليه لانه في اخر موضوع حضرتك يقال ان السعر زاد ل 230 جنيه

الفكره كلها ان الحاجه اللي هجيبها مش هغيرها تاني فعوز اجيب حاجه تقضي الغرض وصوتها حلو وتعيش

اقتباس:

---

المشاركة الأصلية كتبت بواسطة mendo

ممممم

اول حاجه شكرا لرد حضرتك

معقول يكون اللي مكتوب عالكاسيت اي كلام , هو مكتوب عليه 45 وات , انا حاولت فعلا اشوف الموديل او الشركه اساسا عالنت ومش لاقي اي حاجه عنها ...

انا قريت عن ادريان في الموضوع بتاع حضرتك وشايف انه كويس ..وهسأل عليه لانه في اخر موضوع حضرتك يقال ان السعر زاد ل 230 جنيه

الفكره كلها ان الحاجه اللي هجيبها مش هغيرها تاني فعوز اجيب حاجه تقضي الغرض وصوتها حلو وتعيش

---

الكاسيت مازال سعره 180 جنيه ف شارع الأزهر ولكن معرفش نظام سعره ايه دلوقتي فالتوفيقية مع إنى جبته من هناك ... وأكيد معقول إن الكاسيت يكون مكتوب عليه 45w ولكن ف الحقيقة هو أضعف من كده بكتير .. لو قريت المانيوال بتاع الكاسيت هتلاقي قوة rms بتاعته جنبها الرقم الحقيقي لقوة الكاسيت ... الأدريان مكتوب ع العلبة 25w ولكن الحقيقي 18w ... وعشان كده أنا متوقع إن الخرج بتاعه لن يتعدى 7w زي الكاسيت الماتسوبيشي اللى الناس كانوا فرحانين بيه اوووي وقالوا عليه إنه قووووى ولكنه ف الحقيقة ضعيف جداااا ..
وبعدين أنا شايف إن الكاسيت الأدريان يقدر يديك أداء متوسط أو فوق المتوسط ويرضيك تماماااااا طالما مش ناوي تغير اى حاجة دلوقتي ... طالما مش هتعمل نظام صوت تقيل او جامد يبقى هتتكيف اوووي من الكاسيت ده ..

بص ياباشا للامانة، الكاسيت ده أسوأ كاسيت ممكن تشتريه ف حياتك، وحش جدا جدا جدا، بيفصل مع اقل مطب، الريموت بتاعه باظ بعد شهر، بقي بيقلب راديو لوحده، متفهمش ايه اللي جراله كل اما اجي المسه عشان اعلي او اوطي يفصل، واقعد اقفله واشغله كذا مرة عشان يشتغل عدل، ابعد عنه تماما، السمفوني ده أسوأ كاسيت في العااااااااااالم

حضرتك ممكن تشرفنا ف توكيل كلاريون بالعنوان الاتى : 58 شارع فريد سميكة -ميدان الحجاز -مصر الجديدة امام عمر افندى واحنا هنقدر نقدم لحضرتك كل ما تحتاجة من ماركات مختلفة وباسعار مناسبة لحضرتك ودا رقم موبيلى :
01016564491

حضرتك ممكن تشرفنا ف التوكيل بالعنوان التالى : 58 شارع فريد سميكة-ميدان الحجاز -مصر الجديدة امام عمر افندى وان شاء الله نقدر نقدم لحضرتك خدمة متميزة ونقوم باعمال التركيب الى حضرتك تحتاجها
ودا رقم موبيلى : 01016564491