الموضوع: محاولة فاشلة لتثبيتي من اتنين أغبية

المشاركة الأصلية كتبت بواسطة husseinsalah

واضح انها هتكون سرقة بدون ما تشعر بمعنى ان المتوسكل يشاور للعربية علشان تركن ويقولك انت خبطنى او كنت هتموتنى ويقعد يهاتى ويلخمك علشان زميلة يقوم بالواجب فى تقليب العربية (موبايل نظارة مفحظة) اى حاجة يطولها من على الطابلوة .... حصلت مع واحد صاحبى اول امبارح

سمعت فعلا عن الحوار ده لكن انا بمشي قافل الازاز ماعدا اللي جنبي و احيانا بيكون نص و مبحطش حاجة لا ع كرسي او تابلوه كله في جيبي و لو نزلت باللاب برميه تحت الكرسي لحد ما اوصل

المشاركة الأصلية كتبت بواسطة hossam_elwani

لاحول ولا قوة الا بالله .. الحمد لله انك بخير

البلد بقت فوضى

بس عايز اعرف هل كمية البلطجيه دول من الى هربو من السجون فى الثوره ولا متحولين نتاج بطاله وان مفيش شغل ولا هما كانو اصلا موجودين فى الشارع المصرى بس الامن كان ملجمهم ؟؟؟

المشاركة الأصلية كتبت بواسطة m_elkhishin

هما غالبا 3*1

الله يسلمك يا باشا اعتقد ان زي ما قالك هم 3*1 فعلا كله ع بعضه و شايفين محدش بيوقفهم فطايحين براحتهم

المشاركة الأصلية كتبت بواسطة egyption2012

الحمد لله على سلامتك

قريت من يومين علي الفيس بوك
ان احد البلطجية كسر الزجاج الايمن للعربية بقالب طوب كبير وفي ثانية سرق الشنطة اللي علي الكرسي في عز الظهر

الله يسلمك
لا حول و لا قوة الا بالله مانا بقولكم في عز الضهر و متلميين حوالين العربية مبقتش فارقة بليل من بالنهار

المشاركة الأصلية كتبت بواسطة kar!m

لما بيكون في احتجاجات كتير في البلد كده .. الناس دي بتستغل الوضع و تطلع.

بس بصراحه شفت كذا كمين جامد للشرطه الفترة اللي فاتت دي .. بيوقفوا الميكروباصات .. و يشوفوا اللي فيها واحد واحد .. و أحيانا كانوا بينزلوا اللي في العربيات و يفتشوهم.

فعلا و طبعا نظرا لخوف بعض الناس فيقولك اول ما نهجم عليهم هيخافوا و يقفوا او يسلموا حااجتهم زي الاغبية بتوع امبارح
و فعلا بشوف لجان شرطة بس المشكلة مش في اللجان بس عربيات كتيير ماشيين غلط سواء معهوش رخصة و لا فيه اي حاجة غلط اول ما تشوف لجنة من بعيد او حتة العربية واقفة كتيير و مديين انتظار بيلفوا و يرجعوا او يفضلوا مركنين لحد ما الدنيا تهدي
لكن المهم الدوريات الامنية في كل المناطق و عدم التهاون ابسط حاجة تثبت ان عقبال ما حد يلحقك تحصل مصيبة ناهيك ان الواحد ياما كلم النجدةو مفيش رد او اهتمام يا باشا من كام سنة عند حديقة الطفل و احنا واقفين هناك عربيتين منهم واحدة خطف بنتين ع حوالي الساعة 8 طبعا الشباب اللي فاتحين عربياتهم طلعوا يجروا وراهم لبسوهم فوق الرصيف و احنا جرينا عليهم طلعناهم من العربية اللي طلع جري ركب في العربية التانية و جريوا و التاني مش عايز اقولك حصل فيه ايه
المهم الناس كلمت النجدة فضلنا حوالي ساعة الا ربع مستنين وصول النجدة و كل ده مكتفين الواد و متعلق ع السور لحد ما النجدة تيجي و في الاخر لقينا اتنين امناء شرطة جايين ع رجليهم قالولنا جايين من القسم مشي !!! طب فين دوريات النجدة اللي المفروض تكون منتشرة كل منطقة عربيتين تلاتة بيلفوا و اقرب عربية توصل بسرعة زي ما بيحصل في الاسعاف
بعدها بقي بكام يوم بدأت الاقي عربية النجدة بتلف كل شوية من هناكو محصلش اي حوادث خلال فترة وجودها و خاصة انها كانت طول الوقت مشغلة الانوار فاللي بيفكر يعمل حاجة هيخاف و بعدها مشوفتهاش تاني و سمعت من البعض ان حصلت بلاوي بعدها يبقي محتاجين دوريات امنية طول الوقت تلف في الشوارع مش لجان بس

المشاركة الأصلية كتبت بواسطة mahmoud_afifi

عاااااااش يا عمرو :d
اي واحد تشك فيه اخبطه ومالهوش ديّه
ربنا يسترها على الجميع

الله يكرمك يا اسديكي :)
مهو مش هنقضيها اي حد اشك فيه اخبطه برده لازم الواحد يهدي الا لو الموضوع خلاص خطر و فيها سلاح اترفع ساعتها هشوط فيهم

المشاركة الأصلية كتبت بواسطة حماده المصري

الناس مبقتش بتخاف من حاجه خااااااااااااالص

المشكلة مش ان الناس تخاف او متخفش الحمد لله محدش كان بيخاف بس المشكلة في الناس اللي بقت فاتحة صدرها ده ملوش علاقة بالخوف ده بيبقي بلطجة واحد زنق ع واحد بدون ما يقصد تلاقي وقف العربيات و الشارع و نازل يمسك فيها !!!! اهو ده اللي بيقال عليه العجب العجاب

المشاركة الأصلية كتبت بواسطة khalid_adel

الحل الوحيد للامور دي دوس بنزين عالاخر واللي يحصل يحصل المهم محدش يقف نهائي
وربنا يحفظنا جميعا

زي مقولت يا أ \ خالد لازم نكون اهدي من كده ممكن ادوس بنزين لكن اضيع ناس ملهمش ذنب انا بقول الموضوع يبقي تهويش لقيت سلاح اترفع عليك ساعتها شيل لكن برده مع مراعاة انك متأذيش غيرك
عشان كده دايما بقول اي موقف يحصل لازم يكون الشخص هادي و يفكر قبل ما يتصرف في جزء من الثانية

المشاركة الأصلية كتبت بواسطة elawany13

يارب استرها معانا
اللهم ارفع مقتك وغضبك عنا
اللهم ارفع عنا البلاء

أمييين