عايز اجيب تاكسى اتوماتيتك نظيف ومميذ محتار اجيب اية

**aboomar22** · 13-03-2013 09:04 PM

بالنسبة للاتوماتيك انا ركبت من سواق اسبرانزا وكانت شايل الموتور والفتيس ومركب موتور وفتيس اتوماتيك لانسر بومة 1600 والعربية كانت ماشاء الله ناعمة جدا وسحب ممتاز

**khaled_1263** · 13-03-2013 09:47 PM

صح واستخير

**sherifahmed** · 13-03-2013 10:25 PM

جيب اللى تجيبه
المهم هاتلو عداد احمر مش اخضر
عشان الاحمر دقيق و مفهوش غش

**tatoooo** · 14-03-2013 12:05 AM

للعم انا كان معايا bydمانيول 2013 وبعتها هى عربية مش بطالة بس طبعا مليانة عيوب لا تذكر بالنسبة لواحد متوعد على القديم بس للاسف انا كان معايا كورلا الشكل الجديد وسيراتو وياريس واوبترا ملاكى وبعتهم لظروف لانى كنت فاتح مكتب تاجير سيارات وطبعا اتعودت على الاتوماتيك وعربييات حلوة فخفت اجيب عربية غالية تاكسي معرفش اشتغل بيها فابيعها بخسارة فقولت اجرب بعربية منتشرة سهل تتباع فدلوقتى قدامى خيرات اما سيراتو او ار بى او النترا او لانسر ومحتار لان خايف اجيب عربية نظيفة اوى الناس يخافوا تكون اجرتها غالية وطبعا هاركب عداد الاحمر لان مش بيتلعب فية والزباين بتفرح لما تشوفة بس بصراحة شغالنة التاكسى دى متعبة ومقرفة اوى الا للى واخد عليها لانها بصراحة طايفة مش تماااااااااااااااااام واسالنونى وكمان شغالنة كلها مخاطر بس اية الحل واسف على الاطالة

**D . a .\ AYMAN** · 15-03-2013 01:39 AM

الإلنترا والآر بي والسراتو ... مافيش غيرهم شغال تاكسي في الوادي الجديد

الوادي الجديد عموما كل التكاسي اللى فيه عربيات جديدة وفئة عالية ... مافيش الفيرنا والكلام ده هناك خالص

**magic girl** · 15-03-2013 01:42 AM

حرام انك تجيب عربية سيراتو او ار بي تتبهدل في الشوارع، و كمان مش أمان عشان البلد مش أمن دلوقتي و الواحد بيسمع كل يوم عن كارثة شكل..
رأيي لو عايز أوتو ممكن نيو أكسنت مثلاً او لانسر بومة..