-
طلب من استاذ MMamdouh
طلب من استاذ MMamdouh :
انا عندى حاجه غريبه واتمنى انى الاقى الاجابه الشافيه عندك
انا عربيتى مانوال ... من فتره لما أكون راجع من مشوار زحمه الاقى فيه رجه لما اطلع على الاول ... بمجرد انى اقف وابطل لماده 5 دقائق تروح الرجه دى
انا مش عارف ليه الرجه دى ... مع العلم لما العربيه تكون بارده بتبقى طبيعيه جدا
ايه هيا المشكله اللى تكون بعيده عن الاسطوانه والديسك ممكن تسبب الرجرجه دى فى الاول فقط
ملاحظه اخير
انا كشفت على قواعد الماتور
ولسه من قريب مغير بوجيهات وفلتر هواء وفلتر بنزين
وكمان منضف البوابه باسبراى التنظبف
وكشفت على العربيه بالكمبيوتر وكمان اتاكدت من قرايه حساس الكرنك
مش عارف اعمل ايه تانى علشان أحل مشكله الرجرجه دى فى الاول
-
احتمال كبير الموبينة
طالما المشكلة دي والعربية سخنة بس
-
اعتقد اسطوانة وديسك بتظهر مع السخونية كانت عندى المشكلة دى في الدوجان وراحت اول ما غيرت طقم الدبرياش وااله اعلى واعلم
-
انت ليه مستبعد ( طقم الدبرياج ) من كلامك؟
-
انا كانت عندي الرجة دي بس على طول وغيرت طقم الديبرياج والمشكلة اختفت..احتمال كبير بردو يكون طقم الديبرياج عندك فيه مشكلة..انت ليه مستبعدو من كلامك؟
-
انا ليه مستبعد طقم الدبرياج من المشكله دى ؟؟!!!
علشان لما بتكون بارده ما فيه مشكله نهائى ... سافرت بيها مسافه كبيره ... ما بيحصل الرجه دى
الحاجه التانيه ... مجرد ما اركن وأبطل العربيه لمده 5 دقائق تروح الرجه دى
العربيه العزم بتاعها كويس وكمان فى السرعه لما جربتها جابت معايا 180 مستريح من غير علو صوت الماتور
لما جربت أنى اشد الهاند بريك واطلع على الرابع ... بيبقى فيه عزم ثم تبطل
الحاجه التالنه : انا كان معايا الينترا مانوال ... أول حاجه كنت بحس انها فى الطلعه صوت الماتور بيبقى عالى وبعدين رجه فى الطلعه وصوت المانور عالى ودواسه الدبرياج بقت عاليه قوى .. ولما غيرت طقم الدبرياج بقت تمام
علشان كدا انا مستبعد الدبرياج من المشكله دى !!!!
-
دى اسطوانة دبرياج
MMamdouh
-
انا منتظرك من الصبح ...
طيب اخر سوال ... ممكن يكون زيت الفتيس هوا اللى فيه مشكله ...
علشان أنا عمرى ما غيرته ولا حتى عارف أزاى يتكشف عليه
-
لا خالص... زيت الفتيس لو وحش يحصل عضة فى الغيارات
MMamdouh
-
ممكن تكون الفرامل قافشه عشان كده بتحصل الرجه لما العربيه بتكون سخنه
و لما بتبطلها الفرامل بتبرد شويه فتفك
ده احتمال ممكن يكون صح و ممكن يكون غلط بس التاكد منه سهل
Content Relevant URLs by
vBSEO 3.6.0 PL2