أكمل و أتجوز ولا يمكن بكرة ألاقى حد أحسن؟!

**شريف** · 17-03-2013 10:28 AM

المشاركة الأصلية كتبت بواسطة autotycoon

اعتقد طالما عندك احساس انك ممكن تلاقي احسن منها يبقى انت مش مستريح 100%

المشاركة الأصلية كتبت بواسطة mero100

أول لما تلاقى نفسك مش شايف غير واحدة و مش عارف تشوف, و انك لو انفصلت عنها هيبقى صعب عليك تتقبل حد تانى مكانها , يبقى اعرف انها هى دى ...

غير كده بلح. و موضوع نستنى و نشوف يمكن نلاقى احسن مش بيعجبنى لانها علاقة انسانية مبنية على مشاعر و عواطف مش مجرد البحث عن شريك جنسى و اقتصادى و مرأة ..الموضوع اكبر من كده بكتير ... اتنين اتقابلوا حبوا بعض خلص الموضوع :) :) ..

لازم تدي لنفسك فترة زمنية علشان تدرس شخصيتها لانك مش هتحب من اول نظرة يعني دة كان بيبقي في فترة المراهقة و بس

**hussein** · 17-03-2013 02:24 PM

الجواز زى العربيه المستعمله
الكويسه فيها نادره و محتاجه بحث طويل و توفيق من ربنا كبير
وحتى لو لقيت عروسه كويسه بعد فتره بتكون عايز تغير و تجيب حاجه احلى واجدد و فيها اوبشنز اكتر :))

**عابر سبيل** · 17-03-2013 02:55 PM

المشاركة الأصلية كتبت بواسطة hussein

الجواز زى العربيه المستعمله
الكويسه فيها نادره و محتاجه بحث طويل و توفيق من ربنا كبير
وحتى لو لقيت عروسه كويسه بعد فتره بتكون عايز تغير و تجيب حاجه احلى واجدد و فيها اوبشنز اكتر :))

ههههههههه ليه هو بيشتري بوتاجاز حلوه كل فتره عايزه تغيرها لاوبشنز احلى ههههه
هبقى افكر في الموضوع دا بعدين

**Ghosts** · 18-03-2013 07:08 PM

المشاركة الأصلية كتبت بواسطة شريف

لازم تدي لنفسك فترة زمنية علشان تدرس شخصيتها لانك مش هتحب من اول نظرة يعني دة كان بيبقي في فترة المراهقة و بس

و أنا هدرس شخصيتها أزاى يا شريف يا خويا من غير خطوبة؟؟!!
و خطوبة يعنى شبكة و هدايا وفسح ولو حسيت أنك مش مرتاح معاها وعايز تخلع يبقى ضاعت عليك الشبكة
أسئلنى أنا .. عملت العملة السودة دى مرة قبل كدة وأتعقدت فى عيشتى ....

**alexaway** · 18-03-2013 07:48 PM

المشاركة الأصلية كتبت بواسطة ghosts

و أنا هدرس شخصيتها أزاى يا شريف يا خويا من غير خطوبة؟؟!!
و خطوبة يعنى شبكة و هدايا وفسح ولو حسيت أنك مش مرتاح معاها وعايز تخلع يبقى ضاعت عليك الشبكة
أسئلنى أنا .. عملت العملة السودة دى مرة قبل كدة وأتعقدت فى عيشتى ....

دور حواليك يا جوست ممكن تلاقي واحده عنيك مش شيفاها بس كويسه وشخصيته جميلة وانسانه محترمة ,بس غير النضارة علشان تشوفها كويس :)

**Ghosts** · 18-03-2013 08:01 PM

المشاركة الأصلية كتبت بواسطة alexaway

دور حواليك يا جوست ممكن تلاقي واحده عنيك مش شيفاها بس كويسه وشخصيته جميلة وانسانه محترمة ,بس غير النضارة علشان تشوفها كويس :)

أزيك يا alexaway يا صديقى ....
مش باين يعنى بقالك مدة فى قسم أخوان الشارع المصرى !!!!

فى حواليا فى الشغل بنات كتير لكن المشكلة هى أنى لو حسيت أنى ميال لزميلة معينة فدة مش كفاية أنى أتقدم لها لأنى مش هتجوز شكل وبس يعنى لازم البنت تكون حلوة شكلآ ومضمونآ وعشان أتعرف على المضمون يبقى لازم خطوبة و أنت بقى عارف الباقى يا alexaway ....

**cameeron** · 18-03-2013 08:07 PM

بص يا جوست باشا انا متابع دايما حيرتك فى الموضوع ده و كنت دايما نفسى اقولك كلمتين لانى دايما شايفك على راى المسرحية القديمة و ظل يفكر و يفكر و يفكر بس صدقنى الموضوع ابسط من كده بكتير لانه ببساطة فى حاجتين و خدهم من اخوك
اولا انسى ثم انسى ثم انسى انك تلاقى واحدة فيها كل ماتتمناه ربنا ماخلقش حد كامل و خلقنا كلنا ناقصين علشان نحتاج لبعض و نكمل بعض
و ثانيا مع ظروف بلدنا و حياتنا اللى كلنا عارفنها صعب نتمسك بكامل الاخلاق و الصفات لان كلنا بنعانى و كلنا بقينا خايفن ان كلنا نطلع وحشين
ثم انت تطلب الكمال دايما و هل انت كامل كمال الكامل ماحنا برضه كرجالة فينا عيوب كتير
فبناء عليه لو دورت و لقيت بنت فيها سبعين فى المية من اللى بتتمناه يبقى اتوكل و كمل المسيرة و بلاش هسهس انها تطلع بطيخة قرعة
و طالما هتختار الصفات الاهم و هى الاخلاق و العيلة الطيبة مع شكل مقبول و ظروف وسط هتبقى فل الفل و هتعيش حياتك سعيد بجد

**alexaway** · 18-03-2013 08:11 PM

المشاركة الأصلية كتبت بواسطة ghosts

أزيك يا alexaway يا صديقى ....
مش باين يعنى بقالك مدة فى قسم أخوان الشارع المصرى !!!!

فى حواليا فى الشغل بنات كتير لكن المشكلة هى أنى لو حسيت أنى ميال لزميلة معينة فدة مش كفاية أنى أتقدم لها لأنى مش هتجوز شكل وبس يعنى لازم البنت تكون حلوة شكلآ ومضمونآ وعشان أتعرف على المضمون يبقى لازم خطوبة و أنت بقى عارف الباقى يا alexaway ....

اعتزلت السياسة يا اخويا جوست الواحد مش ناقص حرقة دم علي الفاضي

طب يعني ادامك بنات ياما اهو ,متدرس يعم وتشوف اللي تنفع تبقي زوجه ومش لازم تبقي جميلة , المهم تبقي مقبولة .

**Ghosts** · 18-03-2013 08:46 PM

المشاركة الأصلية كتبت بواسطة alexaway

اعتزلت السياسة يا اخويا جوست الواحد مش ناقص حرقة دم علي الفاضي

عندك حق ....
بس أحنا برضة عايزينك معانا ....

أنت عارف .. اليومين دول المطبلاتية بتوع الأخوان مبقوش زى الأول لأن فشل مرسى وحكومتة مش مديهم فرصة أنهم يقولوا أى حاجة ....

المشاركة الأصلية كتبت بواسطة alexaway

طب يعني ادامك بنات ياما اهو ,متدرس يعم وتشوف اللي تنفع تبقي زوجه ومش لازم تبقي جميلة , المهم تبقي مقبولة .

ماهو يا alexaway يا خويا فى بلدنا مش هتنفع الدراسة من غير ما تدبس فى خطوبة ....
و أنا أتدبست مرة قبل فى خطوبة ملهاش أى تلاتين لازمة ....

عارف يعنى أية تخطب واحدة وبعدين تقولها أنا مش عايز أكمل؟؟!!
فى أغلب الحالات الشبكة بتضيع على العريس ....