الواجا فعلا عربية محترمة

**د.هشام** · 13-03-2013 11:33 PM

انا قضيت النهار كله اليوم عند الميكانيكي
كان بداية اليوم مش ولابد، والعربية سخنة مني، ورحت للميكانيكي في ساعتين، علشان كنت مضطر اوقف العربية كل شوية علشان تبرد
المهم، بعد ما اشتريت رادييراتير جديد وركبته، الميكانيكي اكتشف ان سبب السخونة الحقيقي هو انسداد الثرموستات اللي هو ماكانش لاقيه أصلا، بعد ما عيشني في وهم ان احتمال العربية تكون جابت جوان. بس الحمد لله جت سليمة.
انا ليه بقا بقول الواجا طلعت محترمة مع انها طلعت عيني النهاردة، العربية لما كانت بتسخن كانت بتفصل لوحدها، يعني لو انت مصمم تمشي بيها وهي سخنة أو مش واخد بالك من مؤشر الحرارة (زي اللي حصل معايا) العربية حتفصل منك، انا فضلت ربع ساعة في الزحمة والعربية بتفصل مني كل ما أشيل رجلي من البنزين ومش عارف ايه السبب.
انا كنت عايز ارفع صورة الثرموستات العجيب دا، بس مش عارف