السلام عليكم يارجالة...القصة باختصار ان العفشة عموما والدركسيون خصوصا قارفنى جدا..طول ما اطلع او انزل من مطب او اكون ماشى وامسك فرامل فجأة اسمع صوت طقة وخبط حديد فى حديد قدام يمين...غير انه على السرعات العالية الدركسيون بقى اخف من الطبيعى والمسافة اللى بيلف فيها عالفاضى(البوش) زادت أوى..عملتلها كونسولتو 4 عفشجية كل واحد يفتيلى فتوى شكل لدرجة انه واحد قالى غير التيل الامامى!!! المهم اللى اقتنعت بيه ان علبة الدركسيون شيعت والحمد لله على كل حال والعربية محتاجة جلب مقص يمين..سألت فى دمشق عالعلبة الروسى الجديد ب725 جنيه ولا حول ولا قوة الا بالله وسألت عالاستيراد فى الحرفيين روسى ب250 جنيه..طقم جلب روسى جديد ب90 جنيه..طقم بيض روسى جديد بدون مشحمة ب185 جنيه..اتصلت بمركز حمدى لادا قالى ممكن اركبلك باور ب1750 شامل وتريح دماغك من حوار البارات والاتياش والخزنة والكلام الاهبل ده...بس اسمع انه مش امن وانه مبيفصلش عالسرعات العالية وانا اساسا مبشتكيش من تقل الدركسيون وبحس انه بيدى ثبات للعربية فى السفر....فأيه رأيكوا اعمل ايه؟؟؟؟؟