بعد طول انتظار....السبع بيخيرني في لون الفرش ايه رأيكم ؟

السلام عليكم اخواني واخواتي الاعزاء
باختصار علشان مش اطول عليكم بعد شهرين حجز للنيسان صني 2013 السوبر صالون يتصل التوكيل بيه ويقولي مبرووووك تعالي لستلم العربيه :_Alshmokh22[1]:

بس معلش حضرتك كنت مختار الفرش الاسود بس اللي عندنا الفرش البيج
مع العلم طبعا للي مش عارف ان اي حد بيحجز بيختار لونين وانا كنت مختار برونزي وجراي والاتنين بفرش اسود

انا زهقت خلاص من التوكيل ده (السبع) ولعلمكم انا من الناس اللي العربيه سعرها زاد عليهم 3000 جنيه
يعني كنت اشتريتها في ساعتها احسن

انا بجد محتار ونفسي قفلت من العربيه والتوكيل ومش عارف اعمل ايه

ياريت تفيدوني وتنصحوني



---------------------
تم تغيير العنوان ليدل علي محتوي الموضوع للافادة العامة
مشرف القسم ب5

ع فكره انا معايا صني شكل قديم فرش بيج وهوه شيك جدا وبيدي وسع للعربيه وممكن تعمل ارضيه وكسوه للكراسي جلد عشان سهوله التنضيف الحاجات ديه بسيطه وعايز اقلك ان في ناس حجزه العربيه من تلت واربع شهور ولسه مستلمتش وفي برضه معارض بتبيع العربيه باوفر برايس عالي جدا عن السعر الرسمي توكل ع الله لو مقتنع بالعربيه كامكانيات وتوكل ع الله وقبل ده كله اعمل صلاه استخاره ومبروك مقدما

اقتباس:

---

المشاركة الأصلية كتبت بواسطة moneim amin

السلام عليكم اخواني واخواتي الاعزاء
باختصار علشان مش اطول عليكم بعد شهرين حجز للنيسان صني 2013 السوبر صالون يتصل التوكيل بيه ويقولي مبرووووك تعالي لستلم العربيه :_alshmokh22[1]:

بس معلش حضرتك كنت مختار الفرش الاسود بس اللي عندنا الفرش البيج
مع العلم طبعا للي مش عارف ان اي حد بيحجز بيختار لونين وانا كنت مختار برونزي وجراي والاتنين بفرش اسود

انا زهقت خلاص من التوكيل ده (السبع) ولعلمكم انا من الناس اللي العربيه سعرها زاد عليهم 3000 جنيه
يعني كنت اشتريتها في ساعتها احسن

انا بجد محتار ونفسي قفلت من العربيه والتوكيل ومش عارف اعمل ايه

ياريت تفيدوني وتنصحوني

---

بص ياباشا ماتزعلش عند حضرتك 3 اختيارات
1-انك ترضى باللون وتشوفوا فى الواقع على العربية قبل ماتقول نعم او لا علشان ساعات الفرش الفاتح بيكون احسن على لون العربية الخارجى لازم تشوفو بعينك
2-حضرتك تروح السبع وتعملهم مشكله وتعلى صوتك وتهددهم انك هتعمل شكوى وتبعت ايمبل لشركه نيسان فى اليابان وبعد كده هتلاقى نيسان فى مصر بيكلموك وبيتبعوا معاك
3-حضرتك تروح تحجز مع اوتو ايجيبت بس للاسف هتستنى كتير او حضرتك تشترى بسعر الاوفر برايس وانا مش مرجح الحل دة
بس على العموم كل تاخيره وفيها خيره
والعربيه تستاهل انك تستنى شويه بالتوفيق
تحياتى..

نسيت اسألك هما فى السبع كتبولك على الوصل الاستلام بحد اقصى 3 شهور وبالسعر المعلن ولا ايه

يابااشا هلل يعقل إنك تزهق من العربية عشان الفرش بتاعها
قول كلام غير ده
اومال الناس اللي بتستلم العربية وتلاقي فيها مشاكل تخليها رايحة جايه عالتوكيل تعمل إيه
ياباشا الفرش البيج جميل جدااااا وبيوحي بوسع العربية
ولو مدايقك ممكن تفرش العربية عند الحاج أحمد مشعل باللون اللي انت عايزه وكانه فرش الفابريكة
احسن بصراحة من التظار مرة اخرى ومتضمنش السعر ساعتها

أنا بفضل الفرش البيج الحقيقة و ده اللي عندي في التيدا بس طبعا ديه أذواق لو حضرتك مش عجبك لون الفرش اتصل على نيسان مصر و اعمل شكوى في المعرض ده و هم هيوفرو عربية باسمك باللون والفرش اللي إنت عايزه
و مبروك مقدما

روح الاول شوفها وبعدين قرر

حصل نفس الموقف معايا في اوتوايجيبت و جت فرش بيج و عرفت بعد ما دفعت الفلوس ،، بس عجبني اللون و استلمتها و الحمدلله

ابقا اعمل فرش جلد بلون الي انتا عايزة او لو انتا من النوع الي بيحب الا يتنازل غير الماركة كلها ادب ليهم بس واجهم الاول وكلمهم وقول انا متفق على لون محدد او تسامح واقبل الواقع

حتي لو هتستلمها
طلع عنيهم زي ما خلوك تستناهم شهرين وزدوا عليك 3 الاف
المهم غلس عليهم

الفرش البيج بيعطيها وسع داخلي و ما بيبانش فيه التراب و كمان ما بيسخنش الفرش زي الاسود و لذلك هو عملي اكتر عن تجربه. انا جربت قبل كده اللون الاسود و حاليا الرمادي و بصراحه الوان مش عمليه و بيبان فيهم التراب خاصه لو عند حضرتك اطفال هتلاقي نفسك عايز تغسل العربيه كل يوم بسبب آثار احذيتهم علي الفرش و ده من وجهه نظر العمليه أما بالنسبه لو كان اعتراض حضرتك عليه لان ذوقه مش عاجبك فدي تبقي حاجه تانيه