بعد طول انتظار....يا فرحه ما تمت

السلام عليكم اخواني واخواتي الاعزاء
باختصار علشان مش اطول عليكم بعد شهرين حجز للنيسان صني 2013 السوبر صالون يتصل التوكيل بيه ويقولي مبرووووك تعالي لستلم العربيه :Ta_clap[1]:

بس معلش حضرتك كنت مختار الفرش الاسود بس اللي عندنا الفرش البيج
مع العلم طبعا للي مش عارف ان اي حد بيحجز بيختار لونين وانا كنت مختار برونزي وجراي والاتنين بفرش اسود

انا زهقت خلاص من التوكيل ده (السبع) ولعلمكم انا من الناس اللي العربيه سعرها زاد عليهم 3000 جنيه
يعني كنت اشتريتها في ساعتها احسن

انا بجد محتار ونفسي قفلت من العربيه والتوكيل ومش عارف اعمل ايه

ياريت تفيدوني وتنصحوني

شوف غيرها ..كراي

أنا رأي الشخصي إن الفرش البيج بيتبهدل وبيبقع بسرعة رهيبة ولونه مزعج جدا في النهار
بعكس الأسود أشيك وبيفضل لسنين طويلة محتفظ برونقه وهادي ومريح للعين
أنا عارف إنك متحمس للعربية الجديدة ونفسك تستلمها بأسرع وقت بس نصيحة متتنازلش عن حقك عشان ميبقاش لا قدر الله ميبقاش في ندم بعد كده

علي فكرة كدة كدة حضرتك هتعمل فرش فيما بعد انا من رايي تستلم العربية و تفرح و تستمتع بيها و حكاية الفرش دي سهلة اللي خلاك تدفع 3 الف زيادة ممكن كنت اسنلمت و عملت فرش اسود ب 1000 جنبة مش عارف كلامي هيعجبك و لا لا بس ده رايي وحضرتك ليك الاختيار
اخوك مينا والف مبروك للعربية

الف مبروك وربنا يبارك لك فيها ويكفيك شرها والفرش البيج له مزاياه برضة

أنا حصل معايا العكس في الانترا. حجزت البيج و جابولي أسود. الصراحة أحلي و أشيك بكتير و كمان بيستحمل التراب. و حكاية الفرش ما لهاش لازمة مع الأسود طالما بتحافظ عليه و تهتم بنظافته.

الفرش البيج شكلا تحفه و بيدي وسع و بيخلي الصالون شبه البي ام
بس للاسف الوساخه بتلزق فيه ولا اجدع كار كير بتعرف تنضفه و هتقعد متعكنن كل ما تبص عليه و انت سايق

ركب كسوة جلد لونها اسود

اقتباس:

---

شبه البي ام

---

حلوة

لو مكانك .... هستلم و مش هيفرق معايا لون الفرش ... البيج شيك برضه

لو أزواق : يبقى كل واحد و اللون اللي يحبه و اللون البيج جميل ,
لو عملي : يبقى الاسود لأنه هيستحمل التراب و البهدلة ,

انا عن نفسي بميل للون العملي (الرمادي).