السلام عليكم ورحمة الله وبركاته
امبارح طلبت شركة المنصور على 16424
عشان احجز ميعاد صيانة 1000
فسألتنى الموظفه عربيتك نوعها ايه
قلتلها اوبترا 2008
قالتلى لأ مفيش صيانة 1000 الصيانه من اول 5000
مع ان انا معلوماتى ان اغلب العربيات ليها صيانة 1000
هل الكلام ده صحيح ولا ايه ؟
ارجو الرد من اى حد عنده المعلومه مؤكده
ومشكورين مقدما
فعلا أول صيانة في توكيل منصور هي 5000
و علي فكرة مش الاوبترا بس و الافيو كمان هي الصيانة عندهم بتبدأ من 5000 و بيبقي حطين زيت في العربية تمشي علية لغاية ميعاد صيانة 5000
الكلام ده فى اغلب الغربيات المتقفلة فى مصر بس الاوبترا تقفيل كورى و فعلا كلامه صح اول صيانة فى 5000 كيلو
مشكورين وجزاكم الله خيرا
يا جماعة الاوبترا ليها صيانة عند 1000 تغيير زيت فقط اللي هو زيت التليين حتى في الكوري. والكلام ده من وكلاء غير منصور في السعودية والامارات
لو زيت الموتور اللي نازل فيها مش تخليقي يبقى مش مفضل انة يمشي ال5000 كيلو بتوع التليين بدون مايتغير
طب واحنا نتأكد ازاي من كده غير ان التوكيل الصيانه عنده تبدأ من 5000 كيلو
ده مش ثقه في التوكيل طبعا لكن مش معقول توكيل بالحجم يضحي بسمعته او حجات تانيه بالشكل ده علشان مجرد صيانه زياده
ايوه صح كلامك منطقى برضه
الاوبترا صيانه من 5000 كيلو ثم 1000 ثم 15000 زود 5 الاف كيلو كل مره وروح اعمل صيانه
مشكوووووووور