يا جماعة انا بسوق من غير رخصة ف عايز اعرف لو اتمسكت هيحصل في ايه وكمان عندي 19 سنة
عرض للطباعة
يا جماعة انا بسوق من غير رخصة ف عايز اعرف لو اتمسكت هيحصل في ايه وكمان عندي 19 سنة
ما تروح تطلع رخصة و تحترم نفسك احسن ما حد يوقفك فى لجنة ولا حاجة و يعملك مشكلة
منا عايز اعرف بقي هيعمل ايه هياخد العربية يحجزها ولا هياخدني انا ولا ايه ولا لو لقيت لجنة اهرب باالعربية وخلاص
غالبا غرامة وحبس
غرامه 50 جنيه
يعنى أية اهرب بالعربية وخلاص
على أساس ان الحواجز اللى موجودة فى الكمين مصنوعة من الكرتون
غرامه و ممكن حبس لا قدر الله ،،، طلع رخصه و ريح دماغك
غرامة وبإذنك يارب حبس
قولوا آميييييين
هو فعليا ... تسوق بدون رخصة مثل سواقتك برخصة .... و فى الحالتين اسمها بأعرف أحرك العربية ... لكن السواقة شيئ آخر لم نعرفه فى مصر.
لكن، لو اتمسكت فى لجنة أكيد سيطبق عليك القانون، و المصيبة لا قدر الله لو كنت طرف فى حادث سواء كنت أنت المخطئ أو المظلوم فيه، فموقفك أكيد سوف يكون ضعيف، و لو حاولت الهرب و أتمسكت فمؤكد أن الناس سوف تعتبرك سارق السيارة و تحاول الهرب (لأن من المؤكد أن ليس معك توكيل بالقيادة)، و هنا أنت و نصيبك من الناس التى قد تمسك بك و يتعاملوا معك من مفهوم أنك حرامى سيارات.
النصيحة استخرج رخصة القيادة... الامتحان تافه بمعنى الكلمة و ممكن طفل بسيارة لعبة كهرباء ينجح فيه.
شكرا علي الافادة
اكيد بهزر طبعا يا ابويوسف
ان شاء الله هيحصل قريب
امييييييييييييييييييييين
بس ايه اللي مضايقك اني بسوق من غير رخصة مخليك تدعي عليا مش معني ان معني معيش رخصة اني مش بعرف اسوق او بسوق غلط او ماشي بمبدئ سواقين التكاتك الحمد الله سواقتي محترمة وهادية والحمد لله كل اللي بيركب معايا بيشهدلي بكده
شكرا جدا علي المعلومة و ان شاء الله هروح اطلعها بس الظابط اللي في المرور اللي انا تبعه رخم مستني بس التلت شهور دي ادخل الجامعة واطلعها من مرور الجامعة هيبقي اسهل
طب ايه المشكلة انك تطلع رخصة وتمشي صح
الناس اللي داخلة تنتقدني وتقولي احترم نفسك وتدعي عليا
اولا موضوع السواقة من غير رخصة ده مش بيحصل كتير لان العربية دي عربية والدي وغالبا بتكون معاه هو علطول بس ده مايمنعش اننا بتجيلي فترة باخدها وبتفضل معايا وقت واوقات مش بشوفها خالص ده مش معناه اني كل يوم رايح جاي بيها من غير رخصة وبعدبن انا غلطت اني سالت السؤال كده المفروض كنت اسال عن الاجراء القانوني ضد اي حد سايق من غير رخصة بدل ما اقول اني بسوق من غير رخصة فالي يعرف يقول زي الناس المحترمة ما قالت ولو عندو نصيحة يقول برضو عادي ما قالت ميعرفش يكتب الله اعلم (وربنا يهديك) وكفاية كده
بص يا بلدياتى ,,,,,,, استنى و طلعها من مرور الجامعة احسن بلاش مرور مرور منقباد
و ع فكرة الامتحان سهل جدا , لو انت بتسوق جديد بلاش تمتحن بالشاهين , دور ع اى عربية صغيرة احسن
أقولك ليه
لما شاب ابن ناس ومتربي كويس زيك يخالف القانون والموضوع بسيط ومايستاهلش يبقى الرادع الوحيد هو تطبيق عقوبات القانون اللي انت مخالفه عن طيب خاطر
بسواقتك من غير رخصة فرقت إيه عن اللي بيسوق مكروباص أو توكتوك؟ من غير محاولة إهانتك بتكلم بجد انت فرقت إيه عنه؟
يعني بدل ما نشوف حلول للبلاوي اللي على الطريق نزود مشاكله. هو إحنا بنتقدم ولا بنتأخر
راجع نفسك ومتطلعش بالعربية إلا لو معاك رخصتك
تمام يا معلم سواق الميكروباص معاه رخصة وانا معيش بس انا بمشي صح عنه احنا كده دخلنا في اخلاق السواقة مش الرخصة ما اللي معاهم رخص كتير بس في واحد عنده اخلاق وهو بيسوق وبيعمل الصح من غير ما يكون في لجان ولا مرور وناس تاني مش بتيجي غير اللي بالعين احمرا لازم يكون في شد عشان يربطوا الحزام وميعكسوش الطريقة الموضوع ده غلط في الناس سواء معاهم رخصة او مش معاهم
الصح واضح والغلط واضح، وعقلك في راسك تعرف خلاصك
الناس نصحتك كلها بنفس النصيحة
شوف انت عايز تعمل إيه
بغض النظر عن الحبس والغرامه انت عارف ان لوواحد سكران وماشي عكس وفيه كل مشاكل الدنيا وخبطك هتكون انت الغلطان لانك في نظر القانون مبتعرفش تسوق ................................
لو رخصة العربية معاك هتدفع مخالفة 50 جنيه
لو مش معاك هيكشف على العربية لو مسروقة و هيطلب منك رقم بطاقة صاحب العربية و اسمه و قرابتك ليه و برضه هتدفع 50 جنيه غرامة
يا معلم كان زمانك طلعت رخصة
هو الناس بتتكلم جد
مخالفة سواقة من غير رخصة قيادة 50 جنيه ؟؟
عشان كده احنا بلد محترم فعلا !!!
روح تطلع رخصة...
انتا ممكن تمشى من غير رخصة سنيييييييييييين و متتمسكش حظوظ الدنيا