لون يليق على البرونزى؟

ساعدوني فى اختيار لون فرش ..لان لون العربية برونزي وانا متلخبط اية اللون اللى يليق علية؟ ولو فى حد معاه نفس اللون وعمل فرش يا ريت يفيدني

اقتباس:

---

المشاركة الأصلية كتبت بواسطة haitham fares

ساعدوني فى اختيار لون فرش ..لان لون العربية برونزي وانا متلخبط اية اللون اللى يليق علية؟ ولو فى حد معاه نفس اللون وعمل فرش يا ريت يفيدني

---

أسود .. سادة .. جلد ويكون منقوش ..

جينز كارز .. عند الحج أحمد هيجبلك المفيد

أنا فرشتها كلها أسود من عنده .. في منتهى الشياكة

بيج طبعا يا جميل

اقتباس:

---

المشاركة الأصلية كتبت بواسطة haitham fares

ساعدوني فى اختيار لون فرش ..لان لون العربية برونزي وانا متلخبط اية اللون اللى يليق علية؟ ولو فى حد معاه نفس اللون وعمل فرش يا ريت يفيدني

---

توكل على الله اسود

اقتباس:

---

المشاركة الأصلية كتبت بواسطة abdulmoniem

أسود .. سادة .. جلد ويكون منقوش ..

جينز كارز .. عند الحج أحمد هيجبلك المفيد

أنا فرشتها كلها أسود من عنده .. في منتهى الشياكة

---

الاسود فخامه بلا حدود وياسلام لو جلد ساده والخياطه بتاعت الكراسى لون تانى تمام اوى
وطبعا الحج مشعل المعلم الكبير

اقتباس:

---

المشاركة الأصلية كتبت بواسطة ghmn717461

بيج طبعا يا جميل

---

البيج جميل بس مع البرونزى
اعتقد ان اللون محتاج فرش يقفل العربية شويه

البيج بردة هيبقة جااامد

مشكلة البيج إنه هيبان علاطول مش نضيف .. وأي لون فاتح كدة للأسف.

اعتقد اسود

انا عملت الفرش بيج .. عند الحاج أحمد مشعل وطالع فى منتهى الشياكه .. وطبعا الحج أحمد وانا بستلم العربيه افادنى كتير فى عمليه تنظيف الفرش فهو فى منتهى السهوله .. متخفش منه انا معايا اطفال ومع ذلك الفرش نظيف جدا وعمليه تنظيفه سهله .. فوطه ناعمه وسائل صابون يفضل نوع جيد طبعا وبعدين فوطه اخرى بماء بدون اى اضافات يبقى الفرش كانه لسه جديد .. لون عربيتى برونزى ..
على فكره مدى وسع للصالون وراحه غير عاديه ... ألف مبروك وربنا يوفقك

علشان تقرر لون الفرش، الاهم من لون العربية لون التابلوه، يعني لو التبلوه اسود يبقى الفرش على اسود، ولو التابلوه بيج، يبقى الفرش على بيج.
وطبعا الفرش حيبقى أشيك لو لونين، أو التطريز لون مختلف

لو الموضوع محير بالنسبه لحضرتك ريح دماغك و هات لون الفرش الأصلي اللي جايه بيه و بكده تضمن انه يبقي ماشي مع بقيه العربيه

اقتباس:

---

المشاركة الأصلية كتبت بواسطة د.هشام

علشان تقرر لون الفرش، الاهم من لون العربية لون التابلوه، يعني لو التبلوه اسود يبقى الفرش على اسود، ولو التابلوه بيج، يبقى الفرش على بيج.
وطبعا الفرش حيبقى أشيك لو لونين، أو التطريز لون مختلف

---

كلام سليم تماما
بؤيد حضرتك فيه

اقتباس:

---

المشاركة الأصلية كتبت بواسطة د.هشام

علشان تقرر لون الفرش، الاهم من لون العربية لون التابلوه، يعني لو التبلوه اسود يبقى الفرش على اسود، ولو التابلوه بيج، يبقى الفرش على بيج.
وطبعا الفرش حيبقى أشيك لو لونين، أو التطريز لون مختلف

---

ده كلام سليم جدا .. كمان لازم تعمل الفرش ماشي مع لون التجاليد .. أنا عربيتي برونزي وجبتلها فرش أسود .. بصراحة أنا شايف إن اسعار جينز كار عالية شوية .. أنا جبت فرش نضيف جدا اسمه النوران .. المحل بتاعه في التوفيقية بس في ممر كده وتطلع دور تاني وحركات .. صعب جدا يتوصف .. النوران ده من أحسن وأغلى فرش السيارات اللي في مصر .. عاملين فرش للنيو صني فيه أسود سادة وفيه أسود في رصاصي .. وكنت شاريه ب 850 جنيه ، وركبت أرضية جلد للعربية من أحسن الأنواع عند سروجي أخد فيها 400 جنيه مع تركيب الفرش يعني الموضوع كله كلف 1250 جنيه ..