بص هى الاسعار اكتر من كدا شويه, انا كنت بدور فى الحوار دا ولقيت الاتى:
1- مدرسه روتس(roots) فى حى السفارات بس غاليه قوى بس دى افضلهم فى اللغه والتعليم.
2- مدرسه منارة هليوبوليس سعرها معقول فى حدود 9 الاف واللغه فيها حلوة., ودى ورا المنهل.
3- مدرسه مصر 2000 ( مدرسه نرمين اسماعيل) ودى فى اخر مصطفى النحاس وليها فرع فى التجمع , فرع التجمع اكبر وفيه لغات غير الانجليزى ( المانى و فرنساوى و ig) , سعرها فى حدود 10 الاف و مستواها حلو فى الانجليزى. المدرسه مشتركه بس منفصلين فى الفصول.
4- مناره الايمان ودى تقريبا ذى منارة هليوبلس فى المصاريف ومستوها تقريبا اقل منها حاجه بسيطه ,وبردوا مشتركه ومنفصلين فى الفصول , بيهتموا بالناحيه الدينيه .
5- فيه فيوتشر بس محدش شكر فيها.
فى بقى مدارس مشهوره قوى بس فى التجمع زى المصريه و الغريانى.
انا عن نفسى مقدم لبنتى فى مصر 2000 فرع مدينة نصر علشان هو الاقرب بالنسبالى.
المشكله اللى فعلا واجهتها انك تلاقى وانت بتدور على النت ناس بتشكر جدا فى المدرسه وناس بتسب وتلعن , اما كنت حتجنن, بس بصراحه غالبا هو الاساس لازم يكون فى المتابعه من البيت نفسه يعنى لو المدرسه حلوة جدا والبيت مش متابع بيطلع الطفل ضعيف ولو المدرسه مش قوى والبيت متابع الطفل بيكون كويس , فاعتقد هو الاساس فى البيت.
المفضلات