منصور فرع مصر الجديدة قسم المبيعات
السلام عليكم
في موقف كده حصل معايا والحمد لله عدا علي خير
اشتريت افيو 2008 مستعملة ماشية 2000 كيلو وبعد شهر اكتشفت ان الضمتن مش معا العربية ولما كلمت الراجل صاحب العربية طلع مشتريها من واحد تاني بتوكيل واللي اشتراها منه كان شاريها من معرض ورجعها تاني ، كان مزنوق في الفلوس والراجل اللي انا اشتريتها منه اشتراها من المعرض ، يعني عملية معقدة شوية ، المهم صعب يوصل لصاحب العربية الاصلي ، المهم فكرت اعمل ايه ، كلمت الرقم المختصر لمنصور شيفرولية ، ورد عليا خدمة العملاء وحكيت المشكلة وكنت قلقان اني معرفش آخد الضمان ، بس رد عليا وقلي ان حضرتك روح لأقرب مركز بيع ومعاك ما يثبت الملكية وهما هيعملو اللازم وفعلا رحت علي فرع مصر الجديدة في شارع محمد فريد متفرع من جامع الفتح مصر الجديدة ، هما 10 دقائق فقط وكنت ماشي بالضمان والكتالوج مع اني لم اطلبه منهم بس خدمة العملاء بالمركز حسوا اني معيش الكتالوج كمان 0 بصراحة ناس تمام