رخصة عليها حظر بيع و معايا مخالصة و عايز انقل الرخصة باسم اللي هيشتري مني العربية

**RamiAbbas** · 14-03-2013 08:37 PM

انا معايا كيا سيراتو 2011 كنت مقسطها من كونتاكت خلصت الأقساط كلها و أخدت مخالصة من الشركة و أقرار ألغاء التفويض و التوكيل اللي كنت عامله للشركة
المهم انا رايح يوم السبت ان شاء الله عشان اشيل حظر البيع من على الرخصة و انا عايز ابيع و المشتري موجود
السؤال بقا ازاي اعمل الرخصة الجديدة باسم المشتري علطول عشان هو قريبي و يهمني امرة فبدل البهدلة و وجع القلب يبقى اجرائات مرة واحدة و نخلص
شكرا مقدما للرد :)

**أحمد كمال** · 14-03-2013 09:57 PM

ما ينفعش

عشان تنقل ملكية في المرور لازم عقد شهر عقاري

الشهر العقاري مش هيرضى يعمل عقد و الرخصة عليها حظر حتى لو معاك المخالصة

هيقول لك روح المرور ارفع الحظر و تعالى

و بعد ما تاخد رخصة باسمك مفيهاش حظر هتبيع له في الشهر العقاري و بعدها يقدر ينقل

**أحمد كمال** · 15-03-2013 02:38 AM

المشاركة الأصلية كتبت بواسطة ramiabbas

تمام
يعني ان شاء الله يوم السبت هاروح المرور اشيل حظر البيع و يوم الاحد لو ربنا سهل و خلصت كل حاجة في نفس اليوم هاروح الشهر العقاري و اعمل عقد البيع بأسمه و بعد كده هو يياخد العقد و يروح يرخص جديد باسمه هو
مظبوط كده ؟
سؤال تاني بعد اذن حضرتك يا استاذ احمد : هل حضرتك عندك فكرة عن رسوم تسجيل العقد هتكون كام ؟

أيوة بالظبط

العقد في حدود 1400 تقريبا لسيارة 4 سلندر موديل 2011 تجميع الخارج