اسعدتني مشاركتكم. جداً جداً جداً
وكل واحد فيكم مشاء الله ليه رأي يحترم ويقدر بجد ، وببقى سعيد وانا بقرى مشاركتوا وببقى نفسي ارد على كل عضو فيكم واشكروا وايد كلاموا لولا الملامه اني معنديش كمبيوتر ومرات النيت بيبقى ضعيف جداً بس اعلمو انكم بقلبي اهلي وعشيرتي هههه :) ....
مره سمعت احد الشيوخ الي زي العسل الي بجد خطبتوا بتاعت الجمعة مكنيتش خطبة كانت زي ماتقول كده سهراية كانت لقاء الاحبة حاجة كده سبحان الله. ما اجمل خطبتوا ... المهم بيقولك ايه بيقولك الرقاصة عندما تسئل ايه يابنتي الي دفعك لطريق الرقص. ... تقولك ياعم الشيخ الظروف والي رماك على المر غير الامر منوو ... واصل امي مريضة وخالتي عيانة وابويا مش عارف ايه قعيد ... المهم تجيلها بعد سنة ولاسنتين لتوستتاب وتقلها ( اااااااالله. هو انتي يا بت لسه بترقصي ... امك لسه مخفيتش ولا ايه حكايتك ) تقوم رده عليك البت وتقولك اسكوت ياعم الشيخ اسكوووت. مش اكتشفت ان الرقص. ده رساااااالة. :)
فتقوم رادد عليها : ان اي رسالة في الدنيا بتتبعت وتتقري وخلصنا بس انتي يابت هتفضلي تبعتي في جوابات كده لحد ايمتى ... هنفضل نبعت في جوبات ورسايل كده طول عمرك ولا ايه حكايتك هههههههههههه .
وكان قصد الشيخ ان الانسان لمن توقع رجليه في الرزيله او الجشع وحتى لو كان ليه مبررات. ( اسهل شيء المبررات ) هيبقى عامل كده زي العربية الي غرزت وكل ما تدوس بانزين تغرز اكتر ومتقدرش تطلع غير لمن تيجي عربية صالحة. تيجي تسحبك من الوحلة الي انتا غرزت فيها دي :) .
لذلك احنا صعب جداً نقول لطبيب متخودش فلوس كتير وتشطب على المريض الي يمكن ميعرفش. هيكمل بقيت الشهر ازاااااي بعد ما ادالك كل الي حلتوو ... وفي ناس تلاقي مريض وفي امس الحاجة انو يروح يشوف الطبيب بس يجي يقول خليها الشهر الي جي اول ما اقبض لاني ممعيش تمن الكششششف وعلى فكرة احنا مبنتكلمش عن الفقرة والمساكين احنا بنتكلم عن الطبقة المتوسطة. الي هما مرتباتهم من اول ٩٥٠ جنية. لغايت الف او الف ونص. ... ومحدش يقلي اصل في تامين صحي. لا يا عزيزي التامين الصحي مش كل حاجة بيشلها وفي عيادات كتير غير متعاقده معاهم .
انا مثلاً تبع نقابة التجاريين ... عندك تامين الصحي الي فيها. اللهم صلي على النبي حاجة تفررررح وحاجة تشرف ليك في السنة كلهااااا والسنة بحالها. مييييييييييييييييييييه وخمسسسسسسسسسسسسسسسسين جنية كشف سنان في السنة كلهاىههههههه ده ايه التبذير ده واللهي مدلعنا بتوع التجاريين :)
ولا المعشااات. يا حبيبي. يا حبيبي على المعشات حاجة كده. تخلي البني ادم. يزغررررط علي هيخدو ... على راي استاذ عبدالجليل الله يمسيه بالخير ويشافيه يارب العالمين بقولوا هو انتا بتعمل بالمعاش بتاعك ايه يا حج. قالي ولا حاجة بروح كل شهرين اصرفوا بكرت الفيييييييزا ايتي ام. وبجيب بيه كارت شحن. للموبايل اهو بينفع برضو :) بكلم بيه العيال :)
المهم القصد اننا مش في بلد ينفع اعالج فيها الناس بمبالغ فلكية انا عارف ان اقل دكتور مصري لو سافر بره مصر الالف او الالفين جنية دول يادوبك مصاريف تلميع جزمتوا لان ايه يعني الف او الفين جنية ولا حتى الف دولار. في اليوم لطبيب مصري ... بس الكلام ده بره مصر اما داخل مصر فاغنى رجل في مصر هو غلبان .
فليه ميكنش في مؤسسة لحط حد اقصى للاجور حتى في القطاع الخاص ... ومحدش يقلي اصل الدكتور بيدفع ضاريب للدولة هههههههههه. حد جرب يروح عيادة دكتور ويطلب فاتورة ضريبية من التمرجي بره :)
ده في دكتور في المعادي كنت متابع معاه حالت الحج. زمان كان كشفو بخمسين جنية. وكان غاااالي نار خمسين جنية ليه يعني هو هيخترع الذرة. ... هوبااا بقه بستين. وبعدين بقه بسبعين. وهوبا بقة بتمنين. ... تسعين .. مية ( عارفين علبت السجاير ايام مكانت ب ٢.٥ جنية المارلبوروا الاحمر وبعدين بقت. ب
٢.٧٥ جنية
وبعدين ب ٣ جنية
وبعدين ٣ جنية وربع
وبعدين تلاته جنية ونص
وهكاذا هههههه
اهو الدكتور كان بيرفع الكشف بتاعوا كل ماعلبت السجاير تغلى ربع جنية هو يرفع الكشف بتاعوا ١٠ جنية هههههه
وتحياتي