موتسيكلات أيه بس اللي عاوز تروحها .. البلد دي أحسن من غيرها .
نقطة نظام لو سمحتم لجميع الأخوة الأعضاء .. أحنا في المنتدى بصفة عامة هنا بنتعامل مع بعض من منطلق النصح وتبادل الخبرات من خلال المناقشات اللي بتدور بينا .. وبصفة خاصة القسم الصيني ليه طابع مميز عن بقية أقسام المنتدى في النقطة دي .. فياريت مش عاوزين شوية حديد ومواتير تخسرنا بعض أو تفسد العلاقة الأخوية اللي بينا من خلال التشكيك في كلام الأخرين أو من خلال الهمز واللمز والتريقة من تحت لتحت .
ممكن ووارد جداً واحد ينفعل لمشكلة حصلت ليه .. وله كل الحق في ذلك واللي أيده في المية مش زي اللي أيده في النار .. وبالتالي بيبقى محتاج المشورة والنصح في علاج المشكلة وليس التشكيك في كلامه ..
ومن ناحية أخرى فيه ناس لو قلت على عيب في العربية يعتبرها إهانة شخصية ليه .. وينفعل في الرد .. ومن هنا تحدث المشاكل .
يا سادة كلامنا كله على عربيات مش على أخلاقيات أو علاقات إنسانية .. فيجب أن نتحلى بالحيادية في كلامنا والبعد عن الانفعال والتحيز في الرأي ..
المفضلات