الموضوع: حكايتى مع byd f3 و emgrand ec7

المشاركة الأصلية كتبت بواسطة kar!m

عمال أفكر لو جبت موتور بفتيسه و عفشة كاملة و سمكرة و دوكو للعربية كلها .. مش هتوصل للمبلغ ده.

والله يا استاذ كرم زى ما بقول لك كدة انا اشتريتها من القاهرة وسقتها لحد الغردقة زى الفل وصلت الغردقة المساعدين ضربت دورت على قطع غيار ليها مفيش غير في القاهرة صرفت 1500 في اول يوم على المساعدين طبعا الميكانيكى سافر مصر جابهم وكلة على حساب الزبون
مكنة البور غيرتها حوالى 20 مرة في 4 سنين
طرمبة المياة 3 مرات وكل دة بييجى من القاهرة في الشحن نركب تطلع مش هى نفك ونرجع في الشحن برضة وهكذا
قطعت كاتينة مرتين كل مرة بعمرة وكل مسمار فيها بييجى من القاهرة بالشحن رايح جى تفك القديم وتبعتة يرجع لك مع الجديد بعد يومين في الشحن ويطلع مش بتاعها برضة
وغيرت موتور كامل بالفتيس واتخبطت مرتين قعدت سنة ماشى بيها من غير اكسدام امامى وفانوس لانى مش لاقيهم وواحد بتاع فايبر عمل لى اكسدام شكلة زبالة رميتة
هى من الاخر عربية نحس مش اكتر من كدة علمتنى الادب فعلا
هى عربية جميلة وفخمة جدا لو متظبطة ومشدودة ولو انت في القاهرة انما في الاقاليم ترميها في الزبالة وانت الكسبان

اشكر كل الاخوة الافاضل الى شرفونى بقرائة الموضوع والمشاركات فية
انا كنت عملت الموضوع دة من فترة ونسيتة ولسة شايفة النهارضة فوجئت بعدد المشاركات والمشاهدات اشكركم جميعا
بالنسبة للسيارة امجراند 7 معى دلوقتى بقالها حوالى 8 شهور معنديش اى مشاكل فيها الحمد لله غير لمبة التشيك نورت من 10 ايام وانا مطنشها
التكييف ممتاز - الكاسيت مرضى جدا جدا الفتيس معنديش مشاكل فية الحمد لله
طبعا شوية خدوش بسيطة في الاكسدام الخلفى والباب اليمين الخلفى من لعب العيال فبرة التنك سليمة لحد دلوقتى بس انا بقفل التنك بنفسى لما بفول العربية بعد ما سمعت بحكاية الفبرة دى
مش عارف النور ضعف شوية ولا انا نظرى ضعف
انا عامل دلوقتى 5000 كم وعملت صيانة الالف في هيونداى الغردقة
العربية انتشرت بشكل كبير في الغردقة
بى واى دى كمان انتشرت في الغردقة بعد ما كنت امشى ادور عليها قبل ما اشترى دلوقتى بشوفها كتير
مرة واحدة كنت بغسل العربية لقيت 5 عربيات بى واى دى مرخصين سياحة تكلمت مع واحد منهم قال لى دة مكتب سياحة اشترى 38 عربية دفعة واحدة موديل 2014 بس موتور 1500 الجديد معجبنيش القديم اعتقد افضل وقطع غيارة متوفرة اكتر وصيانتة سهلة
في رايى امجراند افضل من حيث الشكل والكماليات والاتساع وكمان الصاج بتاعها تقيل وممحمل
اشكركم مرة تانية

المشاركة الأصلية كتبت بواسطة رمضان شوقى

محدش هيدفع 84 ألف من غير ما يكون سأل على العربية فى الشارع و مالكى العربية و من مشاركاتكم من المستحيل حد هيدخل التوكيل اواى معرض بدون ما يكون عارف و لو مش عارف النت عندة هيعرف كل صغيرة و كبيرة و بعدين يقرر و يتحمل المسئولية و كل اللى اشتراها قرأ مشاركات الدكتور عماد و الأخ ميدو و الأخ dedi ثم أقدم على الشراء علشان كده بقول أنتم بتدنوا فو مالطة فى المنتديات و ناقص عمل بوسترات فى الشاوارع تنديدا بالعربية تحت شعار تسقط تسقط جيلى و الكلام ليس هجوم على شخصكم الكريم و لكن الواقع بيقول كده بالدليل نسبة المبيعات للعربية و علشان كده بقول سيبوا الناس تتمتع بالعربية و الحافظ ربنا و الناس مش بتلاقى الفلوس و ربنا برده هيسترها و ينصرنا على التوكيل

موش عارف لية مشاركة حضرتك دى و التى فاتت حادين هو حضرتك بتنتقض اى حد يتكلم عن العربية
ماهو معروف اى حد قبل مايشترى بيقرا ويسال انا عاوز اقول لك اخى قبل مايشترى قرا عنها برة مصر فى كذا موقع و كذا بلد نزلت فيها و الناس كلها بتشكر فيها جدا و بناءا على كدة اشترى وطبعا تفاجأ بمستوى التجميع و العيوب التى لم يذكرها احد برة مصر و دة راجع لسوء الخامات التى نزلت هنا
وبعدين بوسترات فى الشوارع اية بس ياراجل احنا لسنا رجال اعمال و لا عاوزين نكسر غبور , احنا بنشرح الذى شفناة والذى عاوز يشترى يشترى هو حر ودة قرار كل انسان
انا عن نفسى موش هااشترى عربية اى كان نوعها وانا عارف بنصف هذة المشاكل انا معى لانوس موديل 2000 ومنذ شرائها لم اصادف عيب صناعة او وجع راس بها تخيل انها لسة بنفس الدوكو بتاعها . دوكو الايمى مبقع السقف مع اخى ولسة حد بيتكلم على الفيس انة غسل العربية ولقيها كلها مخربشة ومع اخى ركنها فى الغردقة 3 ايام وبعدها العربية كلها تجاريح من الرملة
ياراجل دة على الصفحة من فترة كانوا بيشكروا فيها لدرجة انة واحد كان بيقارنها بال بى ام دبليو ولا ثبات الالمانى ولا موتور اليابانى طيب بالذمة دة كلام عاقل
للمرة الالف احنا موش بنهاجم احنا صعبان علينا اغلبنا فكر فى شرائها للكلام المكتوب عنها برة وامكانياتها وشكلها الجميل وعرض العيوب لانة غبور اسم وتاريخ مايصحش يكون كدة فلما يقراوا المشاكل اكيد هايهتم ويعدل الانتاج الجديد و يهتم بالعملاء القدماء اتمنى تكون وصلت الرسالة

أنا معاى العربية دية 2014 و لو قرأت مشاركاتى لم أتحدث عنها بالأيجاب أو بالسلب هى عاملة 500 كيلو و حتى الأن بذاكر العربية كويس قبل عمل أى مشاركة و كل اللى أنا بقولوه مشاركة فعالة و ان أمكن بالصور لأقناع الناس و توضيح العيوب الفنية من ماتور و فتيس كل شئ بعيدا عن المجادلة العقيمة اذا أردتم أفادة الناس . بعض معارفك قابلهم مشاكل بالعربية أعرف أزاى الا بتدعيم المشاركة بالصور و أن أمكن طرق حلها و تفاديها أنا بقول اللى اشترى العربية أشترى و خلاص و هم فى حاجة الى مساعدات فنية لمعرفة العربية عن قرب و لا يهم العربية فى الخليج مختلفة أو لا لأنها أشياء غير مجدية و أتمنى أن أكون وصلت الرسالة فليس بينى و بينك و لا بين أى عضو شئ أنا هنا للأستفادة و ترقب العربية من قرب