الموضوع: القواعد الذهبية لاختيار زيت العربية.... موسوعة مبسطة لأساسيات زيوت المحركات

المشاركة الأصلية كتبت بواسطة tasaka

فيه حاجه كنت قريتها عن الانتقال من الزيوت المعدنيه للزيوت التصنيعيه

الزيوت التصنيعيه تحتوى على منظفات .. و هى تعمل على تنظيف الترسبات على الاويلسيلات ( المتكونه نتيجه استعمال الزيوت المعدنيه )

و ان من الخواص الطبيعيه لماده الاويلسيلات .. انها تنكمش لفتره زمنيه بعد التنظيف .. بمعنى انه قد يحدث تسرب زيت نتيجه هذا الانكماش

ثم بعد فتره زمنيه تعود لنفس حجمها الطبيعى السابق .. بمعنى ان التسريب ( لو حدث ) سيتوقف تلقائيا بعد عوده الاويلسيل لحجمه الطبيعى

يعنى حتى لو الموتور جديد و الاويلسيلات جديده .. و بدون عمل فلش .. هذه الظاهره ممكن ان تحدث ( او لا تحدث ) عند الانتقال من الزيوت المعدنيه للزيوت التصنيعيه

بصراحة المعلومة دي جديدة عليا... وتبقى ساعدتني بجد لو قلتلي مصدر المعلومة :)


...

المشاركة الأصلية كتبت بواسطة mhmd_farouq

السلام عليكم وحوش الزيوت، كنت عاوز استفسر عن طريقه تخزين الزيوت، كان معايا جركن زيت توتال، متخزن من شهر ٢ وهو انتاج شهر ١١ سنه ٢٠١٥، متخزن عند جاري في بيته وعمره ماحطه في شمس، هل استخدمه عادي ولا بلاش؟ هل التخزين ياثر على اللزوجه او خواص الزيت؟ شكراااا

معظم صانعي الزيوت بيقولوا إن زيوتهم ممكن تعيش لحد 5 سنين قبل ما تتفتح .. بشرط اتباع أسلوب التخزين السليم..

المشكلة إن الإضافات الموجودة في الزيوت بتتأثر بشدة بتقلبات الحرارة.. ومع إن أغلب صانعي الزيوت بيوصوا بالتخزين في درجة حرارة بين 5-30 مئوية.. بس حتى التقلب بين درجات الحرارة دي بيأثر على الإضافات وبيقلل من عمرها.

الرطوبة كمان سبب رئيسي في قصر عمر الزيت... لإن الرطوبة بتتفاعل مع الزيت وتكوّن جزيئات صلبة وممكن تسبب تآكل في الموتور وسدد (جزئي) في الفلتر لو كانت كميتها كتيرة... ده غير إن الرطوبة بتخلي الجراثيم تعيش وممكن تسبب عفن في الزيت.

ده بالإضافة إن بعض الزيوت بيكون فيها مضادات للصدأ... ومضادات الصدأ دي بتقلل عمر الزيت عموما حتى لو كان متخزن في ظروف مثالية... ولو تعرضت للرطوبة (اللي هي السبب الرئيسي للصدأ) فمضادات الصدأ دي هتشتغل عليها والإضافات اللي في الزيت عموما هتتأثر معاها.. وعمر الزيت يقل خالص.

الأتربة لو وصلت للزيت ممكن تكون سبب في تآكل الموتور .. لإنها بتبقى زي الصنفرة بالضبط.



يعني بشكل عام .. كل الزيوت محتاجة تتخزن في مكان نظيف وجاف في جو معتدل مفيهوش تقلبات حرارة كتير ..

وطبعا.. لو العبوة ما اتفتحتش قبل كده يكون أفضل بكتير .. علشان ده هيضمن لنا على الأقل إن مفيش رطوبة دخلت العبوة.

معنى الكلام ده إن عبوة الزيت لو موجودة داخل البيت يبقى مفيش مشاكل.. إنما لو في البلكونة مثلا.. تبدأ تقلق.


عموما.. حضرتك بتقول إن العبوة إنتاج شهر 11 سنة 2015.. يعني عمرها دلوقتي حوالي 9 شهور.. فمعتقدش إن حتى في أسوأ الظروف إن الزيت يكون اتأثر للدرجة اللي تخليك تخاف تستخدمه... إلا إذا كانت العبوة مفتوحة قبل كده.


...

المشاركة الأصلية كتبت بواسطة mhmd_farouq

تسلم يا باشا عالشرح الجميل ده. هي كانت متخزنه في الغرفه .. يعني بيشغل التكييف ساعات وساعات يقفله .. هي العلبه مقفوله وجديده ,, كده مفيش اي مشاكل من ان التكييف يبوظ اللزوجه او حاجه صح؟ شكرررا يا باشا الله يكرمك

بالضبط... كده تمام جدا ومعندكش أي مشاكل.


...