تسلم يا محترماقتباس:
المشاركة الأصلية كتبت بواسطة borio1704
اسف علي ردي المتاخر جدا لاني فرمت الجهاز واتمسح كل الباسوردات
المهم انا جربت وولف 20-50 لقيته فعلا من حيث التبريد واللزوجة قوي جدا لكن قلل سحب العربية
جربت بعده التعاون الاصفر sm زيت ممتاز بشكل فوق الوصف ومش باين عليه وقعد بنفس ادائه فوق ال 5000 ك
العربية دايو سبيرو 95
نصيحة اللي موديله معايا كدة يخليه علي التعاون الاصفر زيت محترم جدا
اقتباس:
المشاركة الأصلية كتبت بواسطة mr ramo
مفيش مشكلة وحصل خير .. ويارب تكون قدرت ترجع كل حاجة في الجهاز..
بالنسبة للزيت..
زي ما اتفقنا قبل كده .. الكتالوج هو الأساس في اختيار الزيت...
تقدر تنزل كتالوج عربيتك من هنا:
Daewoo Espero - Owners Manual
في الحقيقة الكتالوج شيء مهم جدا جدا .. وهو دليلك بجد علشان تحافظ على عربيتك بأحسن حالة لأطول فترة ممكنة..
فرجاء ما تهملوش..
خلينا نشوف كتالوج عربيتك طالب إيه..
دول الصفحتين اللي فيهم توصيات الزيت:
https://nileup.com/up/uploads/nilemo...5484164131.png https://nileup.com/up/uploads/nilemo...5484164132.png
حسب المكتوب هنا .. فتوصيات زيت الموتور كالتالي:
مستوى الأداء (الجودة)
مطابق لمستوى API SG أو أعلى
يعني تقدر تستخدم أي زيت مستواه SG أو SH أو SJ أو SL أو SM أو SN أو SN-PLUS
أو
مطابق لمواصفات CCMC G4 أو G5
المواصفات دي اتلغت من زمان وحل محلها مواصفات الـACEA من سنة 2002.. فانساها كإنها مش موجودة
اللزوجة:
الكتالوج أوصى بـ3 درجات لزوجة كلزوجات مفضلة... إنما لو ما كانوش متاحين فتقدر تستخدم أي حاجة من اللزوجات الموجودة في الصورة التانية..
خد بالك إن الزيوت الموجودة في القسم A دي اسمها زيوت أحادية اللزوجة (زيوت معدنية طبعا).. ودي ما أنصحش بيها أبدا..
أما الزيوت في القسم B فهي زيوت معدنية متعددة اللزوجة.. والزيوت في القسم C دي زيوت تخليقية
فاللزوجات هي:
20W-50 و 20W-40
15W-50 و 15W-40
10W-50 و 10W-40 و 10W-30
5W-50 و 5W-40 و 5W-30
اللزوجات باللون الأزرق هي المفضلة زي ما اتفقنا
من التوصيات اللي فوق دي واضح إن الكتالوج موسع الأمور خالص وتقدر تستخدم 90% من الزيوت اللي موجودة في السوق بدون مشاكل إن شاء الله.
________________
والكتالوج محددلك كمان فترات تغيير الزيت (في صفحة رقم 5-8 أو 77 في ملف الـpdf)...
مكتوب إنك تغير الزيت كل 10 آلاف ميل أو سنة .. أيهما أقرب
ده في الحالات "المثالية".. أما في الحلات الشاقة.. فالمفروض تغير كل 5000 ميل أو 6 أشهر.. أيهما أقرب...
والحالات الشاقة المكتوبة في الكتالوج كالتالي:
- عندما تكون معظم مشاويرك قصيرة (أقل من 6 كيلومترات)
- تشغيل السيارة لرحلات قصيرة (أقل من 16 كيلومتر) في جو متجمد (أقل من صفر مئوية)
- عندما تكون معظم المشاوير بها زحام متكرر و/أو توقف على السلانسيه لمدد طويلة
- عند التشغيل في المنطاق المتربة أو المغبرة.. أي المقصود الشوارع الترابية أو الجو اللي فيه غبار.
_________________
بالنسبة للزيوت اللي حضرتك استخدمتها
اللزوجة طبعا مسموح بيها حسب الكتالوج...
إنما واضح جدا الفرق في الأداء لإن زيت وولف GUARDTECH اللي حضرتك استخدمته مستوى أداؤه SL...
إنما زيت التعاون XPL-SM مستواه SM.. وده مستوى أعلى في الاداء وبيحافظ أكتر على الموتور.. ويكاد يكون أعلى زيت معدني في الشرق الأوسط وسط كل الماركات العالمية الموجودة..
علشان كده بنقول ببساطة إن الماركة مش معيار أبدا في اختيار الزيت... المعيار الأساسي هو مستوى الأداء.
...
اولا شكرا جزيلا وتقديرا مستحقا على جهدك ووقتك ..ربنا يجازيك كل خير...نيجى بقا للتساؤل..عربيتى بيجو 301 موديل 2014..تالت تغيير زيت ليها كان زيت 20w-50 مش 5w-30حسب الكتالوج ودا حدث بالخطا من مكان تغيير الزيت..هل اغير للنوعية الاولى حالا..وهل فى اى حاجة تتعمل قبل التغيير..العربية مشيت حوالى الف كيلو بالزيت الاخير..وشكرا على اهتمامك..العربية فى الخليج ومعروف درجة الحرارة
اقتباس:
المشاركة الأصلية كتبت بواسطة هشام الفرماوى
بدون شك إنه من الأفضل تغير الزيت في أسرع وقت..
اتأكد بس إن الزيت الجديد مطابق لمواصفة acea c3
حسب معلوماتي المواصفة دي مطلوبة في معظم كتالوجات بيجو.. ولكن لو حضرتك رفعتلنا صورة صفحة مواصفات الزيت المطلوبة من الكتالوج .. نقدر نتأكد أكتر ونشوف الزيت المناسب بناء عليه.
حضرتك مش محتاج أي احتياطات أو إجراءات مختلفة.. غير الزيت مع الفلتر.. ولما تغير حاول تثبت قدر المستطاع علشان آثار الزيت القديم تتلاشى مع الوقت.
...
كلام سليم و تسلم علي شرح نقطة الجدول دي لاني مكنتش بفهمها اوياقتباس:
المشاركة الأصلية كتبت بواسطة borio1704
انا فعلا هاكمل بالزيت دة بعد كدة طالما ماشي مع الكتالوج
وتحياتي لشخصك المحترم
موضوع ممتاز
لمشتركى المنتدى الكرام يمكنكم معرفة أسعار زيوت السيارات 2019 ومشاركيها لمن يخصكم.
لمشتركى المنتدى الكرام يمكنكم معرفة أسعار زيوت السيارات 2019 ومشاركيها لمن يخصكم.