مساء الفل على الكل
عاوز اعرف ثمن سيارات المعاقين فى بورسعيد
وكل حاجة عنها ولو فى حد عارف اسماء وعناوين تجار
انا معاى فى حدود 22 الف ومستوى اسعار السيارت كام
هل اقدر اجيب حاجة بيها
واعرف ازاى ان السيارة دها مش ملعوب فيها او مشغولة
وشكرا للكل
عرض للطباعة
مساء الفل على الكل
عاوز اعرف ثمن سيارات المعاقين فى بورسعيد
وكل حاجة عنها ولو فى حد عارف اسماء وعناوين تجار
انا معاى فى حدود 22 الف ومستوى اسعار السيارت كام
هل اقدر اجيب حاجة بيها
واعرف ازاى ان السيارة دها مش ملعوب فيها او مشغولة
وشكرا للكل
الرجاء من الاعضاء الكرام تزويدى بالمعلومات
ولكم جزيل الشكر
:rfds:
أنت جيت فى ملعبى : ابو يوسف - معوق - ومعايا عربية معاقين
أولاً : أسعار السيارات :
دايو لانوس : فى حدود 25 ألف جنيه
دايو جوليت : فى حدود 23 الى 25 ألف جنيه
دايو نوبيرا 1 : فى حدود 24 ألف جنيه
دايو نوبيرا 2 : فى حدود 27 ألف جنية
دايو لاسيتى : من 42000 حتى 45000 ألف جنيه
_________________________
كيا شوما : فى حدود 23 ألف جنيه
________________________
لافيتا ( مارتيكس ) موديا 2001 & 2002 : فى حدود 35 الى 37 ألف جنيه
ماتريكس موديل 2002 : من 37 ألف حتى 40 ألف جنيه
ماتريكس موديل 2003: فى حدود 40 ألف جنيه
ماتريكس 2005 : تبدأ من 43 ألف جنيه
________________________________________
سكودا أوكتافيا a4 : من 52000 حتى 56000 ألف جنيه
سكودا أوكتافيا a5 فى حدود 85000 ألف جنيه
سكودا فابيا هاتش باك : فى حدود 45000 ألف جنية
_________________________________________
ثانيا : المعارض
ـــــــــــــــــــــــــ ــــ
معرض كريستال :
تشترى منه وانت عينك فى وسط راسك لأنهم نصابين , وتفرز العربية كويس قوى وبذات البارومة
وهيمضيك على عقد فى بندين زى الزفت
1 - 100 صيانه ( وهو أصلاً هيديك العربية بترابها )
2- 3000 جنيه فى حالة الرجوع عن عملية البيع
العربيات اللى عنده فى حلو وأغلبها وحش
معرض أبو المعاطى :
العربيات اللى عنده حلوة نسبياً وأغلبها حالتها كويسة يعنى مش متهانة
وأسعاره كويسة مش وحشة
معرض ..... نصير :
الراجل دة عنده شوية عربيات فابريكة بس للأسف غالى
وفى الاخر أنت ونصيبك ( وعلى فكرة كل المعارض حرامية ونصابين لازم هينصب علسك فى أى حاجة )
__________________________________________________ ______________
بالنسبة للفلوس اللى معاك ( 22 ألف جنيه )
قدامك اختيارين
1- كيا شوما
2- لانوس
3 - جوليت
__________________________________________________ ___________________
بالنسبة للدهان
متخدش عربية فابريكة بمعنى ميكونش مفاهاش خدوش
يعنى أية :
يعنى عربية موديل 2002 مثلاً ومستعملة , وجاية من برة , ومفهاش ولا خدش
أكيد لأ , بيبقوا هما رشنا فى بورسعيد فى الورش اللى هناك
أهم حاجة فى العربية حالتها العامة
يعنى صاج كويس وخرابيش معقولة
فرش من الدخل مش متهان
صوت الماتور يكون هادى
البارومة أهم حاجة , يعنى لو فى بارومة تكون بسيطة , وأغلب العربيات بنسبة 90 % فيها بارومة
________________
وأتمنى لك التوفيق ,,, وانا فى خدمتك
أبو يوسف
01110336039
تقرير مهم من ابو يوسف
تقرير رائع من العضو أبو يوسف
هو فين صاحب الموضوع ؟
الف الف شكرا على اهتمامك وردكاقتباس:
المشاركة الأصلية كتبت بواسطة أبو يوسف
واسف على التاخير على الرد
انت شايف ان الواحد يستحق المغامرة
بصراحة الواحد قلقان من الموضوع دها وحالة البلد غير مستقرة
اان بافكر اصرف نظر عن الموضوع دها خالص
وشكرا
السلام عليكم
والدى كان جايب عربيه قبل كدا تبع المعاقين ودلوقتى معاه الرخصه وتمام وعدى على العربيه الخمس سنين
ودلوقتى من حقه يجيب عربيه تانيه
ياترى هو هايجيب العربيه التانيه ازاى هايلف نفس اللفه الاولى ولا ؟
وياريت الخطوات مع العلم انه معاه الرخصه وساريه كمان لخمس سنين قدام
وسؤال تانى هى العربيه دى ليها سن معين علشان يجيب العربيه يعنى لو عدى الستين من حقه يجيب عربيه ولا
ولو هايجيب عربيه نوبيرا 2 ليه هاتبقى بكام تقريبا
شكرا على هذه المعلومات
لكن اريد ان اعرف هل لازم ما يكنش العربية اللى هشتريها مر عليها اكتر من خمس سنين؟
واذا بعتهالى حد من بره لازم برضه موضوع الخمس سنين ده؟
ولك جزيل الشكر
jتقرير قوى يا ابو يوسف
غدا انا في بور سعيد ان شاء الله لشراء سيارة معاقين وربنا يسهل واقولكم على النتائج
ريح دماغك واستوردها ارخص وسيبك من بور سعيد