✲✲ ازاااي اعرف إن المطعم فيه منيمم اتشارج ولا مفهوش. !! ✲✲

✲✲ ازاااي اعرف ان المطعم او الكافية فيه منيمم اتشارج ولا مفهوش. !! ✲✲

http://sphotos-a.xx.fbcdn.net/hphoto...35422472_n.jpg

مساء الخير. ياشبابنا الحلوة والجميلة
دلوقتي هل في علامة بيحطوها المطاعم على البوابه برة ... بحيث الزبون من الشكل ومن منظر المطعم ومن على الباب من بره يعرف ان المطعم ده فيه منيمم اتشارج ولا مفهووش ... لان مرات الواحد يروح مطعم ولا حاجة ويقضيها كوبايت شاي وعصير لمون. ولمن يجي الدفتر الاسود الله يخرب بيت الدفتر الاسود بيفكرني. بكتاب الذنوب. ... ولا عارفين لمن توقع الطيارة ويجيبوا الصندوق الاسود ويعرفوا اسباب الكارثة هههههههه

فتلاقي انوا مطلوب الدفع سبعين او تمنين جنية مع انك مشربتش غير اتنين شاي اخضر بالنعناع ... ولمن تسئل عن السبب يقلك اصل في منيمم اتشارج ساعتك ... طب دفعت ودفعت هتلي بالباقي اكل بقه تيك واي ولا حطلي شوية جتوهات وطرط في علبه وهتهوملي :) اخودهم معايا وانا ماشي

فازاي الواحد يعرف المطعم ده فيه منيمم ولا مفهوش منيمم
بالذات ان في مطاعم بيعملوا فيك حركات قرعة
لمن تروح لوحدك يديك فاتورة صغيرة بخمسة ستة سبعة جنية
تروح انتا طبعاً زي البطل. تجيب مراتك وعيالك وحماتك وحماك قال يعني بقييت فييس. ساعتك
ماهو اصل الكزينو ولا الكافيه بتاع خمسة سته سبعه جنية تيجي تحاسب يقلك تلتومية او سوبعمية جنية
فازاي اقدر اعرف اذا في منيمم ولا مفيش.
وهل في شعره في بعض المطاعم والكافيهات ساعة تروح وساعه تيجي مره منيمم ومره من غير منيمم !!!
واليس من حق الزبون او العميل معرفت الموضوع ده قبل ما يطلب
ولا بتبقى بايخة لمن يجي الزبون يطلب
فيجي الجرسون يقولوا على فكرة في منيمم اتشارج يافندم ... يعني خلي بالك يافقير يا ابن الفقرة قبل ما تطلب اعمل حسابك انك هتدفع شيء وشويات هههههههه
فاطلب بنفس وخود راحتك كده كده دافع :)
افزاااااي اقدر اعرف ياشباب
ولا الواحد هيعرف بالممارسة والخبرة هههه ومن كتر مابتتفسح :)

http://t0.gstatic.com/images?q=tbn:A...LE8oZVYWpxkx4b

✲✲✲✲✲✲✲✲
وتحياتي

نظريا مفيش حاجة اسمها minimum charge i هما بيعملوا كدا عشان يحافظ على مستوى معين للمكان
بس دى محتاجة واحد عارف حقه كوبس و ميهموش اى حد و يزعق و كدا
انت روحت مكان و طلبت حاجات معينة حلو؟
مش من محق صاحب المكان ان يطلب اكتر من تمن اللى انت اخدتوا فعلا
ولو مش عجبك اطلبوا البوليس و انا مستنيهم
انا عادة مش بروح غير الcafes , و الrestaurants اللى معروف تمن الحاجة فى المنيو او الrecommended من اصحابى
او اللى ليها reviews حلوة على النت

الفكرة الوحيدة ان مستوى المكان بيكون كويس شوية علشان فى ناس اول ما بتسمع كلمة منيمم اتشارج بتخاف تخش بس من الناحية الفعلية فهو نظام فاشل

يعنى مثلا لو طلبت حاجات ب30 و المنيمم 60 مفيش غير حلين

الاول انى اسيب ال30 و امشى و طبعا هيبقى حرام عليا
ثانيا انى اخد اى حاجة بال30 جنيه و برضه موضوع مش حلو انى اطلب اى حاجة غصب عنى

اقتباس:

---

المشاركة الأصلية كتبت بواسطة sherifahmed

او اللى ليها reviews حلوة على النت

---

ممكن رابط ليها

+1111

بص ياكبير هو الموضوع بقى معروف دلوقتى ايه الاماكن اللى بتستهبل وتعمل منيموم والامكان اللى شغاله بالمنيو العادى بس عموما حصلت معايا كتير منهم مره بعد ماطلبت وجاى احاسب لاقيت الشيك جايلى 140ج برضو فى مشروبين لايتجاوزو ال25 30ج دخلت فى الويتر شمال وكلمته باسلوب حاد انه مش منطقى ابدا اشرب مشروبين ومكملتش قاعده تلت ساعه ادفع منيموم بالمبلغ ده وبعدين محدش قالى ولو حد قالى كنت قومت ومقعدتش وهكذا ...
بعدين قالى طب ثوانى يافندم اروح للمدير راح وجه قالى اوك يافندم هنحسبلك اللى انت واخده بس مع ان ده والله اول مره تحصل بس عادى مفيش مشكله
قولتله اه ياخويا خليها عليك (فى سرى طبعا ) :d
الخلاصه المفروض الويتر بيقولك فى منيموم اول ماتعد لو مقلش يشيل هو وبعدين يقه معروفه خميس وجمعه 90% من الكافيهات اللى هى مش متصنفه مش مشهوره يعنى بيبقى فى منيموم من 40 ل50
عندك جامعه الدول دول طول الاسبوع منيموم

ماهو بيني وبينكم انا ببقى عاوز اكول الزبون قلمين اول ما يقولي كده ويجبلي حساب فوق حسابوا ... وخايف اعمل الي بتقولوا عليه تيجي مراتي تقولي ايه الي بتعملوا ده انتا عاوز تفضحنا ... ادفع من سوكات وخلص وتقلب الخروجة بغم والي يجنني كمان فوق ال ١٠٪ ضريبة مبيعات. يجي يقلك ١٢٪ خدددددددددمة
لا والجرسون فوق المبالغ دي كلها الي مدفوعة وفوق ال ١٢ فالمية خدمة جي بكل بجاح مستني تديلوا تيبببس كمان
المشكلة ان في مطاعم تدفع وانتا مرتاح ومش خسارة بس في مطاعم تانية يجبلك اكل بااارد ولا بايت. ولا يحطلك عينات في طبق وساعه عقبال مايجيب الطلبات وفي النهايه يقلك منيمم اتشارج كمان :)

اقتباس:

---

المشاركة الأصلية كتبت بواسطة sherifahmed

نظريا مفيش حاجة اسمها minimum charge i هما بيعملوا كدا عشان يحافظ على مستوى معين للمكان
بس دى محتاجة واحد عارف حقه كوبس و ميهموش اى حد و يزعق و كدا
انت روحت مكان و طلبت حاجات معينة حلو؟
مش من محق صاحب المكان ان يطلب اكتر من تمن اللى انت اخدتوا فعلا
ولو مش عجبك اطلبوا البوليس و انا مستنيهم
انا عادة مش بروح غير الcafes , و الrestaurants اللى معروف تمن الحاجة فى المنيو او الrecommended من اصحابى
او اللى ليها reviews حلوة على النت

---

منين صحيح ياباشا الرفيو والتقيم بتعها ده. وياسلام لو في لسته بالاسعار.
اما بالنسبة للوبليس. معتقدش انوا ممكن يجي علشان منيمم اتشارج ما انتا عارف حضرتك الشرطة في خدمة الشعب :)

بتكون ع حسب المكان لكن المفروض بيخيرك منيمم تشارج و لا منيو
مثلا في الرحاب بدون ذكر اسماء سالني حضرتك تحب منميم تشارج و لا منيو
في جميع الحالات لما تدخل ممكن تسأل او تطلب القايمة اللي فيها الاسعار و تطلب جيه في الاخر يقولك منميم تشارج و متشرجش قوله مليش فيه انا متفقتش ع منميم تشارج من الأول و تدفع تمن اللي طلبته بس و بهدل الدنيا قول روح قول المدير اني مش هدفع غير تمن اللي طلبته
لأنها مش عافية و لا بلطجة يدفعك فلوس ع الفاضي بياخدوها في جيبهم في الاخر لو مطلبتش بيهم حاجة
و الأفضل قبل ما تروح اي مكان تسال عنه و ده غالبا اللي بعمله قبل ما اروح مكان يعني المكان نظامه ايه و الخدمة و الجودة مبحبش اروح اي مكان عمياني

لو رايح و معاك ناس ...علشان تتجنب الاحراج تجيب نمرة تليفون المكان و تتصل تسال قبل ما تروح

المنيمم ده اختراج مصري لو رحت ارقي كافيه في دبي او اي بلد في اوروبا و طلبت كوباية شاي مش حتحاسب غير عليها بسعر المنيو

يعني اية مينيمام اتشارج ؟!؟ بجد والله

هو طبعا يا فندم حتى لو حضرتك روحت لحد المكان و ال waiter قالك على فكره فى minimum charge و كان مع حضرتك حد او حتى لوحدك هيبقى الموضوع محرج جدا انك تمشى و لذلك فى الاغلب هنضطر تقعد و امرك الى الله بس الموضوع ده هيبقى مضايقك و لذلك افضل حاجه لو رايح مكان جديد ان حضرتك تعرف معلومات عن المكان و العنوان و يبقى معاك رقم التليفون تتكلم تستفسر منهم عن موضوع ال minimum charge ده براحتك قبل ما تروح و فى موقع مشهور حضرتك تقدر تدخل عليه هو Cairo dining - dining
و ده هتلاقى عليه المطاعم و الكافيهات ولو عجبك واحد ممكن تدور بأسمه على جوجل هتعرف اراء الناس فيه

لو حضرتك عايز ال menus بتاعه المطاعم دى بقى ممكن تلاقيها و معاها reviews على
Cairo Restaurant Menus - Egypt | elmenus.com

السؤال مش عيب

تسلم يا لاند يا حبيبي جبت من الاخر بس عيب الموقع بتاعك بالانجليزي وانتا عارفني ثقافتي تيواني :)

اقتباس:

---

المشاركة الأصلية كتبت بواسطة m07amed.

يعني اية مينيمام اتشارج ؟!؟ بجد والله

---

المنيم اتشارج ده. لو عرفتوه هتبقووو عومد هههه اومال انا بقيت. عومدة تويوتا ازاي :) ههههه

بص ياسيدي الفاضل المنيم اتشارج ده علشان ناس كتير بيخوشوا ويطلبوا كوبايت شاي يقعدوا يخمسوا بيها ويقعدوا من اول النهار لاخرررر النهار على كوبايت الشاي دي ... فلذلك اي حد يخوش يقعد طلب مطلبش يبقى لازم يدفع مبلغ معين حتى لو كان معدي يسلم على صحابوا وخد بعضوا ومشي

انا اعتقد بعد اخر مقابلة على القهوة. الي قدام حبايب السيدة
اعتقد ان القهوة دي هيبقى فيها منيمم اتشارج هههههه كلنا هجمنا على الكراسي وقعدنا قعدنا ان حد يطلب كوباية شاي ولا حتى كوباية يانسون فشغلنا المكان والطلبات كانت قليلة :)

اقتباس:

---

المشاركة الأصلية كتبت بواسطة tamerosman

لو رايح و معاك ناس ...علشان تتجنب الاحراج تجيب نمرة تليفون المكان و تتصل تسال قبل ما تروح

المنيمم ده اختراج مصري لو رحت ارقي كافيه في دبي او اي بلد في اوروبا و طلبت كوباية شاي مش حتحاسب غير عليها بسعر المنيو

---

اقتباس:

---

المشاركة الأصلية كتبت بواسطة Amr Axel

بتكون ع حسب المكان لكن المفروض بيخيرك منيمم تشارج و لا منيو
مثلا في الرحاب بدون ذكر اسماء سالني حضرتك تحب منميم تشارج و لا منيو
في جميع الحالات لما تدخل ممكن تسأل او تطلب القايمة اللي فيها الاسعار و تطلب جيه في الاخر يقولك منميم تشارج و متشرجش قوله مليش فيه انا متفقتش ع منميم تشارج من الأول و تدفع تمن اللي طلبته بس و بهدل الدنيا قول روح قول المدير اني مش هدفع غير تمن اللي طلبته
لأنها مش عافية و لا بلطجة يدفعك فلوس ع الفاضي بياخدوها في جيبهم في الاخر لو مطلبتش بيهم حاجة
و الأفضل قبل ما تروح اي مكان تسال عنه و ده غالبا اللي بعمله قبل ما اروح مكان يعني المكان نظامه ايه و الخدمة و الجودة مبحبش اروح اي مكان عمياني

---

فكرة حلووووووة :)

cairo360

عيش يا تويوتا
قصدى يارس

اقتباس:

---

المشاركة الأصلية كتبت بواسطة Y a r i s

المنيم اتشارج ده. لو عرفتوه هتبقووو عومد هههه اومال انا بقيت. عومدة تويوتا ازاي :) ههههه

بص ياسيدي الفاضل المنيم اتشارج ده علشان ناس كتير بيخوشوا ويطلبوا كوبايت شاي يقعدوا يخمسوا بيها ويقعدوا من اول النهار لاخرررر النهار على كوبايت الشاي دي ... فلذلك اي حد يخوش يقعد طلب مطلبش يبقى لازم يدفع مبلغ معين حتى لو كان معدي يسلم على صحابوا وخد بعضوا ومشي

انا اعتقد بعد اخر مقابلة على القهوة. الي قدام حبايب السيدة
اعتقد ان القهوة دي هيبقى فيها منيمم اتشارج هههههه كلنا هجمنا على الكراسي وقعدنا قعدنا ان حد يطلب كوباية شاي ولا حتى كوباية يانسون فشغلنا المكان والطلبات كانت قليلة :)

---

الف شكر :)

اقتباس:

---

المشاركة الأصلية كتبت بواسطة tamerosman

لو رايح و معاك ناس ...علشان تتجنب الاحراج تجيب نمرة تليفون المكان و تتصل تسال قبل ما تروح

المنيمم ده اختراج مصري لو رحت ارقي كافيه في دبي او اي بلد في اوروبا و طلبت كوباية شاي مش حتحاسب غير عليها بسعر المنيو

---

من الممكن ان ده بسبب ثقل بعض الزبائن
يعني يطلب فنجان قهوة ويبقى جالس مسترخي نص يوم ولا يوم كامل وهو حاجز طاولة لوحده يعني طرابيزة
في اي دولة اوروبية يطلب منك بعد مرور مدة معينة تجديد الطلب والا افساح المكان لزبائن اخرين

هو الموضوع ده موجود برة مصر بس لسبب مفنع ... يعني تكون قاعد في مكان بيعرض حاجات مسلية حد بيعزف او بيغني اي عرض و السلام .... او ان يكون فيه حاجات مجانية ... زي بعض البارات بتقدم المشروبات الغازية ببلاش فمش معقول اروح واقهد اعبب في كولا و سفن و مدفعش حاجة واروح ...

انما هنا في مصر ملهاش اي لازمة ... تخش كافيه فاضي اصلا ولا فيه حاجة مجانية ... و ماتش برشلونة شغال وهم معندهمش اشتراك و يقوللك منيمم .....

اقتباس:

---

المشاركة الأصلية كتبت بواسطة samehafez

هو الموضوع ده موجود برة مصر بس لسبب مفنع ... يعني تكون قاعد في مكان بيعرض حاجات مسلية حد بيعزف او بيغني اي عرض و السلام .... او ان يكون فيه حاجات مجانية ... زي بعض البارات بتقدم المشروبات الغازية ببلاش فمش معقول اروح واقهد اعبب في كولا و سفن و مدفعش حاجة واروح ...

انما هنا في مصر ملهاش اي لازمة ... تخش كافيه فاضي اصلا ولا فيه حاجة مجانية ... و ماتش برشلونة شغال وهم معندهمش اشتراك و يقوللك منيمم .....

---

هو احيانا فمصر برضه ليه لازمة هقولك من واقع عملى فى الفنادق بس الكلام ده من سنننننننننننين بعض الفنادق فى وسط البلد زمان يعنى مثل ميريديان وشبرد وسميراميس وشيراتون كانت الكوفى شوب بتعمل الحد الادنى للطلبات اولا علشان تحمى العملاء بتوعها من نوعية الشباب اللى داخل يشرب واحد شاى ويهرج بصوت عالى او يبحلق لا مواخذة فى النساء وتيجى تكلمة يفتح صوته ويقولك بفلوسى فهما مش محتاجين النوعية دى ثانيا علشان لو انا مثلا فى وسط البلد وعندى ميعاد بعد ساعتين ممكن ادخل اخد واحد بيبسى واحجز الطاولة اللى ممكن يستعملها اكثر من عميل وطبعا الكلام ده كان فى وقت الفنادق فيه مليانة والسياحة 100% وكل المطاعم والكافيهات داخل الفنادق شغالة فبدأ الموضوع بفنادق وسط البلد ثم انتشر فى باقى القطاعات انما فندق مثل مينا هاوس من زمان وحتى الان لايوجد لانه يعتبر بعيد يعنى اللى رايح هو قاصد المكان (زبون المكان يعنى ) مش مكان انتظار او كده عموما عادى جدا ان الواحد يسال المكان مش عيب ولا فيها احراج لانك لو هتدفع يبقى تطلب بقيمة اللى هتدفعه مع ان الواجب وده اللى كان بيحصل زمان ان بيوضع لافتة فى المدخل ان الحد الادنى للطلبات كذا

اقتباس:

---

المشاركة الأصلية كتبت بواسطة y a r i s

انا اعتقد بعد اخر مقابلة على القهوة. الي قدام حبايب السيدة
اعتقد ان القهوة دي هيبقى فيها منيمم اتشارج هههههه كلنا هجمنا على الكراسي وقعدنا قعدنا ان حد يطلب كوباية شاي ولا حتى كوباية يانسون فشغلنا المكان والطلبات كانت قليلة :)

---

لاحظ ان بعد اخر مقابله الناس قايمه مكانش فى مكان للهواء حتى مش لاى مشاريب بس بعد الساعه 3 كده فى ناس طلبت حاجات برضه بس مش كتير