حد بتاع تكييفات كويس بالمنصورة

لو سمحتوا ياجماعة انا عاوز واحد يكون بيصلح تكييفات كويس فى المنصورة لان انا روحت لتلاتة مختلفين وكل واحد يقولى انا عرفت العيب وادفع فلوس وبعد كام يوم التسقيع بيروح
العربية لانسر كريستالة معايا بقالها 3 سنين اول ماجبتها التكييف كان شغال بس مش قوى روحت لواحد فضى الفريون وكبس الدورة مالقاش تسريب وشحن فريون وبعد فترة التسقيع قل روحت لواحد تانى قالى ده ناقص شوية زود واشتغل شوية كويس وبعدين نفس القصة برضك اخر الصيف اللى فات روحت لمنجة حكيتله اللى حصل قالى الفريون عندك تمام بس فلتر الفريون مكتوم انا بصراحة مش مقتنع انا قولتله انا ماليش فيه اللى انت عاوزه اعمله اهم حاجة مااجيش بعد كام يوم التسقيع يروح قالى انا واثق فضى الفريون فى الهواء وغير الفلتر وغسل الثلاجة وشحن واخد 300 جنيه ومفيش كام يوم التسقيع خف خالص رجعتله قالى طالما فضى بعد كام يوم يبقى الثلاجة عاوزة تتغير ودى عندى صينى ب 700 جنيه انا ما واثقتش بكلامه لان بصراحة دى كانت اسرع مرة الفريون طار فيها قمت سيبته ومشيت لاننا كنا فى اخرالصيف
انا عاوز واحد يكون امين وكويس يعرف التسريب منين لانى زهقت وانا نازل بكره اعمله ونفسى اخلص من القصة دى

انا نازل اصلح التكييف الصبح ياريت اللى يعرف حد كويس يقولى

كان فيه عضو معانا من المنصورة راح لواحد في شارع متفرع من قناة السويس وبيشكر فيه بس مش فاكر التفاصيل الحقيقة

مين العضو ده ولو تعرف اسم الراجل اللى بيصلح ده او مكانه بالظبط اكون شاكر ليك

هاعمل سيرش وأقولك

دي صفحته على المنتدى وبيتهيألي حضرتك سألته قبل كده... أنا ما عنديش فكره والله عن مكان الفني ده ونفسي أعرفه زي حضرتك لأن عندي مشاكل في التكييف برده.
نايل موتورز - NileMotors.net

في واحد في شارع الضرايب (متفرع من شارع مستشفى الصدر) بيشتغل في العربيات الكبيرة كمان تقريبا اسمه مجدي او حمدي دا معروف انه كويس جدا

انا مش في مصر حاليا والله، لو كنت موجود كنت ممكن اوديك عنده

ربنا يوفقك

وفيه مانجا بتاع التكييفات فى شارع جامعة الدول قدام سور محطة القطر

بص ياباشا فيه كهربائي في اول احمد ماهر ورا برج الشيماء عند الناس اللي بيشو سمك في الحتة دي اسمو علي وبيشتغل في التكييف وبصراحة ممتاز (بس مشكلته ان خلقة ضيق)

اقتباس:

---

المشاركة الأصلية كتبت بواسطة mostafa mahmoud

وفيه مانجا بتاع التكييفات فى شارع جامعة الدول قدام سور محطة القطر

---

هو الشارع دا اسمه شارع جامعة الدول ؟ والله ماكنتش اعرف :)

انا ملاحظ ان في ناس كتير من المنصورة

الف شكر ليكوا جميعا انا الحمد لله لسه جاى من عند واحد وراء المعسكر اللى فى قناة السويس وجار تجربة التكييف بعد يوم شاق من الساعة عشرة الصبح لحد الساعة خمسة ونص

اقتباس:

---

المشاركة الأصلية كتبت بواسطة nonnos5

الف شكر ليكوا جميعا انا الحمد لله لسه جاى من عند واحد وراء المعسكر اللى فى قناة السويس وجار تجربة التكييف بعد يوم شاق من الساعة عشرة الصبح لحد الساعة خمسة ونص

---

إن شاء الله يكون خير ... يا ريت تقول لنا انت عملت ايه بالضبط والأسعار أخبارها إيه؟

اقتباس:

---

المشاركة الأصلية كتبت بواسطة د.أبونضال

إن شاء الله يكون خير ... يا ريت تقول لنا انت عملت ايه بالضبط والأسعار أخبارها إيه؟

---

الف شكر يا دكتور ابو نضال على تعبك معايا
اولا احب اقول اننا ابتديت اكره العربية دى بسبب التكييف وكل اللى فيه تسريب لايذكر بيسرب فى خلال شهر ورحت لكذا حد ومش لاقى التسريب لانه لما بيضغط هواء المؤشر مش بيقل
بس انا روحت للراجل اللى متفرع من قناة السويس ده اللى ما كنتش بعرف اوصله بس الحمد لله المرة دى وصلتله الساعة 10 الصبح حكيتله القصة من اولها لاخرها فضى وكبس هواء بس هوه عمل حركة حلوة على بقلم اسود على المؤشر بالظبط علشان ما ننخدعشى بالعين وقعد حوالى نص ساعة او اكتر وهوه بيكشف بالصابون ومش لاقى برضك تسريب المهم بعد شوية لاحظ ان الموشر نزل حاجة لاتذكر فعلا يعنى لو مش معلم بالقلم عمرنا ما كنا خدنا بالنا قالى قبل ما فك التابلوه علشان اكشف على الثلاجة هكشف على السرنتينة من الجزء اللى بينها وبين الريداتير فك الريداتير والمياة الخضراء وقعت على الارض وكنت لسه مغيرها بس مش مشكلة سهلة وكشف لقى تسريب صغير جدا لا يذكر فى السربنتينه من ناحية المسمار اللى رابطها خدتها ورحت لحمتها وركبت وكبست هواء تانى الموشر قل بس بمعدل اقل من الاول فكينا التابلوه وكشفنا على التلاجة وعلى المواسير والسربنتينة ميت مرة وماوصلناش لحاجة بعد شوية الموشر ثبت يعنى احنا فكينا على الفاضى ربطنا وروحت جبت كيلو فريون وشحنا وجارى التجربة ياااااااااااااارب ما يسربشى تانى
التكلفة 20 لحام السربنتينة - 115 كيلو فريون اولاد رزق - 200 جنيه مصنعية-20 جنيه بقشيش

اقتباس:

---

المشاركة الأصلية كتبت بواسطة nonnos5

الف شكر يا دكتور ابو نضال على تعبك معايا
اولا احب اقول اننا ابتديت اكره العربية دى بسبب التكييف وكل اللى فيه تسريب لايذكر بيسرب فى خلال شهر ورحت لكذا حد ومش لاقى التسريب لانه لما بيضغط هواء المؤشر مش بيقل
بس انا روحت للراجل اللى متفرع من قناة السويس ده اللى ما كنتش بعرف اوصله بس الحمد لله المرة دى وصلتله الساعة 10 الصبح حكيتله القصة من اولها لاخرها فضى وكبس هواء بس هوه عمل حركة حلوة على بقلم اسود على المؤشر بالظبط علشان ما ننخدعشى بالعين وقعد حوالى نص ساعة او اكتر وهوه بيكشف بالصابون ومش لاقى برضك تسريب المهم بعد شوية لاحظ ان الموشر نزل حاجة لاتذكر فعلا يعنى لو مش معلم بالقلم عمرنا ما كنا خدنا بالنا قالى قبل ما فك التابلوه علشان اكشف على الثلاجة هكشف على السرنتينة من الجزء اللى بينها وبين الريداتير فك الريداتير والمياة الخضراء وقعت على الارض وكنت لسه مغيرها بس مش مشكلة سهلة وكشف لقى تسريب صغير جدا لا يذكر فى السربنتينه من ناحية المسمار اللى رابطها خدتها ورحت لحمتها وركبت وكبست هواء تانى الموشر قل بس بمعدل اقل من الاول فكينا التابلوه وكشفنا على التلاجة وعلى المواسير والسربنتينة ميت مرة وماوصلناش لحاجة بعد شوية الموشر ثبت يعنى احنا فكينا على الفاضى ربطنا وروحت جبت كيلو فريون وشحنا وجارى التجربة ياااااااااااااارب ما يسربشى تانى
التكلفة 20 لحام السربنتينة - 115 كيلو فريون اولاد رزق - 200 جنيه مصنعية-20 جنيه بقشيش

---

ربنا يجعله بفايده إن شاء الله... لكن مش كتير 200 جنيه مصنعية ؟ انت اللي شفت الشغل وبتقول قعد معاك من الصبح للمغرب فيمكن علشان كده زود في المصنعية؟
ويا ريت توصف لنا الطريق بعد إذنك

بص هوه ممكن يكون غالى شوية بس انا ما فاصلتش معاه خالص فى الفلوس ده لسببيبن الاول هما من الساعة 10 لحد الساعة 5.30 شغالين فى العربية اى نعم هما مش متواصل هما ساعات كانوا بيسيبوا العربية بس مش علشان حد تانى علشان يتاكد من التسريب او على ما الحم السربنتينة والسبب التانى انهم ما كانوش بيحاولوا يقنعونى بحاجة انا مش مقتنع بيها زى كل الصنايعية ودى اكتر حاجة بتكرهنى فى اى صنايعنى وفكوا التابلوه وكشفوا على التلاجة وانا اللى ضغطت عليهم يعملوا كده لان نص اليوم كان عدى فبصراحة هما ما اتاخروش عنى فى حاجة علشان كده ما حبتشى بعد ده كله افاصل معاهم المهم يكون اللى اتصرف بفايدة ده غير انهم بعد ماركبوا التابلوه نسيوا قطعة ففكوا وركبوا تانى من غير ما يقولوا دى مالهاش لازمة والكلام اللى انت فاهمه من الصنيعية

اقتباس:

---

المشاركة الأصلية كتبت بواسطة nonnos5

بص هوه ممكن يكون غالى شوية بس انا ما فاصلتش معاه خالص فى الفلوس ده لسببيبن الاول هما من الساعة 10 لحد الساعة 5.30 شغالين فى العربية اى نعم هما مش متواصل هما ساعات كانوا بيسيبوا العربية بس مش علشان حد تانى علشان يتاكد من التسريب او على ما الحم السربنتينة والسبب التانى انهم ما كانوش بيحاولوا يقنعونى بحاجة انا مش مقتنع بيها زى كل الصنايعية ودى اكتر حاجة بتكرهنى فى اى صنايعنى وفكوا التابلوه وكشفوا على التلاجة وانا اللى ضغطت عليهم يعملوا كده لان نص اليوم كان عدى فبصراحة هما ما اتاخروش عنى فى حاجة علشان كده ما حبتشى بعد ده كله افاصل معاهم المهم يكون اللى اتصرف بفايدة ده غير انهم بعد ماركبوا التابلوه نسيوا قطعة ففكوا وركبوا تانى من غير ما يقولوا دى مالهاش لازمة والكلام اللى انت فاهمه من الصنيعية

---

تمام كده وكمان فين وفين لما الواحد بيروح لبتاع تكييف وأنا لاحظت إن كل ما احتياجك للصنايعي قل كل ما مصنعيته زادت

طيب كويس انة عرف العيب منين
ان شاء الله كلة هايبقي تماام
بس هيا المصنعية غالية شوية