حد بتاع تكييفات كويس بالمنصورة

**nonnos5** · 15-03-2013 11:24 AM

لو سمحتوا ياجماعة انا عاوز واحد يكون بيصلح تكييفات كويس فى المنصورة لان انا روحت لتلاتة مختلفين وكل واحد يقولى انا عرفت العيب وادفع فلوس وبعد كام يوم التسقيع بيروح
العربية لانسر كريستالة معايا بقالها 3 سنين اول ماجبتها التكييف كان شغال بس مش قوى روحت لواحد فضى الفريون وكبس الدورة مالقاش تسريب وشحن فريون وبعد فترة التسقيع قل روحت لواحد تانى قالى ده ناقص شوية زود واشتغل شوية كويس وبعدين نفس القصة برضك اخر الصيف اللى فات روحت لمنجة حكيتله اللى حصل قالى الفريون عندك تمام بس فلتر الفريون مكتوم انا بصراحة مش مقتنع انا قولتله انا ماليش فيه اللى انت عاوزه اعمله اهم حاجة مااجيش بعد كام يوم التسقيع يروح قالى انا واثق فضى الفريون فى الهواء وغير الفلتر وغسل الثلاجة وشحن واخد 300 جنيه ومفيش كام يوم التسقيع خف خالص رجعتله قالى طالما فضى بعد كام يوم يبقى الثلاجة عاوزة تتغير ودى عندى صينى ب 700 جنيه انا ما واثقتش بكلامه لان بصراحة دى كانت اسرع مرة الفريون طار فيها قمت سيبته ومشيت لاننا كنا فى اخرالصيف
انا عاوز واحد يكون امين وكويس يعرف التسريب منين لانى زهقت وانا نازل بكره اعمله ونفسى اخلص من القصة دى

**nonnos5** · 16-03-2013 12:13 AM

انا نازل اصلح التكييف الصبح ياريت اللى يعرف حد كويس يقولى

**د.أبونضال** · 16-03-2013 01:26 AM

كان فيه عضو معانا من المنصورة راح لواحد في شارع متفرع من قناة السويس وبيشكر فيه بس مش فاكر التفاصيل الحقيقة

**nonnos5** · 16-03-2013 01:34 AM

مين العضو ده ولو تعرف اسم الراجل اللى بيصلح ده او مكانه بالظبط اكون شاكر ليك

**د.أبونضال** · 16-03-2013 01:40 AM

هاعمل سيرش وأقولك

**د.أبونضال** · 16-03-2013 01:56 AM

دي صفحته على المنتدى وبيتهيألي حضرتك سألته قبل كده... أنا ما عنديش فكره والله عن مكان الفني ده ونفسي أعرفه زي حضرتك لأن عندي مشاكل في التكييف برده.
نايل موتورز - NileMotors.net

**amrico** · 16-03-2013 12:45 PM

في واحد في شارع الضرايب (متفرع من شارع مستشفى الصدر) بيشتغل في العربيات الكبيرة كمان تقريبا اسمه مجدي او حمدي دا معروف انه كويس جدا

انا مش في مصر حاليا والله، لو كنت موجود كنت ممكن اوديك عنده

ربنا يوفقك

**MoStAfA MaHmOuD** · 16-03-2013 01:59 PM

وفيه مانجا بتاع التكييفات فى شارع جامعة الدول قدام سور محطة القطر

**rawhany** · 16-03-2013 03:59 PM

بص ياباشا فيه كهربائي في اول احمد ماهر ورا برج الشيماء عند الناس اللي بيشو سمك في الحتة دي اسمو علي وبيشتغل في التكييف وبصراحة ممتاز (بس مشكلته ان خلقة ضيق)