الموضوع: رحلتي مع فيروس c

سلامتك يا اخى
وحمد لله على شفائك
وان شاء الله فى ميزان حساناتك

الحمد لله على سلامتك
و إتفضل يا باشا إحكى تجربتك علشان كلنا نستفيد

شفاك الله وعفاك مما ابتلاك

في البداية أحمد الله الذي من علي ان أجد فرصة للعلاج من فيروس c وكل مشكلة فيروس c الوهم الذي يعيش فيه الشخص حتي يعتقد بعض الاشخاص أنه ميت يسير علي الارض مما يؤدي إلي الانهيار النفسي الحاد الذي يحس به الانسان ومما يحيل حياة الانسان إلي هم وحزن لذا عندما إكتشفت هذا المرض عام 2001 عن طريق التبرع بالدم حيث أني مهندس وفي أحد الايام كان هناك حملة تبرع بالدم بالمصنع الذي أعمل فيه فوجدت بعد فترة أن الادارة تسلمني أوراق بها تحاليل لم أفهمها فرحت لمهندس أكبر مني فسألته قالي ده معناه فيروس c موجب يعني إلتهاب كبد وبائي فرحت باليل لدكتور قريبي سألته قالي إنس كل حاجة النهاردة وإمحي اليوم ده ومتقلش لحد وعيش حياتك عادي جدا فأنا ما أهتمتشي بالموضوع لاني كنت مقبل علي الزواج بعد أسبوع فكنت ملخوم بالفرح فسكت لكن عرفت إن أنا كمهندس مش هعرف أشتغل غير في مصر مع إن طبيعة عملي كانت مطلوبة برة جامد وبمرتب كويس فأول حاجة أوهمت الجميع إني أنا ما عنديش أي نية للعمل برة مصر علشان أقفل الباب دة من الاول ولحد كده كانت الحالة النفسية كويسة وما فيش أي مشاكل بالنسبة لي

لحد ما سبت الشركة اللي انا فيها ورحت شركة تانية وعملت كشف طبي طبعا منت مقلق من النتيجة خاصة إن هم خدوا عينة دم مني وطبعا أنا كنت متجوز وكان ربنا رزقني ببنت جميلة إلي أن إتصلوا بي في الشركة فحمدت الله ولحد كده ما كانش حد عارف السر ده غير أنا والدكتور قريبي وإشتغلت وفي 2006 كان واحد زميلي في الشركة مترشح للعمل برة ولكن السفر وقف لانه التحاليل قالت إن عنده فيروس c وكان صاحبي ومقرب مني فقعدت معاه وقالي وقلت له وأنا كمان من 5 سنين وأنا عارف إن انا عندي والحمد لله كويس ونسيت الموضوع ده نهائي بس هو كان أول مرة وطبعا زيي ما قالش لزوجته ةلا لاي حد في البيت وبدانا رحلة البحث نسكت ولا ندور علي علاج فراح هو الاول لانه كان مقلق جامد لدكتو باطنة وعمل التحاليل وpcr وراح للدكتور فحكي ليه عن الحقن والعلاج وطبعا الاثار الجانبية ورحلة العلاج الطويلة فقلنا نلجأ للاعشاب الاول ورحنا لواحد وقعدنا ناخد حاجة كدة لوتها أصفر وفيها أعشاب وطعمها أسوأطعم شربته والريحة نفاذة جدا وكنت بشربه الساعه 6 الصبح كنت باكتم مناخيري وأنا باشرب وعلي فكرة شغلي مشروعات كنت في شقة مفروشة بعيد عن البيت لحد ما قرفت من الشربة وذهقت بعد صاحبي ما كان رجع للدكتور تاني وبدا قرص العلاج وتقريبا هو قرص متفق عليه