تنظيف الريدياتير

**linkin2008** · 15-03-2013 04:26 PM

السلام عليكم ورحمة الله وبركاته دلوقتى انا عايز انضف الريدياتير واغير كل ميته وبصراحة انا عايز اعملها بنفسى ومش متاكد من كل الخطوات وعايز اتعلم لو ممكن حد يشرحالى بالتفصيل اكون شاكر جدا عربيتى نوعها فيات 128 وكنت شوفت صنايعى الريدياتير بيدور العربية والخرطوم مش واصل فى الريدياتير فكل المياه الى فى البلوكات الى فى الماتور تطلع بره وبيكون لونها بنى من كتر الصداء ... شكرا مقدما

**abokoko** · 15-03-2013 04:45 PM

اللى بعمله فى عربيتى
بفرغ بالخرطوم شويه مياه من الرداتير عن طريق الشفط بخرطوم وبكمل الرداتير بزجاجة خل
طبعا بعمل كده والعربيه بارده
وامشي بالعربيه مشوار فى حدود ال 20 كيلو
لما تبرد العربيه - بفكل الخرطوم الراجع من الموتور وداخل للرداتير من اسفل
بستعين ب احمد ابنى ليفرغ مياه كتير فى فوهة الرداتير
وفى نفس الوقت بسد الفتحة السفله من الرداتير
فالمياه بتضطر انها تطلع من الخرطوم الخارج من الموتور ومعها الشوائب والصدأ
بكرر نفس الخطوة حتى تخرج المياه من الخرطوم الخارج من الموتور بيضاء ونظيفة
ازود مياه تانى بس ارفع ايدى من الرداتير من اسفل وبكده تنزل المياه الداخله للرداتير
كده اكتمل الغسيل
استنى 5 دقايق تنزل المياه - اربط الخرطيم والقفزان كويس ازود مياه والعربيه شغاله
واستمر دقيقه بعد الامتلاء وانا بزود وسط مش جامد ولا خفيف لضمان خروج الهواء
وقفل الغطا
واقول الحمد لله

**linkin2008** · 17-03-2013 02:29 AM

المشاركة الأصلية كتبت بواسطة abokoko

اللى بعمله فى عربيتى
بفرغ بالخرطوم شويه مياه من الرداتير عن طريق الشفط بخرطوم وبكمل الرداتير بزجاجة خل
طبعا بعمل كده والعربيه بارده
وامشي بالعربيه مشوار فى حدود ال 20 كيلو
لما تبرد العربيه - بفكل الخرطوم الراجع من الموتور وداخل للرداتير من اسفل
بستعين ب احمد ابنى ليفرغ مياه كتير فى فوهة الرداتير
وفى نفس الوقت بسد الفتحة السفله من الرداتير
فالمياه بتضطر انها تطلع من الخرطوم الخارج من الموتور ومعها الشوائب والصدأ
بكرر نفس الخطوة حتى تخرج المياه من الخرطوم الخارج من الموتور بيضاء ونظيفة
ازود مياه تانى بس ارفع ايدى من الرداتير من اسفل وبكده تنزل المياه الداخله للرداتير
كده اكتمل الغسيل
استنى 5 دقايق تنزل المياه - اربط الخرطيم والقفزان كويس ازود مياه والعربيه شغاله
واستمر دقيقه بعد الامتلاء وانا بزود وسط مش جامد ولا خفيف لضمان خروج الهواء
وقفل الغطا
واقول الحمد لله

اشكرك على سرعة الرد افهم كده من حضرتك انك مادورتش الماتور علشان تطرد الميه الى فيه ومن معلومات حضرتك عرفت ان عربيتك لادا فهل ده يختلف عن عربيتى فيات 128

**fiat128man** · 17-03-2013 02:48 AM

لو فيها رزالة هو الخرطوم اللي رايح الموتور بيبقي فين ?? ومش ممكن افضي مية الراداتير واحط مية خضرا وخلاص ??

**Eng_Mostafa_89** · 17-03-2013 07:02 PM

الريداتير ديما بيكون لية فتحتين بيركب فيهم كوعتين كاوتش
بيكون فى فتحة فوق وفتحة تحت
اللى تحت دى بتكون بتاعت المياة الباردة اللى داخلة للمحرك
والكوعة العلوية دى اللى خارجة من المحرك وبتكون بتاعت المياة الساخنة

فى حاجة اسمها ملح ليمون بتشتريها من العطار ال 1/8 كيلو تقريبا ب4 جنية تفتح الريداتير وتحط حوالى نصف الكمية
وتدور العربية وتمشي بيها شوية وممكن تسيبها حوالى 6 ساعات فى العربية وبعد كدة تبقى تغسل الدورة كويس جدا وتحط مياة خضرا

بس نصيحة بلاش تستعمل ملح الليمون دة فى حالة ان عندك الدورة متاكلة جدا
لان لو الدورة متهالكة ومتاكلة ملح الليمون هياكل الصداء وتلاقى المياة خرجت من الاماكن الضعيفة

**abokoko** · 17-03-2013 08:21 PM

المشاركة الأصلية كتبت بواسطة linkin2008

اشكرك على سرعة الرد افهم كده من حضرتك انك مادورتش الماتور علشان تطرد الميه الى فيه ومن معلومات حضرتك عرفت ان عربيتك لادا فهل ده يختلف عن عربيتى فيات 128

فعلا عربيتى لادا ومش هتفرق عن ال128 فى دورة التبريد - ده اللى اعرفه والله اعلم -
وانا مدورتش الموتور لانى زى ما قلت العمليه بعملها والعربيه بارده تماما وبستخدم اما خرطوم بتالى ضغط المياه هيطرد المياه القديمه بالاندفاع او باستخدام جركن مياه بقلبه فى فوهة الرداتير

**abokoko** · 17-03-2013 08:26 PM

المشاركة الأصلية كتبت بواسطة fiat128man

لو فيها رزالة هو الخرطوم اللي رايح الموتور بيبقي فين ?? ومش ممكن افضي مية الراداتير واحط مية خضرا وخلاص ??

بشمهندس مصطفي رد على جزئيه فتحات الخراطيم
ولو فضيت المياه من الفتحة السفلى للرداتير - هيتبقي جزا داخل الموتور لم يتم اسبداله
-- انا بفك خرطوم الفتحة السفلي للرداتير واسيب الخرطوم مفتوح واسد بايدى الفتحة السفلى للرداتير واندفاع المياه من الفتحة العلوىه بطرد المياه اللى جوه الموتور من الخرطوم المفكوك بتاع الكوعه
وحضرتك هتفضل تزود مياه لحد ما تلاقى المياه طلعت نضيفه

**linkin2008** · 20-03-2013 01:37 PM

المشاركة الأصلية كتبت بواسطة abokoko

فعلا عربيتى لادا ومش هتفرق عن ال128 فى دورة التبريد - ده اللى اعرفه والله اعلم -
وانا مدورتش الموتور لانى زى ما قلت العمليه بعملها والعربيه بارده تماما وبستخدم اما خرطوم بتالى ضغط المياه هيطرد المياه القديمه بالاندفاع او باستخدام جركن مياه بقلبه فى فوهة الرداتير

شكرا يافندم على الايضاح كده الصورة وضحت

**abokoko** · 20-03-2013 02:35 PM

بالتوفيق ان شاء الله

**_hema** · 20-03-2013 04:42 PM

اخى الكريم

فكرتنى بالعزيزه الغاليه عربيتى القديمه

اقول لحضرتك انا كنت بانظف الرداتير ازاى

فى الاول انا بفك خرطوم الرداتير اللى فى الاسفل وافض منه الميه والعربيه داير واكون حاطط خرطوم ميه فى فتحيه الدتاير العلويه

وبعد عشر دقائق او اكثر كنت باربط الخرطوم اللى فى الاسفل وبعد كدا املئ الرداتير بالماء واضع مع الماء زجاجه خل كامله
وامشى بالعربيه على هذا الحال اسبوع

بعد اسبوع اعمل اللى عملتو فى السابق وبعد كده احط الميه الزرقاء او الخضراء فى الريداتير

ولاتنسى قبل ذلك مراعاه ان تكون قربه المياه نظيفه وخرطوم المغذى للقربه من الريداتير نظيف من الداخل ايضا

لكم تحياتى

الموضوع: تنظيف الريدياتير

LinkBack

أدوات الموضوع

عرض

-

-

-

-

-

-

المواضيع المتشابهه

اماكن تنظيف دورة التبريد و تنظيف الرشاشات

نقص مية الريدياتير

الريدياتير

الريدياتير !!!!!!

ماء الريدياتير

الكلمات الدلالية لهذا الموضوع

المفضلات

المفضلات

ضوابط المشاركة