-
لمبة Check Engine نورت
Check Engineياجماعة انا صديقى شارى بروتون بيرسونا 2012
واللمبة Check Engineكل شوية تنوروتطفى لوحدها بعد لما تسيب العربية فترة 30 دقيقة او ساعة على أكثر تقدير ولما روحنا لأسوء توكيل فى مصر عز العرب قالو لنا أن العربية مش مسجلة اى أعطال او عيوب فى الماتور وماخدناش منهم أى عقاب نافع .
بمعنى ان فى حاجة فى العربية بتسجل اذا كانت العربية واجهت اى مشكلة وقالونا ان مافيش حاجة متسجلة انتم بس بيتهيأ لكم !!
أرجو أنكم تفيدونا ايه اللى ممكن يكون مسبب العيب ده
اللمبة ممكن تنور مرة فى شهر على الاقل
-
راجع علي فيش الحساسات علشان ده ممكن يكون الفيش بتتهز ولا حاجه لو مكنش كده وفضلت المشكله اطلع علي عصام وصفا
-
عادي اي عربية على فكرة بتعمل الحاجات دي انا صاحبي كان جايب اوكتافيا استعمال خارج وكانت ممكن مرة كل فين وفين تعمل كدة
انا نورت معيا مرة 10 دقايق من ساعة ما جبت العربية ومعملتهاش تاني ......... اي كمبيوتر ساعات بيحصل فيه أخطاء وبيهيس أحيانا وطالما مش بتنور بإستمرار يبقى بيتدلع عليك شوية ولو روحت لأي حد هيقولك لازم تجي بيها منورة عشان احطها ع الكمبيوتر واعرف ايه العطل و كلام هجص وبتاع .... انت ابقى اعمل الايدل ليرن وهتلاقي الكلام ظبط معاك ومتقلقش على ماتورك ابدا طالما بتغير زيت كويس فالميعاد ومش بتحرق كتير ع العربية ومش بتحط بنزين 80 :)
-
بص على حساس الهواء الى ورا فبره الموتور ممكن تلاقيه مش راكب كويس بس
-
ياجماعة الخير
انا عملت كل اللى قلتولى عليه وللأسف العطل زي ماهو بيروح وبيجى واللمبة مازالت بتنور
أرجو منكم المساعدة :(
انا مكتئب للغاية من العطل السخيف ده ...هل ممكن يكون البنزين اللى بيعمل كده فى العربية ؟؟
-
صورها فيديو يباشا اول متظهر ورحوح امسح بكرامتهم الارض
هتلاقي مشكله في ارضي او حاجه
-
راجع فيشه البوابه
ممكن تكون محتاجه تتثبت صح
-
غالباً البنزين .. استعمل منضف رشاشات وبنزين من بنزينة محترمة وان شاء الله مش هتتكرر
-
لمبه تشك بتنور = لازم تعمل سكان
-
غير محطة البنزين اللى بتفول منها.
Content Relevant URLs by
vBSEO 3.6.0 PL2