الحمد لله بعت العربيه
علي 40750
معروض عليا عربيه تيجو
2400 كيلو متر استهلاك
اللون اسود
رخصه 3 سنين
ترخيص 12/2013
مطلوب 90000
العربيه زيرو 99000
ترخيص ومصاريف 2000
بعني كده في توفير 11000 جنيه
رائيكم ونصيحتكم بسرعه
عرض للطباعة
الحمد لله بعت العربيه
علي 40750
معروض عليا عربيه تيجو
2400 كيلو متر استهلاك
اللون اسود
رخصه 3 سنين
ترخيص 12/2013
مطلوب 90000
العربيه زيرو 99000
ترخيص ومصاريف 2000
بعني كده في توفير 11000 جنيه
رائيكم ونصيحتكم بسرعه
اشتريها بسرعة بشرط الحالة
سعرها حلو جدا بس لازم تعرف ايه سبب البيع بالسرعة ديه ؟؟؟
شوف
اناكنت مروح البيت لقيت العربيه بتتغسل في مغسله علي الطريق
ركنت ونزلت سالت صاحبها مش عايز تبيع
قالي اه عايز ابيع
طب ليه ياحاج قالي انا عايز اشتري النترا
يعني الراجل ماكنش عايز يبيع ولا عامل اعلان الكلام ده كان من حوالي 10 ايام
لكن النهارده قابلته بساله ياعم الحاج عايز تبيع ليه
قالي هاشتري شقه لابني
مش عارف
هل ممكن تكون في حاجه في العربيه تخليه يبيع بسرعه
لكن العربيه زيرو فعلا وبحالتها
النصيحه يااهل الخير
هو سعرها حلو خلاص اتوكل على الله
اعتبرها عربيه مشكوك فيها
هات سمكرى يشوفها
اكشف فى التوكيل
لو كله تمام استخير وخلص
اتأكد من الورق لتكون مسروقة
انا باقول كده عربيه زيرو تعتبر باقل من سعرها 11000 جنيه
العربيه سليمه
لكن انا خايف يكون فيها عيب تاني والحاجات دي مش بتظهر غير مع الاستعمال
ورقها سليم ومرور عبود
ان شاء الله اخلص فيها والله المستعان ويقدر لي الخير فيها
والله يا هوجان انا مش بفهم اوى فى موضوع المستعمل بس أأقدر أقولك:
السعر على ممتاز العربية تعتبر زيرو
المشكلة فى سبب البيع لان اللى يبيع ويخسر 11 الف فى شهر ولا شهرين استخدام دى وراها سبب حرج اكيد والمشكلة الاكبر انه كدب عليك فى اول مرة ورجع غير كلامه
مش عارف!؟
يعني مبدئيا السعر يعتبر كويس
طيب
سبب تغيير كلامه هو اللي قلقني من العربيه
بدايه الكلام اول مره قالي انه مش مرتاح للعربيه لانه كان راكب تويوتا
والتيجو طبعا مش بنعومه التويوتا ولا راحتها في السواقه
علشان كده هو عايز يبيعها ويجيب النترا
ناني شيء الراجل كان شاريها ايام ماكانت العربيه ب93000 مش بالسعر الجديد 99000
يعني كل اللي خسره فيها 5000 او اقل حاجه بسيطه
بصراحه انان محتار وقلقان
وخايف العربيه تكون فرصه واضيعها
وخايف لاتكون فيها حاجه وخصوصا ان 90000 مش مبلغ بسيط ولا قليل
لكن انا اتفرجت علي العربيه النهارده زيرو فعلا مافيهاش غلطه
وكل حاجه والتقفيل فيها بختم المصنع
انصحني
اكشف فى التوكيل و اشترى
انت حضرتك تعب مفسك ليه اكشف ف التوكيل وريح دماغك ولو طلعت تمام توكل ع الله
بسم الله
انت ليه قلقان زيادة عن اللزوم ... هيه مش ليها ضمان ؟؟؟؟؟
كل اللي مطلوب منك التأكد من موقفها من الضمان لا يكون صاحبها خرجها من الضمان لاي سبب...
طلعت ضمان توكل علي الله طالاما سعرها عاملك اغراء ... و لو طلع فيها ايه بقي وقتها اديك مطغطي بالضمان ....
بس كنت عايز اقولك لز اوتوماتيك بلاش احسن لقيت واحد اسمه طارق من المنصورة بيكلمني "جاب نمرتي من هنا" بيطلب مساعدتي علشان في صنايعي طيرله فتيس تيجو 2000 اوتوماتيك .... سألنا عليه مش موجود ...
العجيب ان ال1600 بتاع الام11 و ال516 واللي المفروض انه يركب للتيجو ال1600 "حسب اكواد موقع شيري الدولي" موجود علي 500-700 حسب الحالة .... انما لما لقينا التيجو ال2000 الاوتوماتيك لقيت الراجل بيتكلم في مبلغ 22000 ؟؟؟؟؟؟؟؟؟؟!!!!!!!!!!!!!؟؟؟؟؟؟؟؟ ؟ انا مش عارف هل المحل بيشتغلنا بقي ولا ده سعرة علشان مش متاح ... بس انا ايه يزنقني الزنقة دي .... امال لو كانت بي ام كان بقي الفتيس بكام
يعني فرق الفتيس من عادي 1600 لاوتو 200 اكتر من 21 الف جنيه ... يعني تمن عربية صغيرة اساسا
يا ريت الناس تخلي بالها من الصنايعية اللي ما بيفهموش و حسبنا الله و نعم الوكيل
اللي قال 22 الف جنيه علي الفتيس كان محل البطل ... كان في حد حاطط نمرته في موضوع هنا و كلمته بالمصادفة علشان الراجل موصيني ادورله علي الفتيس
المشكله في عامل الوقت لاني مسافر الساحل يوم الاحد ومحتاج عربيه
والراجل علي كلامه رايح يبيعها في السوق يوم الاحد
لاء هي مش اوتو
وانا رافض موضوع ال 2000 سي سي علشان فتيسها
وعلشان البنزين
وفعلا سعر فتيس الاوتو بيوصل ل25000 مش 22
لان في صديق ليا عامل حادثه واشتري الفتيس ب25000
يعني اتوكل علي الله بكره واشتري
الراجل راح النهارده جاب شهاده المحالفات
المشكله ياهيما اللي مخلياني خايف من العربيه
انها لسه 2400 كيلو ايه الللي يخلي واحد يشتري عربيه زيرو ويبيعها بعد شهرين
خصوصا لو مش محتاج فلوسها ومزنوق فيها
علي العموم هاتوكل علي الله وربنا ييسر الامور ويسترها من عنده
اكشف في التوكيل يا فندم علشان تطمن من الحاله . هو اللي يطمن في الموضوع انه مكنش عارضها للبيع و حضرتك اللي جبتله الفكره لما عرضت عليه انه بيبيع و احتمال كبير انه بعد لما اشتري العربيه ما عجبتوش او كان نازل من حاجه أعلي بس كان مستصعب فكره البيع علشان ما يخسرش فيها و العربيه لسه زيرو و الواحد لو مكنش مقتنع بالعربيه ١٠٠٪ هيلاقي نفسه مع الوقت عايز يبيعها و حضرتك سهلت عليه الموضوع بالعرض بتاعك. علي فكره هتبقى وفرت اكتر من فرق الثمن لانك هتوفر تمن الترخيص كمان و الفرش و صيانه الالف الاولي
لاء ياهيما هي 1600
انا رافض التيجو ال 2000 الاوتو بسبب فتيسها
والبنزين الدعم يعني
فعلا سعر فتيسها يعمل 25000 مش 22 لان في صديق كان عمل حادثه وغير الفتيس ب25000
انا هاتوكل علي الله
ان شاؤ الله ربنا يسترها
شكرا ليك
وفعلا السعر هو اللي مشجعني علي شرائها
في حاجه تانيه الراجل كان شاريها لما كانت 93000
العربيه ثمنها النهارده 99000
يعني ما عندوش خساره جامده في العربيه
ربنا ييسر الامور واشوف كده هاعمل ايه
ياباشا اكشف عليها في التوكيل وشوف فاتورة الصيانه اللي تمت او الصيانتين (لو بقالها اكتر من 6 شهور بعد صيانة الأف) وشوف تواريخهم ليكون العداد متسقط ولو العربيه مافيهاش حاجه والضمان ساري اتوكل على الله
وبالمناسبه ممكن جدا يكون بيبع عادي والعربيه مافيهاش حاجه لأن انا برضو معايا 516 مو 2012 وماشيه اقل من 3000 وبفكر ابيع
بالتوفيق
مش عارف ياهيما كل ماعمل اقتباس للمشاركه بتاعتك مش بيظهر
علي العموم العربيه 1600
وانا رافض ال 2000 من المبدا علشان الفتيس وعلشان البنزين
الدعم يعني
فعلا فتيس الاوتو ممكن يوضل ل 25000 مش 22000
لان كان في صديق ليا عمل حادثه جامده واحتاج يغير قتيس
اشتراه ب 25000
لو 1600 دوس....
قطع غيار المتور ده بقت عند البقالين يا غالي.....
حتي لو الضمان فاكس ليها ملايين الحلول برة التوكيل
اكشف علي العربية كويس ولو تمام
توكل علي الله
وربنا يوفقك للخير ..
شوف يا أستاذ هوجان
اولا السعر اللي حضرتك بتقول عليه ده غالي جدا جدا جدا
ومع احترامي لكل اللي قالوا ان السعر لقطه وكويس والكلام ده
اي عربيه بتعلق نمر ومن غير ماتمشي 100 كيلو حتي سعرها بيقل من 7 الي 10 الاف
ثانيا حضرتك بتتكلم علي عربية صيني وده مش عيب لاسمح الله لكن أقصد ان الصيني سعر اعادة البيع واقع
وحضرتك طبعا كان معاك ال 516 وادري مني بالكلام ده وقارن موديل عربيتك والسعر اللي بعت بيه وسعر بيع الفيرنا اوالانوس مثلا اللي بنفس حالة وموديل عربية حضرتك
ثالثا وزي حضرتك ماقولت الراجل شاري بالسعر القديم يعني هو مش خسران 11 الف ولاحاجة
هو يمكن قال لحضرتك السعر الخزعبلي دة علشان حضرتك اللي عرضت الشراء وانا لو مكانك ماخدهاش باكتر من 80000 جنيه
مثال بسيط بس اقوله لحضرتك:
صديق لي اشتري فيرنا كامله مانيوال موديل السنه ماشيه 400 كيلو ايوه 400 كيلو والسعر الزيرو كان 75000 والله مخلصها ب 65000
ياريت التأني ياباشا لان المبلغ اللي حضرتك بتقول عليه دة يجيب حاجه افضل بكتيييييييييييير من التيجو
ربنا يوفقك للخير
شاكرا للمشاركه الجميله
خير ان شاء الله
الحمد لله استلمت العربيه النهارده
بخصوص السعر تقريبا التيجو الوحيده في الاسبرانزا هي وال 113اللي محافظه علي سعر اعاده البيع
ليه الكلام ده
انا سالت كتير
التيجو 1600 علي وجهه الخصوص ماسكه نفسها ومطلوبه يعني معظم العربيات اللي شوفتها كانت متوسط استهلاك 50000الي 80000 كيلو
السعر كان مابين 70000 الي 75000جنيه
من 1000 كيلو الي 30000 كيلو كانت من رينج ال ى90000 الي 80000
تزيد 1000او تقل 1000
اما بلالنسبه لل516 كانت جايبه 42000 اللي اشتراها تاجر يعني كان لسه هايكسب علي الاقل 3000
لكن انا بعت واتساهلت لسببين
اولا خبطه كنت ناسيها وربنا الشاهد سمعت في اول الشاسيه
ثاني شيء الاستعجال
اما بخصوص صديقك اللي اشتري الفيرنا 400 كيلو نازله 10000جنيه
في ناس كتير بتحرق عربياتها
اما البدائل بخصوص التيجو
المشكله في طبيعه شغلي التي لا يصلح لها عربيه سيدان عاديه
ويمكن الجراند تريوس اختيار افضل لي ومناسب
لكن ما باليد حيله