الموضوع: سعر اف 3 فى سمير ريان 77

فعلا مع ان الاتنين صينى بس تقفيل ال ام جراند احلى بكتير وبعدين واضح ان موضوع غبور دوة عملها سيط جامد

شكرا لك وبكام الإيمجراند عند سمير ريان

سعر الايمجراند الرسمي 82000 الف ولو عايز رايي هات الفيرنا افضل مشاكلها معروفه وقطع غيارها منتشره وعربيه بايعه وبالتوفيق

المشاركة الأصلية كتبت بواسطة ahmedselaraby

77 الف , اه كده معقول , مش الأسعار اللى الواحد بيسمعها ديه , اللى يقولك ب 80 و اللى يقول ب 81 ,

أعتقد أن السعر عنصر هام جدا فى التنافسيه و قرار العميل فيه النهايه , حتى لو كان الفرق بسيط كام ألف يعنى , هى بالنسبه للقارىء ولا حاجه بس بالنسبه للى رايح يشترى فعلا , بتفرق جامد أوى , إسألونى أنا , مع وجود إلتزامات أخرى و ظروف الحياه الطاحنه.

حاجه تانيه بخصوص الشنطه , فا ديه مش مشكله , هما عملوهالى فى صيانة الألف ببلاش , و حتى لو مش عايز تروه الوكيل , أى حد ممكن يعملها , مفيش حد من ملاك البى واى دى بيشتكى من الموضوع ده , كل الشكوى بتبقى من اللى راح إتفرج عليها فل معرض , أو يدوب اللى لسه مشتريها و لسه معملهاش , و برضه موضوع الفتيس ده ظبطهولى فى صيانة الالف ببلاش


فى إعتقادى بخصوص الإمجراند انها لسه عربيه جديده أوى عل سوق و لسه متجربتش بما فيه الكفايه , بالمقارنه بالاسبرانزا و البى واى دى و البريليانس , لسه لما تنتشر أكتر و تمشى فل بلد فى شوارعها المكسره و مطباتها و بلاعتها و بنزينها المغشوش و زحمة شوارعها , ساعتها حيكون الحكم ,,, حقيقة يعنى أى شركة عالميه عايزه تطرح عربيه جديده فى الأسواق العالميه , يفضل تجيبها مصر تتجرب الأول , بلد حقل التجارب , الإختبار الحقيقى فى مصر , مش زى بلاد تانيه العربيه خمس سنين و إرمى , لا إحنا العربيه عندنا تتوارثها الأجيال , من ايد لأيد , و العربيه تتعرض لأقصى ظروف التشغيل و الإهمال أحيانا

أنا فاكر عربيات (بدون ذكر أسماء) كورى و فرنساوى أول ما نزلت الناس كانوا طايرين بيها و طالعين بيها السما مدح و غزل و إعجاب , و إذ فجأتا خسفوا بيها الأرض و لعنوها و إنعكس على أرقام مبيعاتها مره واحده drop .

رد سيادتك عين الصواب ولايوجد احلى من كده